David Gabrieli, një shtetas francez që jeton në Sidnei, është akuzuar për sulm seksual ndaj katër femrave që njohu në aplikacionet e njohura të takimeve RSVP dhe Bumble midis gushtit 2017 dhe janarit 2018.
Në gjykatë, personi në fjalë paraqitej në internet si një mjek që punonte në ambasadën zvicerane dhe përdori fotografi të futbollistit shqiptar Lorik Cana në një përpjekje për të tërhequr femrat dhe për t’i bindur ato të vizitonin apartamentin e tij Maroubra.Gabrieli, një 39-vjeçar, baba i dy fëmijëve, përdorte foton e ish-kapitenit në llogarinë e tij në dy aplikacione për të krijuar lidhje midis njerëzve.
Gjykata ende nuk ka vendosur për fatin e mjekut që punon në Ambasadën Zvicerane në Australi, por padyshim që është një rast fatkeq i keqpërdorimit të imazhit të një legjende të futbollit shqiptar, si Lorik Cana.
Në gjykatë, avokati mbrojtës pyeti një nga femrat se pse ajo zgjodhi të mos raportonte incidentin në polici nëse ishte diçka “serioze” siç pretendoi ajo. “Unë thjesht doja ta harroja atë,”u shpreh ajo.