Anthony Joshua ka 30 ditë afat për të negociuar për duelin me sfiduesin e tij, Alexander Povetkin.
Rusi Povetkin pritet ta sfidojë Joshuan për rripin WBA në peshat e rënda.
Promoterët e Povetkinit kanë konfirmuar se boksieri rus është sfidues i radhës, i cili është përcaktuar nga WBA-ja.
Joshua, që është kampion aktual në versionet WBA, IBF dhe IBO, ditë më parë e fitoi edhe brezin WBO, duke ia rrëmbyer Parkerit.
Brezi WBC mbahet nga Deontay Wilder dhe anglezi dëshiron t’i rrëmbejë gjithë brezat në e mundshëm në boksin e kategorisë së rëndë.
Por, para se ta bëjë këtë, ai duhet të përballet me Alexander Povetkin. /Gazeta Express/