Ish-anëtari i Gjykatës Kushtetuese, Kadri Kryeziu ka folur për raportet e Kosovës me SHBA-në, ai në deklaratën të cilën e ka dhënë Hovenier ku thotë se është prekur cilësia e partneritetit mes Kosovës dhe ShBA-së e cilëson si vërejtje.

Gjithashtu Kryeziu në emisionin “Politiko” me Kushtrim Sadikun është shprehur se për deklaratë të cilën ka bërë Hovenieri Kosova ka marr vetëm një vërejtje me goje dhe jo me shkrim, raporton Gazeta10.

“Po këto janë vërejtje me gojë po flas kështu si një profesor dhe ende se kemi marrur vërejtjen me shkrim, deri sa janë me gojë nuk besoj që ka problem”, është shprehur Kryeziu.

“Eli –Edona”, mobilieria me oferta më të mira në Prizren

Qytetarët që banojnë në rrugën “De Rada” në Prizren ankohen për pengesat që po u sjell shtrirja e rrjetit të kanalizimit në këtë rrugë.

Sipas tyre, në këtë segment rrugor është punuar disa herë përgjatë dy viteve. Ata  thonë se përveçse kanë pengesa në qarkullimin e automjeteve, po pengohen edhe në punën në bizneset e tyre.

Vendosja e rrjetit të kanalizimit në rrugën “De Rada” në Prizren, ka ngjallur reagime të qytetarëve, raporton RTKlive.

Banesa në shitje nga Renelual Tahiri  

Ata thonë se bizneset kanë mbetur pa punë dhe qarkullimi rrugor shumë i frekuentuar po has në vështirësi.

“Këtu si për shembull nja 10 herë kanë punuar për qet kanal. Qet rrugën tash e kanë shtruar, si as një vjet valla”, tha Rami Shaljani, banor në rrugën “De Rada”.

Investimi është donacion disa milionësh i qeverisë gjermane përmes KFW-së. Komuna ka dhënë pëlqimin për këtë projekt, ndërsa kontraktori është i obliguar t’i përmbahet dinamikës së punës, tha drejtori i shërbimeve publike Çelë Lama.

“Një investim i tillë komuna nuk ka qysh ta refuzojë, kompania e cila e bën këtë hapje, ka me kthyar infrastrukturën në gjendjen ekzistuese, do me thënë, qytetarët të kenë durim, që brenda një afati kohor dy deri në tri javë do të na përfundojë ky projekt”, tha pwr RTK Çelë Lama, drejtor i shërbimeve publike.

Sipas drejtorit të departamentit për ujëra të ndotura pranë KRU “Hidroregjioni Jugor” studimi i gjendjes së kanalizimit në këtë terren është bërë pas rehabilitimit të kësaj rruge.

“Qeveria gjermane përmes një kompanie konsulente, kontraktuese, e ka bërë incizimin e komplet rrjetit të pellgut që ujin e ndotur e dërgon në impiant. Sepse interesi i qeverisë gjermane dhe i KFW -së i donatorit, është ti lidh projektet e saj, do të thotë fillimisht e ka ndërtuar impiantin, tash e rregullon sistemin e kanalizimit, në mënyrë që të rritet ndotja në impiant, sepse impiantet ndërtohen për të trajtuar ujë të ndotur”, tha për RTK Lulzim Paçarizi, drejtor i departamentit për ujëra të ndotura KRU ‘Hidroregjioni Jugor’

Sipas  drejtorit Lulzim Paçarizi, ky projekt është donacion i pastër i qeverisë gjermane dhe as komuna e as Hidroregjioni Jugor nuk kanë obligim financiar ndaj punë kryerësve. KFW gjermane pritet të realizojë edhe disa projekte të tjera në Prizren.

“Eli –Edona”, mobilieria me oferta më të mira në Prizren

Shqipe Mehmeti Selimi, deputetja dhe bashkëshortja e Rexhep Selimit ka dhënë detaje lidhur me njërin nga avokatët e tij, i cili është larguar nga ekipi mbrojtës.

Ajo ka sqaruar në Facebook se një gjë e tillë është e vërtetë, por nuk ka të bëjë asgjë me çështje financiare, por me çështje shëndetësore të avokatit David Young.

“Ekipi i Rexhep Selimit vazhdon punën si gjithmonë, të përkushtuar ndaj të drejtës dhe fitores. E falënderoj avokatin Young për punën e palodhshme në mbrojte të Rexhës”, ka shkruar ajo.

Ish-komandanti i UÇK-së dhe ish-shefi i deputetëve të Lëvizjes Vetëvendosje në Kuvendin e Kosovës, Rexhep Selimi, gjendet në paraburgim në Dhomat e Specializuara në Hagë që nga 5 nëntori i vitit 2020, pas konfirmimit të aktakuzës që përfshiu krerët më të lartë të shtetit.

Sipas aktakuzës, ish-pjesëtari i Shtabit të Përgjithshëm të Ushtrisë Çlirimtare të Kosovës dyshohet për veprat penale të ndalimit të paligjshëm ose arbitrar, trajtimit mizor, torturës dhe vrasjeve e zhdukjeve me forcë të personave midis marsit të vitit 1998 dhe shtatorit, 1999.

“Eli –Edona”, mobilieria me oferta më të mira në Prizren

Krimet pretendohet se janë kryer në Kosovës dhe në veri të Shqipërisë, përkatësisht në Kukës dhe në fshatin Cahan të Hasit.