7.8 C
Prizren
E hënë, 26 Shkurt, 2024

Superliga e basketbollit rikthehet me disa duele të zjarrta

Fundjava do të sjellë përballje interesante në elitën e basketbollit të Kosovës.

Kjo xhiro do të hapet me sfidën mes Pejës dhe Golden Eagle Yllit apo kampionit dhe ish-kampionit apo edhe skuadrave verdhezi.

Ky duel i gjen skuadrat në forma të ndryshme, pasi pejanët kanë pësuar tri humbje në tri ndeshjet e fundit, që erdhën pas shtatë fitoreve radhazi, kurse therandasit kanë pesë fitore radhazi, pasi që nuk e kishin nisur aq mirë këtë edicion.

Përballja e dytë e së shtunës zhvillohet mes Vëllaznimit dhe Trepcës, dy skuadra në formë të lartë, si dhe që kërkojnë fitoren e radhës. Kuqezinjtë kanë gjashtë fitore radhazi pas katër humbjeve, ndërsa mitrovicasit janë në vendin e parë me tetë fitore e dy humbje.

Sigal Prishtina dhe Istogu do të përballen të dielën, ku bardhekaltrit kanë pasur rënie të formës në ndeshjet e fundit, duke bërë ndryshime edhe në shtabin teknik, ndërsa numëron pesë fitore e pesë humbje, ndërsa istogasit janë në vendin e fundit me një fitore e nëntë humbje.

Java e 11-të do të mbyllet me derbin prizrenas mes Proton Cable Prizrenit dhe Bashkimit. Proton Cable Prizreni ka tri fitore e shtatë humbje, kurse Bashkimi ka katër fitore e gjashtë humbje.

Superliga /Java 11-të

Të shtunën takohen:

17:00 Peja-Golden Eagle Ylli

19:00 Vëllaznimi-Trepça

Të dielën takohen:

17:00 Sigal Prishtina-Istogu

19:00 Proton Cable Prizreni-Bashkimi

Më Shumë

Tentativa e grabitjes në Krushën e Madhe: Të dyshuarit largohen pa sukses

Një shtëpi në Krushë të Madhe u shënua si qëllim i një tentimi grabitjeje të armatosur mbrëmjen e kaluar. Disa persona të armatosur kishin synuar...

Zyrtare/ Largohet nga Turqia, mbrojtësi nga Prizreni firmos në Kazakistan

David Domgjoni me skuadër të re. Mbrojtësi nga Prizreni është larguar nga Turqia duke u transferuar në Kazakistan. 26-vjeçari ka firmosur deri më 31 dhjetor...

Lajmet e Fundit