26.7 C
Prizren
E shtunë, 9 Gusht, 2025
type here...
Home Blog Page 139

Rahoveci një hap larg finales, synon ta mbyllë serinë ndaj Prishtinës

admin
-
0
Rahoveci një hap larg finales, synon ta mbyllë serinë ndaj Prishtinës

Të shtunën janë në program ndeshjet e dyta gjysmëfinale në plejofin e Superligës së Kosovës në hendboll për meshkuj.

Nga ora 17:30 në Pallatin e Rinisë dhe Sportit në kryeqytet takohen Prishtina dhe Rahoveci. “Vreshtarët” llogariten favoritë dhe udhëtojnë në Prishtinë për ta siguruar finalen, raporton PrizrenPress.

Ndeshjen e parë, të luajtur të mërkurën në “Mizahir Isma”, Rahoveci e fitoi bindshëm me rezultat 47:30. Skuadra rahovecase e ka përfunduar stinorin e rregullt në pozitën e parë, ndërsa Prishtina ishte e katërta. Megjithatë, skuadra prishtinase pritet të japë maksimumin për të kërkuar befasinë dhe për ta zgjatur serinë.

Gjysmëfinalja zhvillohet deri në dy ndeshje të fituara.

Rivalitet dukshëm më i madh ishte në ndeshjen tjetër gjysmëfinale mes Kastriotit dhe Besa Famgasit. Të enjten në Ferizaj, Kastrioti fitoi 38:37, por vetëm pas vazhdimeve prej dhjetë minutash. Ekipi pejan ishte në epërsi gjatë gjithë kohës, ndërsa ferizajasit barazuan në fundin e kohës së rregullt dhe u treguan më të vendosur në shtesë.

Ndeshja e dytë mes Besa Famgasit dhe Kastriotit zhvillohet të shtunën nga ora 19:00 në palestrën “Karagaçi” në Pejë. Pritet një tjetër përballje e fortë dhe e balancuar deri në fund. Në stinorin e rregullt, Kastrioti ishte i dyti dhe Besa Famgas e treta./PrizrenPress.com

Komuna e Dragashit dhe organizatat e dala nga lufta në qëndrim të përbashkët kundër mbajtjes së “Arog Fest” në Ditën e Dëshmorëve

admin
-
0
Komuna e Dragashit dhe organizatat e dala nga lufta në qëndrim të përbashkët kundër mbajtjes së “Arog Fest” në Ditën e Dëshmorëve

Kryetari i Komunës së Dragashit, Bexhet Xheladini, priti gjatë ditës së djeshme në takim përfaqësuesit e organizatave të dala nga lufta: Hysni Gucati – kryetar i OVL të UÇK-së, Xhavit Jashari – kryetar i Shoqatës së Familjeve të Dëshmorëve, dhe Fadil Shurdhaj – kryetar i Shoqatës së Invalidëve të Luftës. Ata ishin të shoqëruar nga kryetari i OVL të UÇK-së në Dragash, Emri Neshati, dhe bashkëpunëtorë të tjerë, raporton PrizrenPress.

Në njoftimin e Komunës thuhet se “fillimisht, kryetari Xheladini i falënderoi për vizitën, duke theksuar se Komuna e Dragashit kanë qenë çdo herë në përkrahje të organizatave dhe kategorive të dalura nga lufta, si dhe ka një bashkëpunim të shkëlqyer me OVL të UÇK-së, Dega në Sharr.”

Më tej në njoftim thuhet se përfaqësuesit e organizatave shprehën mirënjohje për bashkëpunimin, veçanërisht për “gatishmërinë e Komunës së Dragashit për të ndërmarrë hapa konkretë në ndalimin e koncertit AROG FEST, të paralajmëruar të mbahet në të njëjtën ditë me Ditën e Dëshmorëve, duke respektuar ndjeshmërinë kombëtare, sakrificën e popullit të Kosovës dhe vlerat e lirisë”.

“Në takim u diskutua edhe për vendimin e Kuvendit të Komunës së Dragashit për miratimin e Kërkesës së OVL të UÇK-së për ndërrimin e datës së çlirimit të Komunës sonë, nga data 15 në 12 qershor”, thuhet më tej në njoftim.

Gjithashtu, sipas njoftimit, u mor qëndrim për bashkërendimin e veprimeve për ofrimin e ndihmës së përbashkët për ndërtimin e shtëpisë së një veterani të luftës së UÇK-së nga Komuna e Dragashit, me një gjendje të vështirë ekonomike./PrizrenPress.com

Mot i nxehtë sot, temperaturat arrijnë në 28 gradë Celsius

admin
-
0
Mot i nxehtë sot, temperaturat arrijnë në 28 gradë Celsius

Sot parashihet të mbajë mot kryesisht me diell.

Sipas të dhënave të Institutit Hidrometeorologjik të Kosovës, temperatura do të lëvizin nga 6 deri në 28 gradë Celsius.

“Të shtunën parashihet të mbajë mot kryesisht me diell. Temperaturat minimale do të lëvizin ndërmjet 6-9 gradë Celsius, ndërsa maksimalet e ditës parashihen të lëvizin ndërmjet 25-28gradë Celsius. Do të fryjë erë kryesisht nga jugperëndimi e lehtë deri mesatare”, thuhet në njoftimin e IHMK-së.

Kurti: `Hasi Jehon`, një urë që na lidh përmes zërit të folklorit shqiptar

admin
-
0
Kurti: `Hasi Jehon`, një urë që na lidh përmes zërit të folklorit shqiptar

Kryeministri në detyrë, Albin Kurti, mbrëmjen e sotme, mori pjesë në ngjarjen e organizuar me rastin e shënimit të 50-vjetorit të themelimit të Shoqatës kulturo-artistike “Malësori” dhe në edicionin e 36-të të Festivalit Folklorik “Hasi Jehon”.

“Pesë dekada përkushtim e punë të palodhshme për ruajtjen e vlerave të folklorit burimor, përmes veshjeve, instrumenteve e këngës popullore, e kanë shndërruar këtë manifestim në një nga ngjarjet më të rëndësishme kulturore në trojet ku jetojnë shqiptarët. Është një vendtakim i përvitshëm për mijëra artdashës dhe një skenë ku vlerat kulturore marrin hov”, u shpreh në hyrje të fjalës së tij kryeministri Kurti.

Në vijim, Kurti tha se ky manifestim, që mbahet në fillim të muajit maj, përkon me datat simbolike të pajtimit të madh të gjaqeve më 2 maj 1990, ngjarje kjo e cila ndodhi pikërisht këtu, në vendin ku po zhvillohet manifestimi edhe sivjet, njofton Kryeministria.

“Përballë sfidave dhe periudhave të vështira të së kaluarës, “Hasi Jehon” ka qëndruar si një dëshmi e gjallë e rezistencës dhe angazhimit për ruajtjen e identitetit tonë kulturor”, u shpreh kryeministri në detyrë.

Ai shtoi se Qeveria e Republikës së Kosovës dhe Ministria e Kulturës, Rinisë dhe Sportit, i kanë kushtuar vëmendje të veçantë mbështetjes institucionale dhe financiare për të gjitha fushat e kulturës, veçanërisht në fushën e folklorit, ku kemi mbështetur në vazhdimësi ansamblet, manifestimet, studimet dhe botimet në tërë territorin e vendit, me qëllim zhvillimin e mëtejshëm të kapaciteteve për ruajtjen, kultivimin dhe promovimin e trashëgimisë sonë.

“Hasi Jehon” është më shumë se një festival: është një urë që na lidh me njëri-tjetrin dhe me botën, përmes zërit të pastër të folklorit shqiptar”, tha kryeministri.

Shoqata kulturo-artistike “Malësori”, me projektin Festivali Folklorik “Hasi Jehon”, është mbështetur nga Qeveria përmes Ministrisë së Kulturës, Rinisë dhe Sportit. Gjatë vitit 2021 është përkrahur me shumën 7 mijë euro, në vitin 2022 kjo përkrahje është më shumë se trefishuar në vlerën prej 25 mijë euro. Ndërkohë, festivali ka marrë mbështetje edhe në vitin pasues me vlerë prej rreth 27 mijë euro, ndërsa kjo përkrahje gjatë vitit 2024 ka arritur në vlerën prej 30 mijë euro.

Në Gjonaj të Hasit sonte nisi edicioni i 36-të i Festivalit “Hasi Jehon”

admin
-
0
Në Gjonaj të Hasit sonte nisi edicioni i 36-të i Festivalit “Hasi Jehon”

Nata e parë i kushtohet SHKA “Malësori”, nikoqire e festivalit, që këtë vit feston 50 vjetorin e themelimit.

Në hapje mori pjesë edhe kryeministri në detyrë, Albin Kurti, i cili theksoi rëndësinë e ruajtjes së folklorit dhe trashëgimisë kulturore.

Gjatë dy netëve në vijim do të performojnë ansamble nga të gjitha trevat shqiptare.

Finalja e basketbollit në ekran gjigand: Shiko ndeshjen së bashku me tifozët e tjerë në Prizren

admin
-
0
Finalja e basketbollit në ekran gjigand: Shiko ndeshjen së bashku me tifozët e tjerë në Prizren

Bashkimi i Prizrenit ka njoftuar se do të organizojë transmetimin ‘live” të ndeshjes së parë finale të basketbollit në ekran gjigand për t’i mundësuar tifozëve të qytetit të përjetojnë emocionet e kësaj ngjarjeje të madhe. Transmetimi do të zhvillohet në oborrin e Qendrës Sportive “Sezai Surroi” në Prizren, duke ftuar të gjithë qytetarët të shijojnë ndeshjen së bashku, raporton PrizrenPress.

Në këtë finale, Bashkimi, që përfundoi kampion i garave të rregullta, do të përballet me Trepçën, që e mbylli sezonin e rregullt në vendin e dytë. Bashkimi kërkon të fitojë titullin e dytë në histori, të parin pas vitit 2018, ndërsa Trepça është kampione aktuale dhe e ka fituar këtë trofe pesë herë.

Ndeshja e parë e finales do të zhvillohet këtë të diel, më 19:00.

“Të dielën, më 19:00, ftojmë të gjithë qytetarët e Prizrenit të mblidhen dhe ta përjetojnë emocionin e finales së bashku, duke dhënë përkrahjen e tyre me zemër për ekipin tonë! Bashkë drejt fitores – për Prizrenin!” – apelon klubi./PrizrenPress.com

Gara për titullin e kampionit nis më 4 maj në Prizren

admin
-
0
Gara për titullin e kampionit nis më 4 maj në Prizren

Seria finale e “Play-off”-it të ProCredit Superligës fillon në Prizren me super finalistët Bashkimi dhe Trepça.

Epërsia e terrenit i takon prizrenasve që përfunduan garat e rregullta në pozitën e parë, derisa e dyta ishte kampionia aktuale, Trepça.

Skuadra që shënon katër fitore fiton titullin e kampionit, raporton PrizrenPress.

Orari i finaleve:

Finalja 1
E diel, 4 Maj Bashkimi – Trepça
Finalja 2
E mërkurë, 7 Maj Trepça – Bashkimi
Finalja 3
E diel, 11 Maj Bashkimi – Trepça
Finalja 4
E mërkurë, 14 Maj Trepça – Bashkimi
Finalja 5 (eventuale)
E diel, 18 Maj Bashkimi – Trepça
Finalja 6 (eventuale)
E mërkurë, 21 Maj Trepça – Bashkimi
Finalja 7 (eventuale)
E diel, 25 Maj Bashkimi – Trepça

Liria humb mundësinë për fitore në Malishevë, barazimi 1-1 pengon ambiciet për kreun

admin
-
0
Liria humb mundësinë për fitore në Malishevë, barazimi 1-1 pengon ambiciet për kreun

Liria e Prizrenit nuk arriti të marrë më shumë se një pikë në përballjen ndaj Vëllaznimit, e zhvilluar në stadiumin “Liman Gegaj” në Malishevë, duke barazuar me rezultat 1-1, raporton PrizrenPress.

Me këtë barazim, skuadra e drejtuar nga trajneri Leotrim Krasniqi mbetet në kuotën e 47 pikëve, duke humbur një rast të mirë për t’iu afruar liderit Drenica, që tani ka 52 pikë pas fitores në udhëtim ndaj Rilindjes 1974.

Liria kaloi në epërsi që në minutën e 2-të me golin e Dijar Nikqit, por vendasit barazuan në pjesën e dytë përmes një penalltie të realizuar nga Ardian Hoti në minutën e 71-të./PrizrenPress.com

Suhareka përkujton 26-vjetorin e rënies së dëshmorëve Fetah Gega dhe Xhavit Bajraktari

admin
-
0
Suhareka përkujton 26-vjetorin e rënies së dëshmorëve Fetah Gega dhe Xhavit Bajraktari

Sot, më 2 maj, Komuna e Suharekës ka përkujtuar 26-vjetorin e rënies së dëshmorëve të kombit, Fetah Gega nga fshati Studençan dhe Xhavit Bajraktari nga fshati Samadrexhë, të cilët dhanë jetën në shërbim të lirisë së Kosovës, raporton PrizrenPress.

Ena Bulku, Arbër Selmani dhe Elvin Nuri – fituesit e Fondit të Krijimtarisë Letrare për të Rinj për vitin 2025

admin
-
0
Ena Bulku, Arbër Selmani dhe Elvin Nuri – fituesit e Fondit të Krijimtarisë Letrare për të Rinj për vitin 2025

Qendra Kombëtare e Librit dhe Leximit ndau sot vlerësimet për fituesit e Fondit të Krijimtarisë Letrare për të Rinj për vitin 2025.

Juria, e kryesuar nga shkrimtari Ylljet Alicka dhe me anëtarë pedagogen e letërsisë, Dhurata Shehri dhe gazetaren e kulturës, Arta Marku vlerësuan mes 18 dorëshkrimeve veprat: “Pallati i dëshpërimit” (roman), “Testosteron” (vëllim me tregime), “Shpikja e skandalit në idil”, (vëllim me poezi).

Fituesit e Fondit të Krijimtarisë Letrare për të Rinj për vitin 2025 janë:

Ena Bulku për romanin “Pallati i dëshpërimit”, nga shtëpia botuese “Ombra GVG” me motivacionin: “Një roman që eksploron në mënyrë fine fatin e individit, botën e tij të brendshme duke përzier erudicionin, poezinë dhe meditimin mbi kohën dhe kujtesën”.

Arbër Selmani për vëllimin me tregime “Testosteron”, nga shtëpia botuese “Albas” me motivacionin: “Proza që shkëlqejnë me intuitë dhe stil në zbulimin e të vërtetave të artit”.

Elvin Nuri për vëllimin poetik “Shpikja e skandalit në idil”, nag shtëpia botuese “Berk”, me motivacionin: “Poezi e vetmisë urbane, që figurën e bën zgjedhje jo dekorative”.

Ndërkohë, me propozimin e jurisë do të mbështeten për botim edhe tre të rinj të tjerë, të cilët janë:

Liza Brozi me dorëshkrimin “Vdekja e kukullës” nga shtëpia botuese
“Albas”.

Antonio Çikollari me dorëshkrimin “Pesë vdekje” nga shtëpia botuese
“Albas”.

Xhensila Dautllari me dorëshkrimin “Anahera: E fshehta në godinën e
pestë” nga shtëpia botuese “Toena”.

1...138139140...8 812Page 139 of 8 812

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne