Kryetari i Komunës së Malishevës ka ndarë mirënjohje për afaristin dhe mërgimtarin, njëherësh këshilltar komunal në Gründau të Gjermanisë, Nysret Hoti, për kontributin e tij të veçantë në promovimin e arsimit shqip në mërgatë.

Sipas njoftimit të komunës, ky vlerësim u dha me motivacionin: “Për kontribut të veçantë në promovimin e arsimit shqip në mërgatë, përmes mbështetjes së shkollës shqipe në Gjermani. Angazhimi profesional dhe publik, si afarist dhe këshilltar komunal në Gründau përbën shembullin më të mirë të përkushtimit ndaj komunitetit”.

Me këtë rast, Hoti u shpreh se ky vlerësim përbën një nder të jashtëzakonshëm dhe një shtysë shtesë për të vazhduar angazhimin në shërbim të vendlindjes dhe komunitetit shqiptar në diasporë.

Komuna e Malishevës ka shprehur mirënjohje edhe për të gjithë bashkatdhetarët që kontribuojnë në ruajtjen dhe zhvillimin e arsimit dhe identitetit kombëtar jashtë vendit./PrizrenPress.com/

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/

Ka ndërruar jetë ish-ushtari i Ushtrisë Çlirimtare të Kosovës, Mustafë Gashi nga Suhareka. Lajmi për vdekjen e tij është bërë i ditur nga familjarët përmes një njoftimi në rrjetet sociale, duke njoftuar miqtë, shokët dhe bashkëpunëtorët për humbjen e tij.

Sipas njoftimit, Gashi ishte një figurë e angazhuar për vite me radhë në fushën e sigurisë, duke dhënë kontribut të rëndësishëm që nga periudha e luftës e deri në ndërtimin e institucioneve shtetërore të Kosovës.

“Të nderuar shokë, miq e dashamirë, ju njoftoj se sot, më 03.04.2026, ka ndërruar jetë dhëndrri dhe shoku ynë Mustaf Gashi nga Suhareka. Kosova humbi një njeri të zotin, punëtor dhe shumë të angazhuar në fushën e sigurisë”, ka shkruar në reagimin e tij publik, Rizah Berisha.

Ai ka theksuar se kontributi i Gashit ka qenë i gjerë dhe shumëdimensional, duke filluar nga roli i tij si Shef i Qendrës Operative të Shtabit të Përgjithshëm të UÇK-së, më pas si themelues dhe drejtues në strukturat e Trupat Mbrojtëse të Kosovës, si dhe në institucionet shtetërore të Kosovës.

Ndër të tjera, Gashi kishte shërbyer si themelues dhe komandant i Qendrës Simulative në kuadër të Komandës së Trajnimit dhe Doktrinës në TMK, si dhe themelues i Qendrës së Situatave pranë Qeverisë së Kosovës. Së fundmi, ai ushtronte detyrën e zyrtarit të lartë në Agjencia e Menaxhimit të Emergjencave.

“Kontributi i tij ka lënë gjurmë në shtetkrijimin, shtetndërtimin dhe forcimin e sigurisë së Republikës së Kosovës”, thuhet në njoftim.

Varrimi i të ndjerit do të bëhet më 4 prill 2026, në ora 15:00, në varrezat e Suharekë./PrizrenPress.com/

Marketing

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/

Policia e Kosovës ka publikuar statistikat e përgjithshme të 24 orëve të fundit, ku bëhet e ditur se janë regjistruar 35 aksidente trafiku me të lënduar dhe 40 me dëme materiale, ndërsa janë shqiptuar 2,233 tiketa trafiku

Policia e Kosovës ka bërë të ditur statistikat e përgjithshme nga raporti i 24 orëve të fundit.

Sipas raportit, në këtë periudhë nuk është shënuar asnjë aksident trafiku me fatalitet, ndërsa janë regjistruar 35 aksidente trafiku me të lënduar dhe 40 aksidente me dëme materiale.

Po ashtu, policia ka shqiptuar 2 mijë e 233 tiketa trafiku.

Në 24 orët e fundit janë arrestuar 19 persona, shtatë janë dërguar në mbajtje, asnjë person nuk është ndaluar në ndalim policor, ndërsa tre persona janë në vuajtje të dënimit.