Varianti i Covid Stratus, i njohur edhe si XFG, po përhapet me shpejtësi në të gjithë popullatën dhe ka një simptomë të hershme delikate që njerëzit mund ta anashkalojnë lehtësisht dhe ta shpërfillin si të padëmshme, raporton Daily Star.

Varianti përhapet në heshtje, duke shkaktuar simptoma që janë të lehta për t’u injoruar, ndërsa lloji i ri përhapet me shpejtësi midis njerëzve.

Zyrtarët e shëndetësisë në Irlandë regjistruan 425 infeksione të reja në javën e parë të shtatorit, me variantin Stratus (XFG) që besohet të jetë përgjegjës për shumicën dërrmuese të këtyre rasteve. Thuhet se lloji po përhapet brenda komuniteteve me shenja paralajmëruese të hershme të dallueshme.

Varianti po përhapet me një shpejtësi alarmante, duke përbërë tani 76.1% të infeksioneve të dokumentuara, krahasuar me 49.3% gjashtë javë më parë, sipas të dhënave nga Qendra e Mbikëqyrjes së Mbrojtjes së Shëndetit në Irlandë.

Organizata Botërore e Shëndetësisë (OBSH) e ka klasifikuar Stratus si një “variant nën monitorim”. Edhe pse nuk besohet se shkakton sëmundje më serioze, ai mund të përhapet më shpejt se llojet e mëparshme.

Një simptomë fillestare delikate

Varianti sjell një simptomë delikate, fillestare që shumë mund ta injorojnë, në vend që ta njohin atë si një paralajmërim. Shenja më e zakonshme e hershme e variantit Stratus është një zë i ngjirur ose i çjerrë, i cili më pas shndërrohet në simptoma tipike të Covid-it, siç janë ethet ose kolla, shkruan Mirror.

Në një deklaratë për Cosmopolitan UK, mjeku i përgjithshëm i Harley Street, Dr. Kaywaan Khan, shpjegoi:

“Një nga simptomat më të dukshme të variantit Stratus është ngjirja e zërit, domethënë një zë i ngjirur.”

Është raportuar gjithashtu një sërë simptomash shtesë, duke përfshirë një hundë të bllokuar, dhimbje fyti, shqetësime në stomak dhe lodhje, sipas Irish Mirror. Eksperti i sëmundjeve infektive, dr. Peter Chin-Hong i Universitetit të Kalifornisë, San Francisko, paralajmëroi se Stratus shkakton një “spektër më të gjerë simptomash” sesa variantet e mëparshme.

Duke folur për SFGATE, ai shpjegoi:

“Disa njerëz kanë një dhimbje fyti më të rëndë. Sidomos të moshuarit që nuk e morën vaksinën vitin e kaluar. Sëmundja është shumë ngjitëse, kështu që presim që shumë njerëz ta marrin atë – veçanërisht tani që fëmijët po kthehen në shkollë. Hunda ndoshta është Covid.”

Sëmundje më e rëndë dhe simptoma të zgjatura?

Pavarësisht shfaqjes së simptomave të reja, udhëzimet zyrtare irlandeze për Covid mbeten të pandryshuara.

Shërbimi Ekzekutiv i Shëndetit (HSE) tha:

“Nëse keni ndonjë simptomë të Covid dhe ndiheni keq, duhet të: qëndroni në shtëpi deri në 48 orë pasi simptomat tuaja të jenë zhdukur kryesisht ose plotësisht shmangni kontaktin me njerëz të tjerë, veçanërisht ata në grupet me rrezik të lartë. Nuk keni nevojë të bëni një test Covid përveç nëse ju këshillon mjeku juaj i familjes ose profesionisti i kujdesit shëndetësor.”

Në udhëzimet e tij, Shërbimi Kombëtar i Shëndetit (NHS) ka publikuar një listë të gjerë të simptomave tradicionale të Covid-19 që njerëzit në Mbretërinë e Bashkuar duhet t’i kushtojnë vëmendje.

Simptomat e Covid-19 mund të përfshijnë: ethe, kollë, ndryshime në nuhatje dhe shije, dhimbje koke, dhimbje fyti, lodhje, dhimbje muskujsh, hundë të bllokuara, etj.

Këto simptoma mund të mbivendosen me ato të ftohjes së zakonshme ose gripit. Shumica e njerëzve shërohen brenda pak javësh, por disa mund të zhvillojnë forma më të rënda të sëmundjes ose simptoma afatgjata (Covid i gjatë).

BiCredit tani edhe në Prizren, kredi për çdo nevojë!

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

James Rubin deklaroi në Hagë se kur kanë shkuar për t’u takuar në Konferencën e Rambujesë, Hashim Thaçin nuk e ka njohur, por që ia kishte kërkuar Madeleine Albright që të njihet dhe të rrinte me atë.

Rubin tha se gjatë takimeve në Rambuje, Thaçi e kishte njohur për shkak se kishte dalë shpesh në televizion, raporton “Betimi për Drejtësi“.

“Albright e vërejti këtë gjë që ai më njohu. Ajo ishte e zonja për marrëdhënie njerëzore dhe më tha që njihu me të, bisedo me të se ne nuk njiheshim”, tha James Rubin, duke shtuar se u përpoq që të rrinte me Thaçin, pinin ndonjë cigare, dilnin jashtë, e të tjera.

9-shi i GUXO-s – Flora Sinani kërkon besimin e qytetarëve të Prizrenit në zgjedhjet e 12 tetorit

James tha se nuk e di se pse u zgjodh Thaçi kryesues i delegacionit të shqiptarëve në Rambuje, por thjesht e dinte se ai është zgjedhur.

Më pas, dëshmitarit iu prezantua një kabllogram i një takimi që Albright e ka bërë me delegacionin e Kosovës më 14 shkurt 1999. Tha se ata nuk i njihnin shqiptarët e Kosovës as ai as Albright, veçanërisht anëtarët e UÇK-së.

Rubin tha se kur kuptoi se udhëheqësi i delegacionit ishte nga UÇK-ja, Albright duhej t’i motivonte për paqe përkundër që Ibrahim Rugova thoshte se duhej luftë paqësore.

“Ne e inkurajonim atë që ta shihte këtë konferencë të paqes si mundësi për të transformuar një grup të vogël njerëzish që kishin arritur në pikën që po përdornin dhunë apo mjete ushtarake për të arritur objektiva. Ne tentonim t’i bindim që të mos bënin një gjë të tillë. Ajo donte që të bënte të kuptonin që paqja fitohet kështu”, tha James Rubin.

20-shi i LDK-së, Fejzë Kabashi, kandidat për Kuvendin e Prizrenit

James Rubin tha se hera e fundit kur e ka takuar Thaçin beson që ka qenë rreth vitit 2019 kur ai ishte president i Kosovës.

Rubin tha se kanë pasur bashkëpunime me Thaçin lidhur me dialogun Kosovë-Serbi dhe janë munduar që të sjellin paqe dhe njohjen e ndërsjellë në mes dy vendeve.

Avokati i Thaçit: Rubin është udhëzuar drejtpërdrejt nga Albright

(Përditësuar, ora 10:21)-  Avokati i ish-Presidentit Hashim Thaçi, Luka Mishetiq tha se dëshmitari James Rubin ishte ndihmës-sekretar i shtetit amerikan për çështje publike dhe zëdhënës kryesor që ka raportuar drejtpërdrejt përpara sekretares së shtetit, Madeleine Albright.

Ai tha se për procesin në Kosovë dhe marrëveshjen e Rambujesë, Rubin ishte udhëzuar nga Albright.

“Nga viti 1997 deri në vitin 2000, James Rubin ka shërbyer si ndhmëssekretar i shtetit për çështje publike dhe si zëdhënësi kryesor që ka raportuar drejtpërsëdrejti përpara sekretares së shtetit, Madeliene Albright. Kur grupi i kontaktit vendosi të mblidhej për një proces paqeje në janar të 1999-ës, Rubin është udhëzuar drejtpërsëdrejti nga Albright për t’u angazhuar me delegacionin shqiptar të Kosovës gjatë konferencës së Rambujesë në Kosovë dhe më pas u bashkua negociatave si i dërguari i posaçëm në emër të sekretares së shtetit për të siguruar demobilizimin e UÇK-së”, tha Mishetiq.

Përveç kësaj, Mishetiq tha se James Rubin ka pasur takime edhe me Thaçin e po ashtu edhe me anëtarë të tjerë të UÇK-së.

“Ka pasur takime të shumta me Hashim Thaçin dhe anëtarët e tjerë të UÇK-së. Kjo e lejoi zotin Rubin që të kuptonte se Thaçi ishte i shqetësuar që nuk do të kishte autoritetin ose lejen e plotë për të nënshkruar marrëveshjen e Rambujesë në emër të UÇK-së pa miratimin e anës ushtarake të UÇK-së”, tha avokati Mishetiq.

BiCredit tani edhe në Prizren, kredi për çdo nevojë!

Ai tha se Rubin vërejti që roli i Thaçit ishte i kufizuar gjatë procesit të demilitarizimit të UÇK-së. Përveç kësaj, avokati tha se Rubin ka treguar se dëshira e Thaçit ishte një Kosovë të qetë dhe multietnike.

James Rubin tha se kontruboi në krijimin e TPJN-së. Ndërkaq, për Albright ai tha se ka qenë një avokuese shumë e fuqishme për krijimin e atij tribunali.

Në prova materiale u pranua dëshmia e dëshmitarit e dhënë më herët, për të cilën tha se pasqyron të vertetën dhe do t’i thoshte të njëjtat gjëra në rast që do të pyetej sërish për ato.

Marketing

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Kandidati për kryetar të Prizrenit, Driton Selmanaj nga Lidhja Demokratike e Kosovës, e prezantoi programin e tij në emisionin “Debat Përnime” me titullin “Prizreni Përtej”.

Selmanaj, ish-zëvendëskryeministër dhe deputet për dy mandate, tha se programi është i ndarë në dhjetë shtylla, të cilat pasqyrojnë nevojat dhe potencialin e qytetit.

“Prizrenin unë e shoh shumë më tepër sesa veç shatërvani, shumë më tepër sesa kalaja, festivalet apo urat. Prizreni është një qytet me energji edhe potencial të pafund”, tha Selmanaj.

Ai përmendi disa nga shtyllat kryesore të programit, duke filluar me “qyteti që frymon”, që synon krijimin e hapësirave të gjelbra dhe aktivizimin e çdo lagjeje. Shtylla e dytë është “qendra për kulturën dhe rininë – kultura që punëson”, ndërsa si pjesë e programit përmendi edhe Liqenin e Vërmicës si zonë model për turizëm, qëndrueshmëri dhe jetesë ekologjike.

Në shtyllën e shtatë, ai theksoi “rininë si fuqi e Prizrenit”, ndërsa në të tetën, inovacionin dhe teknologjinë si zhvillim të qëndrueshëm./Kallxo.com

BiCredit tani edhe në Prizren, kredi për çdo nevojë!

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Pavarësisht pasionit dhe trashëgimisë ndër breza për ta kultivuar rrushin, fermerët e Rahovecit thonë se zhgënjehen kur vjen puna e vjeljes, për arsye se çmimi është i ulët.

Vreshtari Avni Haxhimurati shprehet se çmimi i rrushit të verës ka pësuar rënie.

“Çmimet para 16 viteve kanë qenë shumë më të mira se tash. Një kg burgundec në ‘Stone Castel’ e kam çuar me 45 cent, Pinoti i Zi edhe Vranacin e kam çuar me 45 cent, kuse tash burgundeci, Pinot i Zi është 27 cent”, tha ai.

Sipas Haxhimustafës, një rrënjë hardhie kërkon 12 operacione intervenimi deri në vjelje.

“Një hardhi më së pakti duhet deri në 10 herë me marr në dorë, kjo hardhi për një apo dy kg rrush, nëse ka levërdi dikush, le të tregon”, shtoi ai.

Havzi Jupa nuk e mban mend se sa breza merren me kultivimin e kësaj kulture, kurse së bashku me djalin kanë 7 hektarë tokë bujqësore me vreshta.

“Krejt komuna e Rahovecit merremi me vreshtari, se tokën tonë kështu e ka fal Zoti për rrush më shumë. E don toka e don vendi, se gjithkund nuk bëhet rrushi”, tha Havzi Jupa.

“I kam tre hektarë të tryezës, ndërsa katër i kam për bodrum. S’ja vlen hiq, së pari ngrica e ka prish 50 % tash edhe këtë s’kemi ku me shit, po vijnë privat po e marrin, sepse bodrumet nuk po dojnë me marr e kanë bërë çmimin katastrof”, tha Adem Jupa.

Kryetari i shoqatës “Kultivuesit e rrushit” thotë se Rahoveci po e humb balancën e kultivimit të rrushit të verës me atë të tryezës.

“Rrushi i tryezës e ka marrë një balancë dhe është i knaqshëm në tregun kosovar, rrushi i tryezës ka arritur që ta largojë nga tregu rrushin që vjen nga importi, mirëpo për shkak të problemeve që kemi me rrushin për përpunim, kjo bën që shumë fermer të heqin dorë nga rrushi i verës. Mirëpo, kjo e prish balancin e sipërfaqes me vreshta dhe të ardhmen kjo vetëm ka nisë të krijojë probleme, pasi tregu do të mbushet me rrush të tryezës”, tha Habib Dina kryetar i shoqatës “Kultivuesit e rrushit”.

Dina, në emër të vreshtarëve të shoqatës, thotë se kjo gjendje nuk mund të vazhdojë më.

“Vitin tjetër si shoqatë do të organizohemi që të njoftojmë ministrin, si dhe gjithë organet kopetente, entin e vreshtarisë, ministrinë e tregëtisë dhe kësaj problematike t’i jepet fund, nuk do të ketë më rrush as 20 e as 30 cent, por çmimi i rrushit të përcaktohet nga shteti”, shtoi ai.

“Në Rahovec janë mbi 2000 vreshtarë që përballen me këtë problem”, thotë Dina.

Marketing

BiCredit tani edhe në Prizren, kredi për çdo nevojë!

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren