Në ceremoninë Laureatët 2024, KBF Bashkimi u shpall skuadra më e mirë në konkurrencën e femrave për vitin 2024.
Ky çmim nderon përkushtimin dhe sukseset e ekipit, i cili ka dominuar në basketbollin e Kosovës dhe ka treguar performancë të jashtëzakonshme gjatë vitit, përcjell PrizrenPress.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Në Prizren është hapur sot “Ekspozita Dimërore e Zejtarëve”.
Ekspozita është organizuar për herë të parë nga Oda e Ndërmarrësisë dhe Zejtarisë.
Posta e Kosovës ka ekspozuar produktet e filatelisë dhe shërbimeve të tjera.
Menaxheri Regjional i Postës në Prizren, Liri Ramadani, tha se për këtë ekspozitë është zgjedhur një koleksion i pullave, kryesisht me elemente historike dhe kulturore të Prizrenit.
“I ftoj qytetarët që të vizitojnë këtë ekspozitë dhe të njihen më afër me shërbimet e Postës së Kosovës”, u shpreh Ramadani.
Sipas tij, në Postën e Kosovës përveç shërbimeve postare, kryhen edhe shërbime financiare jo-bankare.
Ramadani përmendi lansimin e shërbimit të aplikimit për shtesat e fëmijëve, Vula Apostile, si dhe aplikimin në Agjencinë Shtetërore të Arkivave të Kosovës.
“Këto shërbime janë mirëpritur nga qytetarët. Ata më nuk kanë nevojë të shkojnë në Prishtinë për një Vulë Apostile, e as për një aplikim në Agjencinë Shtetërore të Arkivave të Kosovës, sepse këtë mundësi po jua ofron Posta e Kosovës”, tregon Ramadani.
Për pjesëmarrjen në këtë ekspozitë kanë aplikuar 100 zejtare, mirëpo për shkak të mungesës së hapësirës po marrin pjesë vetëm 45 prej tyre.
Kryetari i Odës së Ndërmarrësisë dhe Zejtarisë në Prizren, Afrim Tejeci, tha se ligji për zejtarin është i nevojshëm në Kosovë.
“Me ligj, zejtaria do të zërë vendin e merituar në zhvillimin e ekonomisë në vend”, tha ai.
Tejeci beson se ligji për mbrojtjen e zejtarisë shumë shpejt do të miratohet në Kosovë.
Ministrja e Tregtisë dhe Industrisë, Rozeta Hajdari, tregoi ndërkaq se janë duke punuar në ligjin e ri, i cili do t’i mbrojë zejtaret.
“Ne jemi duke punuar që zejtaret të mbrohen me ligj, sepse ruajtja e tyre është shumë e rëndësishme për ekonominë e Kosovës”, tha ajo./PrizrenPress.com/
Marketing
Drejtoria e Emergjencës dhe Sigurisë në Komunën e Prizrenit ka përfunduar një projekt të rëndësishëm për rritjen e sigurisë në qytet, duke vendosur 40 hidrantë të rinj, përcjell PrizrenPress.
Sipas njoftimit zyrtar, “Drejtoria e Emergjencës dhe Sigurisë ka përfunduar vendosjen e 40 hidrantëve të rinj në qytetin e Prizrenit, me qëllim rritjen e sigurisë dhe mbrojtjes nga zjarri”.
Nga këta hidrantë, 10 janë mbitokësorë dhe 30 janë nëntokësorë, të pozicionuar kryesisht në zonën historike dhe në zona ku automjetet zjarrfikëse kanë qasje të kufizuar.
“Ky projekt synon të mundësojë ndërhyrje të shpejtë dhe efikase të shërbimeve të zjarrfikësve në raste emergjente, duke parandaluar përhapjen e zjarreve dhe minimizuar rreziqet për jetën dhe pronën e qytetarëve”, thuhet në njoftim./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Artistja shqiptare, Parashqevi Simaku së shpejti do të vijë me një këngë.
Kështu ka bërë të ditur bznesmeni Elton Ilirjani për Top Story, duke theksuar se Parashqevi Simaku do të vijë me këngë për Krishtlindje.
“Kemi një surprizë, që me datë 24, Parashqevi Simaku do vijë me këngë, për fundvitin, këngën e Krishtlindjeve”, është shprehur Elton Ilirjani.
Agjencia e Ushqimit dhe Veterinarisë ka thënë se po e monitoron situatën pasi Sistemi Evropian i sigurisë ushqimore ka ngritur alarm për ngarkesat me mandarina që vijnë nga Shqipëria.
AUV ka deklaruar se nga mbrëmë ka ngritur masat e nivelit të kontrollit për ngarkesat me llojin e produktit mandarinë.
“Agjencia e Ushqimit dhe Veterinarisë është duke e monitoruar situatën e njoftimeve të dërguara nga RASFF për vendet e tjera. Për gjetje të prezencës se pesticideve mbi nivelet e lejuara në produktin mandarina ( mandarina/ clemantina te fërkata), me orgjinë nga Shqipëria. AUV nga mbrëmë ka ngritur masat e nivelit të kontrollit për ngarkesat me llojin e produktit mandarinë. Të gjitha kontingjentet apo ngarkesat me ketë produkte, përveç kontrollit inspektues të detajuar, merren mostra nga secila për testim laboratorik në me qëllim testimi/përcaktimi te nivelit te mbetjeve në pesticide përfshihet ( lloji parametri i dyshuar për testim ( MRL) në Chlorpyrifos dhe phosmet). Ngarkesat qëndrojnë në Pike Kontrollet Kufitare deri në rezultat te analizave laboratorike“, thuhet në njoftim.
Tutje, thuhet se përderisa Kosova nuk është e përfshirë në lajmërimet e RASFF, masën e vendosur e bëjmë me qellim të eliminimit të dyshimeve të ngritura.
“Synim kryesorë të punës tonë, qe buron edhe nga mandati ligjorë kemi mbrojtjen e shëndetit të qytetareve konsumator. Deri me tani nuk ka pasur asnjë element dyshues mbi ketë produkte. Jemi në kontakt me autoritete shqiptare në shkëmbim të informacioneve mbi secilën risi qe ndodh në gjetjet eventuale në produkte. Mbrojtja e konsumatorëve bëhet pa dallim”.
Ndryshe, Sistemi Europian i sigurisë ushqimore ka ngritur alarm ndaj ngarkesave me mandarina që vijnë nga Shqipëria.
Përgjatë javëve të fundit, Kroacia, Republika Çeke, Italia dhe Lituania, vende që kanë importuar fruta nga Shqipëria, kanë refuzuar në kufi pas analizave prodhimin shqiptar.
Ai ka njoftuar se nga data 20 dhjetor 2024 deri më 10 janar 2025, do të lejohet shfrytëzimi i parkingjeve në oborrin e Komunës së Suharekës, në oborrin e SHFMU “7 Marsi” – Suharekë, dhe në hapësirën e parkingut përballë Parkut të Dëshmorëve për mërgimtarët.
“Ju lejohet hyrja në oborrin e Komunës, në oborrin e SHFMU “7 Marsi” Suharekë, në hapësirën e parkingut tek ish tregu i qytetit (përballë Parkut të Dëshmorëve) të gjitha automjeteve private, që janë me tabela të huaja (mërgimtarëve) nga data 20.12.2024 deri me datë 10.01.2025”, thuhet në vendim, raporton Telegrafi.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Në kuadër të Memorandumit të Mirëkuptimit të nënshkruar ndërmjet Komunës së Dragashit dhe OJQ “Advancing Together”, sot u nënshkrua Marrëveshja për Bashkëfinancim të katër projekteve, të cilat do të kontribuojnë në ndërtimin e besimit dhe ndërveprimit ndërmjet grupeve etnike në këtë komunë, përcjell PrizrenPress.
Këto katër projekte janë: Papa Testi për gratë; Përmirësimi i qasjes në shërbime dentare për personat me aftësi të kufizuara; Vendosja e lëkundëseve për fëmijë nëpër fushat e lojërave në fshatra; Dhomat Etnologjike (shqiptarë dhe gorano-boshnjakë) në Muzeun Komunal.
“Shuma totale për realizimin e projekteve është 47 mijë euro, ku OJQ “Advancing Together” do të kontribuojë me 19 mijë euro, ndërsa Komuna e Dragashit do të kontribuojë me 28 mijë euro”, thuhet në njoftimin e komunës./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Kryetari i Komunës së Malishevës, Ekrem Kastrati, ka mbajtur sot takimin e dytë publik për vitin 2024, ku prezantoi projektet e realizuara dhe ato në proces.
“Fokusi ynë ka qenë përmirësimi i infrastrukturës, përfshirë ndërtimin e rrugëve, trotuareve dhe shesheve, si dhe lirimi i hapësirave publike, proces që po realizohet me sukses”, tha Kastrati, përcjell PrizrenPress.
Ai njoftoi për marrëveshjen me KEDS për investime në rrjetin energjetik. “Për nënstacionin elektrik, kemi përmbushur të gjitha obligimet dhe tani çështja është në duart e KOSTT-it”, shtoi kryetari.
Duke folur për furnizimin me ujë, Kastrati theksoi: “Përkundër angazhimeve tona për furnizimin nga Radoniqi, nuk kemi marrë mbështetje nga qeveria dhe nuk është lejuar marrja e kredisë për realizimin e këtij projekti”.
Kryetari raportoi edhe për përparimet në shëndetësi dhe bujqësi, përfshirë subvencione për fermerët. Ai vuri në pah projektin për rregullimin e shtratit të lumit Mirusha, financuar nga një grant.
“Angazhimi dhe transparenca e administratës komunale kanë mundësuar realizimin e këtyre projekteve”, tha Kastrati, duke falënderuar qytetarët për mbështetjen e tyre.
Takimi përfundoi me pyetje nga qytetarët, të cilave iu përgjigjën kryetari dhe drejtorët komunalë./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Ministria e Kulturës, Rinisë dhe Sportit (MKRS), njofton se në Doku Kino në Prizren, u promovua videoklipi “Romani Sofra – Sofra Rome”, projekt i gazetarit të RTK – Radio, Denis Galushi.
Sipas njoftimit nga MKRS ,“Romani Sofra” sjell në një videoklip përplot këngë të vjetra qytetare rome-prizrenase, burim i të cilave është lagjja e vjetër rome, Terzimahalla.
“Ky projekt ka për synim ruajtjen dhe promovimin e këngëve të vjetra qytetare rome dhe përmes artit të të kënduarit, krijuesi Galushi ka shpërfaqur vlerat tradicionale gjuhësore dhe kulturore të romëve”, thuhet në njoftim.
Në këtë ngjarje morën pjesë zëvendëskryeministrja, Emilia Rexhepi, ministri Hajrulla Çeku, zëvendësministri, Sylejman Elshani, deputetë e artdashës.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Besëlidhja ka shënuar fitore ndaj Bashkimit me rezultat 81:77 (19:20, 29:15, 19:19, 14:23), në javën e parë të Ligës Unike.
Më të mirët te vendasit ishin Marcellus Garrick me 23 pikë e katër kërcime dhe Joshua Phillip Angle me 20 pikë e pesë kërcime, kurse te mysafirët më i miri ishte Lejson Zeqiri me 26 pikë e shtatë kërcime.
Besëlidhja ka dy fitore, derisa Bashkimi dy humbje./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit