Të mërkurën është përuruar kabineti i ri i shkencave të natyrës në shkollën “Hysen Rexhepi”. Ky projekt u realizua falë bashkëpunimit mes Drejtorisë Komunale të Arsimit në Prizren dhe organizatës “IOM”.

Me një solemnitete modeste, u bë përurimi i kabinetit të shkencave të natyrës për nxënësit e kësaj shkolle.

Në këtë ngjarje mori pjesë edhe drejtoresha e Arsimit në Prizren, Luljeta Veselaj-Gutaj, e cila theksoi se ky projekt i përbashkët ka për qëllim pasurimin e mundësive për nxënësit dhe mësimdhënësit, duke ofruar një hapësirë moderne dhe të pajisur me mjete dhe materialet e nevojshme për zhvillimin e mësimit të shkencave. Ajo shtoi se projekte të tilla do të realizohen edhe në shkollat e tjera të komunës së Prizrenit.

Drejtoresha e shkollës, Lumnije Rakaj, theksoi se kishte pasur nevojë për një kabinet të tillë, i cili do të kontribuonte në ngritjen e cilësisë së mësimdhënies dhe mësimnxënies, si dhe do të ofronte mundësi për eksperimente dhe aktivitete praktike për nxënësit, të cilët deri tani kanë treguar rezultate të jashtëzakonshme në gara të ndryshme në fushat e fizikës, kimisë dhe shkencave të tjera.

Nxënësit Rona Foniqi dhe Muhamet Thaçi shprehën kënaqësinë e tyre për mundësinë e realizimit të punës praktike në kushte shumë më të volitshme për ta dhe për mësimdhënësit.

Ky projekt, me një vlerë rreth 10,000 euro, është bashkëfinancuar nga Drejtoria Komunale e Arsimit të Prizrenit dhe organizata “IOM”, me një kontribut të barabartë prej 50% nga të dyja palët./TV Prizreni/

Në takimin e fundit të Koordinimit Lokal për Siguri për këtë vit, të kryesuar nga nënkryetarja e Komunës së Suharekës, Mihrije Suka, u diskutua për situatën aktuale të sigurisë dhe aktivitetet e zhvilluara gjatë vitit.

“Falënderoj të gjithë për bashkëpunimin gjatë këtij viti. Si Komunë, ju jemi mirënjohës për kontributin e dhënë në takimet e sigurisë dhe uroj që viti i ardhshëm të jetë i suksesshëm për të gjithë”, tha, ajo, përcjell PrizrenPress.

Komandanti i Stacionit Policor në Suharekë, kapiten Afrim Sylaj, raportoi për gjendjen e sigurisë, duke e cilësuar si të qetë dhe stabile, pavarësisht një rritjeje të aksidenteve për shkak të shtimit të trafikut gjatë festave. “Në dy javët e fundit kanë ndodhur 10 aksidente, të gjitha me dëme materiale. Lus qytetarët që të festojnë dinjitetshëm, ashtu siç na ka hije, dhe jo me krisma apo armë,” tha Sylaj.

Policia e Kosovës ka shqiptuar 365 tiketa dhe ka realizuar 21 urdhëresa gjatë kësaj periudhe. Nga data 20 dhjetor, në rrugët e qytetit do të ketë më shumë patrulla, si me uniformë ashtu edhe civilë, për të parandaluar rastet e mundshme dhe për të shtuar kontrollet në trafik.

Komuna dhe Policia apelojnë për bashkëpunim nga qytetarët, duke theksuar se festat duhet të jenë një kohë për gëzim dhe jo për rrezik./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Drejtoria e Punës dhe Mirëqenies Sociale (DPMS) në Prizren ka përfunduar sot shpërndarjen e druve të zjarrit për 824 familje, ku përfshihen: 213 familje të dëshmorëve, 211 familje të invalidëve të luftës, dhe 400 familje që jetojnë në kushte të vështira ekonomike.

Kryetari Shaqir Totaj dhe drejtori i DPMS-së, Rasim Demiri, gjatë këtij procesi u dakorduan që “vitin e ardhshëm në këtë program të përfshihen të gjitha familjet që përfitojnë ndihmë sociale, e që sipas të dhënave aktuale, në Komunën e Prizrenit janë rreth 700 familje të tilla”./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Haxhi Shala të hënën në Hagë ndryshoi deklarimin rreth fajësisë, ai tani pranoi fajësinë sipas marrëveshjes që ka arritur me Prokurorinë.

“Unë nuk kam qenë asnjëherë i intervistuar nga Prokuroria dhe hetuesit dhe nuk isha i njoftuar plotësisht se çka bëhet fjalë dhe për këtë arsye jam deklaruar i pafajshëm. Tash jam i fajshëm më atë se çka jam pajtuar”, tha Shala.

Atij iu lexuan pikat e aktakuzës së datës 10 korrik 2024 që janë përfshirë në marrëveshjen për pranimin e fajësisë. Për të gjitha këto pika, Shala u deklarua fajtor, raporton “Betimi për Drejtësi”.

Përpara kësaj, Shala tha se është i vetëdijshëm për marrëveshjen dhe është plotësisht dakord si me përfitimet e po ashtu edhe pasojat që dalin nga ajo.

“Unë jam i vetëdijshëm për këtë marrëveshje, e kuptoj shumë mirë sepse është në gjuhën shqipe. Kam komunikuar edhe me avokatin tim dhe plotësisht jam dakord me këtë marrëveshje. I kuptoj edhe pasojat edhe të gjitha”, tha Shala.