Kandidati i Vetëvendosjes për kryetar të komunës së Prizrenit, Artan Abrashi, ka prezantuar në emisionin “Info Nata” në Tëvë1 programin e tij zgjedhor “Prizreni365”, që synon ta bëjë Prizrenin qytet plotësisht funksional gjatë gjithë vitit, dhe jo vetëm në sezonin turistik apo gjatë fushatave zgjedhore.

Abrashi tha se Prizreni aktualisht sillet si një komunë sezonale – ekonomia, kultura dhe aktivitetet shoqërore arrijnë kulmin gjatë korrikut dhe gushtit, ndërsa pas largimit të mërgatës qyteti bie gati në heshtje.

“Programin tonë e kemi quajtur Prizreni 365, me iden që komunën aktualisht që është komunale sezonale ta shëndrojmë në një institucion që ofron shërbime 365 ditë që është i gjallë 365 ditë të vitit dhe që është aktiv pranë qytetarëve, e jo vetëm në kohë të zgjedhjeve e jo vetëm në kohë të sezonaev,”  ka thënë Abrashi.

Ai kritikoi aspekte të qeverisjes aktuale të komunës, duke theksuar se është përdorur buxheti publik për interesa të ngushta dhe se kandidatët aktualë janë të kufizuar me premtime të zakonshme si asfaltimi, kublat dhe kanalizimi.

“Prizreni është komunë ku aktiviteti ekonomik, kulturor shoqëror mbërrin kulmin e vetë në mes të periudhës korrik?gusht. Sapo të përfundojë mërgatia, edhe si të mbaron qyteti, bie në një heshtje pothuajse totale… dhe ne kemi dashur që ta kemi një komunë të gjallë 365 ditë,”  theksoi Abrashi.

Ai gjithashtu i ka sfiduar drejtpërdrejt kundërshtarin e tij zyrtar, duke bërë thirrje për ballafaqim të ideve dhe duke e akuzuar për menaxhim të dobët të komunës.

“Unë e ftoj publikisht Z. Totaj: le të vijë të ballafaqohemi me idet tona; le të vjen të na tregon se pse e ka zhytur komunën në fajde. … Tereni është i qartë, ai po bie e ne po vijmë,” – deklaroi Abrashi.

Kryetari i Lëvizjes Vetëvendosje, Albin Kurti, iu ka bërë thirrje qytetarëve të Rahovecit që të votojnë për kryetar të kësaj komune kandidatin e partisë, Ali Dula.

Gjatë një tubimi elektoral në kuadër të zgjedhjeve lokale të 12 tetorit, Kurti theksoi se me udhëheqjen e Vetëvendosjes, Rahoveci do të përfitojë zhvillim ekonomik, përkrahje për bujqësinë, arsim cilësor dhe shërbime më të mira për të gjithë qytetarët.

“Qeveria jonë ka mbështetur rreth 12 mijë bujq çdo vit, dhe një në çdo dhjetë bujk është pikërisht në Rahovec. Por tani duhet të bëjmë edhe më shumë. Bujqësia është motori i Rahovecit; do të ndërtojmë qendra agro-përpunuese dhe do të forcojmë sektorin”, tha Kurti.

Edhe kandidati për kryetar të Rahovecit nga LVV, Ali Dula, prezantoi vizionin e tij qeverisës, duke u zotuar për përmirësim dhe mirëqenie për të gjithë banorët e komunës.

“Ne duhet të investojmë në infrastrukturën arsimore, dhe unë premtoj se këto do të realizohen, sepse vetëm së bashku mund të zhvillojmë komunën. Nga respekti për bujqit, tek agroturizmi, zhvillimi ekonomik, arsim cilësor, shërbime cilësore në shëndetësi dhe hapësira të gjelbra, ky është vizioni ynë për Rahovecin”, deklaroi Ali Dula, kandidat për kryetar të Rahovecit nga LVV.

Programi qeverisës i Ali Dulas parasheh zhvillim të barabartë në të gjitha fshatrat e komunës, investime në infrastrukturë, përkrahje për bujqësinë dhe rikthimin e dinjitetit në çdo cep të Rahovecit.

Kryetari i Nisma Socialdemokrate, Fatmir Limaj, ka zhvilluar sot një takim madhështor me qytetarët në fshatin Gjonaj të Hasit, ku është pritur me pjesëmarrje të jashtëzakonshme nga banorët e zonës, raporton PrizrenPress.

Në këtë tubim, Limaj ishte i shoqëruar nga kandidatja për kryetare të Komunës së Prizrenit, Albulena Balaj-Halimaj, dhe kandidati për asamblist nga kjo zonë, Nezir Çoçaj.

Në fjalën e tij para qytetarëve, Fatmir Limaj theksoi se takimi në Gjonaj dëshmon përkrahjen e madhe që po merr ekipi i Nismës Socialdemokrate në Prizren, dhe vullnetin e qytetarëve për ndryshim të vërtetë.

“Sot, në një takim madhështor dhe me pjesëmarrje të jashtëzakonshme në fshatin Gjonaj të Hasit, së bashku me kandidaten për kryetare të Komunës së Prizrenit, znj. Albulena Balaj-Halimaj, dhe kandidatin për asamblist nga kjo zonë, z. Nezir Qoqaj, u bashkuam me qytetarët që po kërkojnë ndryshim të vërtetë!”, tha Limaj.

Ai falënderoi banorët për mikpritjen dhe mbështetjen, duke theksuar se kjo zonë ka qenë për një kohë të gjatë e lënë pas dore nga qeverisjet lokale, por se tashmë po krijohet një mundësi reale për ndryshim.

“Mirënjohje për mikpritjen dhe përkrahjen e fuqishme nga banorët e Gjonajt. Ndryshimi po vjen, bashkë me kandidaten për kryetare, znj. Albulena Balaj-Halimaj, kandidatin për Kuvendin Komunal, z. Nezir Qoqaj, dhe ekipën e tyre të përkushtuar”, shtoi ai.

Limaj theksoi gjithashtu se zona e Hasit ka potencial të madh për zhvillim dhe përfaqësim të denjë, por i duhet mbështetje dhe vizion i qartë për ta arritur këtë.

“Zona e Hasit ka një mundësi reale për të rikthyer zhvillimin përmes përkrahjes së drejtë dhe përfaqësimit të denjë. Me votën për znj. Balaj-Halimaj si kryetare dhe për z. Nezir Qoqaj në Kuvendin Komunal, qytetarët e Hasit mund t’i japin fund neglizhencës që kjo zonë ka përjetuar nga qeverisja aktuale”, theksoi Limaj.

Në fund, ai u shpreh se kandidatët e Nismës Socialdemokrate në Prizren po punojnë çdo ditë për t’u qëndruar afër qytetarëve dhe për të dëgjuar hallet e tyre.

“Albulena dhe Neziri angazhohen çdo ditë me përkushtim për t’i dëgjuar dhe zgjidhur hallet dhe problemet e përditshme të qytetarëve, duke qenë pranë tyre dhe duke u ofruar zë aty ku është e nevojshme”, përfundoi Fatmir Limaj./PrizrenPress.com

Marketing

Tefik Tarashaj: Pagën time do ta ndaj për 5 familje në nevojë

9-shi i GUXO-s – Flora Sinani kërkon besimin e qytetarëve të Prizrenit në zgjedhjet e 12 tetorit

26-shi i LDK-së, Arben Hoxha po kërkon votën tënde që zëri yt të dëgjohet në Kuvendin e Prizrenit!

Më 12 tetor, voto për Vjollca Kuzhnini – kandidatja e AAK-së për Kuvendin Komunal të Prizrenit, numër 9 në fletvotim!

20-shi i LDK-së, Fejzë Kabashi, kandidat për Kuvendin e Prizrenit

BiCredit tani edhe në Prizren, kredi për çdo nevojë!

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/