Nënkampioni i Kosovës në futboll, Ballkani, do të përballet me kundërshtar nga Malta apo Uellsi në raundin e dytë të Ligës së Konferencës.
Skuadra portokallezi nga Suhareka do të përballet me fituesin e çiftit të raundit të parë, Floriana (Maltë) – Haverfordwest County (Uells), raporton PrizrenPress.
Marketing
Një person dyshohet se ka sulmuar me mjet të fortë një tjetër në oborrin e Gjykatës në Suharekë.
Rasti ka ndodhur mes personave që ishin në një seancë gjyqësore.
Kliko videon: https://www.facebook.com/PrizrenPress/videos/1465884847913136
“Sot, më datë 18.06.2025, në orët e paradites, ndërsa ishin duke pritur në oborrin e Gjykatës në Suharekë, një person ka sulmuar një person tjetër me një mjet të fortë. Të dy personat ishin palë në një seancë gjyqësore”, ka pohuar ai.
Ai shtoi tutje se Policia është në vendngjarje dhe është duke hetuar rastin.
Marketing
Marketing
Arrestohet një person pasi dyshohet për “Ndotje, degradim apo shkatërrim të mjedisit” në Prizren.
Operatorit privat i janë sekuestruar një kamion dhe një eskavator.
“NDOTJE, DEGRADIM APO SHKATËRRIM I MJEDISIT- Prizren / 18.01.2025 – 10:00. Lidhur me rastin, është kontrolluar operatori privat ku është sekuestruar një kamion dhe një ekskavator. I dyshuari mashkull kosovar është arrestuar dhe me vendim të prokurorit është dërguar në mbajtje.”
Më 4 qershor, Prokuroria Themelore në Prizren ka njoftuar se janë arrestuar 17 persona që dyshohet se e ndotën dhe degraduan mjedisin përreth Drinit të Bardhë, por Policia nuk ka njoftuar nëse bëhet fjalë për këtë rast.
Marketing
Një shtetas i huaj është arrestuar në Prizren pasi ka kanosur zyrtarët policorë, pas shqiptimit të një gjobe për kundërvajtje në trafik.
Sipas raportit 24-orësh të Policisë së Kosovës, incidenti ka ndodhur të martën në mëngjes.
“Është arrestuar i dyshuari mashkull shtetas i huaj pasi që, pas shqiptimit të tiketës (gjobës) të trafikut, kishte kanosur zyrtarët policor. Me vendim të prokurorit i dyshuari është dërguar në mbajtje”, thuhet në raportin e Policisë.
Marketing
Ambasada e Malit të Zi në bashkëpunim me DokuFest-in organizon në Prizren premierën kosovare të filmit të parë malazez pas rivendosjes së pavarësisë, “Fëmijët nga rruga e Marksit dhe Engelsit”, të shtunën, më 21 qershor, në ora 20:00, në DokuKino.
Sipas njoftimit, njëri nga aktorët kosovarë që shfaqet në film, Fatmir Spahiu, do të jetë i pranishëm në premierë, raporton Telegrafi.
Filmi me regji të Nikolla Vukçeviqit, sipas njoftimit, bashkon një rrjet të aktorëve nga rajoni, si Momçilo Otasheviq dhe Branka Staniq nga Mali i Zi, Emir Haxhihafizbegoviq dhe Goran Bogdan nga Bosnja e Hercegovina, aktorët serbë Nebojsa Glogovac dhe Ana Sofrenoviq, si dhe Fatmir Spahiun nga Kosova. /Telegrafi/
Marketing
Një person është arrestuar mbrëmjen e së martës në Suharekë, pasi gjatë kontrollit në veturën e tij, policia ka zbuluar një armë zjarri të paautorizuar.
Burime të Sinjalit bëjnë me dije se mbrëmë, rreth orës 21:00, njësia e trafikut ka ndaluar një veturë në rrugën “Skënderbeu”.
Automjeti po drejtohej nga F.Xh.F., rreth 26-vjeçar i cili, gjatë kontrollit, u kap në posedim të një pistolete të llojit P.A.K., kalibër 9mm, me karikator por pa fishekë.
Rasti është iniciuar si “Mbajtje në pronësi, kontroll ose posedim të paautorizuar të armës” dhe do të hetohet nga njësia përkatëse e Policisë së Kosovës.
Marketing
Futbollisti i famshëm, Lamine Yamal, është në qendër të vëmendjes jo vetëm në fushë, por edhe jashtë saj.
Sipas mediave spanjolle, ylli i Barcelonës është në një romancë me influencuesen dhe ish-stjuardesën, Fati Vazquez.
Aludimet nisën në momentin që 17-vjeçari dhe 30-vjeçarja postuan fotografi në rrjetet sociale nga pushimet e tyre, e ndjekësit menjëherë vunë re shumë detaje të përbashkëta.
Një helikopter, pjesa e brendshme e një avioni privat, një hotel me pishinë dhe një çati me pamje nga perëndimi i diellit në një rajon të Italisë u shfaqën në llogaritë e Yamal dhe Vazquez.
Pavarësisht imazheve me detaje të përbashkëta, ata të dy nuk publikuan asnjë foto të tyre së bashku.
Ndërkohë një tjetër influencere, në rrethin e ngushtë të Yamalit, mohoi thashethemet për një lidhje romantike, megjithëse pranoi se të dy u takuan në Itali në shoqëri të përbashkët.
Marketing
Kryeministri në detyrë i Republikës së Kosovës, Albin Kurti, ishte folës kyç në ceremoninë e diplomimit të 450 studentëve të gjeneratës së vitit 2025 të Universitetit “Ukshin Hoti” në Prizren.
Kliko videon: https://www.facebook.com/PrizrenPress/videos/1746425489334258
“Nga 23 programe studimi në gashtë fakultete të ndryshme, me mbi katër mijë studentë aktiv gjithsejtë, 450 studentë dalin sot me diplomë në dorë. E njoh ndjenjën e finalizimit të një pune të madhe, sidomos diplomimi i cili shtron rrugën e jetës si asnjë proces e projekt tjetër. Pavarësisht nëse kjo është diploma e parë apo e fundit që e merrni, para jush keni një të ardhme dinjitoze. Ligjëratat, provimet dhe çdo aspekt i jetës universitare janë gurët e bazamentit intelektual e shoqëror që keni vendosur këtu dhe keni ndërtuar këtu dhe ngado që do të shkoni”, u shpreh kryeministri Kurti në adresimin e tij para studentëve dhe stafit akademik.
Ai u dha lëvdata studentëve për aktivitetet e larmishme të universitetit tuaj, që nga panairi i punës e i karrierës dhe promovimi i botimeve të reja, e deri te shfaqja e “Tartufit” klasik të Molierit nga studentët tuaj të Filologjikut para 10 ditësh, teksa shtoi se në qarqet e ngritura akademike tashmë është e qartë se dija dhe avancimi më së miri realizohen në mënyrë ndërdisiplinare, aty ku shkenca dhe arti pra ngërthehen bukur duke plotësuar njëra tjetrën.
“Të jeni krenarë për emrin e Universitetit tuaj dhe ta gëzoni diplomën nga ky Universitet. Suksese të gjithëve! E ju faleminderit nga zemra për ftesën, mikpritjen dhe vëmendjen”, tha kryeministri Kurti në përfundim të adresimit të tij.
Marketing
Kryetari i Komunës së Prizrenit, Shaqir Totaj, të martën ka pritur një delegacion nga shteti i Iowa-së, në përbërje të të cilit kanë qenë edhe Del Christensen, Drejtor Ekzekutiv i Iowa Sister States, si dhe Matthew Schultz, përfaqësues nga Iowa dhe ndërmjetësues në krijimin e marrëdhënieve të binjakëzimit mes qyteteve.
Gjatë takimit, sipas njoftimit të Komunës së Prizrenit, është diskutuar për mundësitë e bashkëpunimit ndërmjet qyteteve, shkëmbimin e përvojave dhe forcimin e lidhjeve ndërkombëtare.
Pas takimit, delegacioni së bashku me kryetarin Totaj kanë vizituar edhe Këndin Amerikan në Prizren, ku janë njoftuar me aktivitetet për edukim e kulturë dhe janë shqyrtuar mundësitë për bashkëpunim.
Marketing