Është vendosur gurthemeli i çerdhes së re në Bellanicë të Malishevës, ngjarje në të cilën mori pjesë kryeministri Albin Kurti, ministrja e Arsimit, Shkencës, Teknologjisë dhe Inovacionit, Arbërie Nagavci, zëvendësministri i arsimit, Arsim Ademi, dhe deputetë e udhëheqës të institucioneve tjera.

Sipas njoftimit nga Kryeministria çerdhja e re do të ketë katin përdhese, që përmban hyrjen kryesore, hapësirën e gardërobës së fëmijëve, klasat për fëmijë, kuzhinën dhe tryezarinë, nyjet sanitare në çdo klasë dhe ato për personel, dhomën e takimeve, lavanderinë dhe kthinat teknike të ngrohjes. Po ashtu, kati i parë do të ketë klasa për fëmijë, dhomën e qumështit, zyra e drejtorit, infermieria dhe nyjet sanitare. Ajo do të ketë një sipërfaqe të përgjithshme prej 886 metra katrorë dhe është projektuar të akomodojë 80 fëmijë.

Kryeministri theksoi që po investohet shumë në arsim, për shkak se investimi në arsim është investimi kryesor në ardhmëri. “Ashtu siç investojmë në arsim, ashtu do ta kemi të ardhmen tonë”, tha ai.

Më tej, ai renditi projektet që qeveria po mbështetë dhe financon në këtë komunë, krahas çerdhes së re, të cilës iu vendos gurthemeli sot.

“Në Komunën e Malishevës jemi përqendruar në disa ndërtime, të cilat janë të domosdoshme, si për kuadrin mësimdhënës, ashtu edhe për fëmijët, nxënësit e të rinjtë. Konkretisht, në Dragobin, ndërtimin e shkollës fillore të mesme të ulët “Emin Duraku”, dhe adoptimin e shkollës në çerdhe – e para në vlerë prej 1,176,000 euro, ndërkaq e dyta, pra adaptimi apo renovimi i shkollës për çerdhe, në vlerë prej 400 mijë euro. Përveç tyre, kemi edhe adaptimin apo renovimin e shkollës në çerdhe në Banjë, që ndodhet në fazën e parë, në vlerë prej rreth 280 mijë euro, si dhe adaptimin apo renovimin e shkollës në çerdhe në Banjë gjithashtu, në vlerë prej rreth 130 mijë euro e që ndodhet fazën e dytë”, citohet kryeministri.

Sipas njoftimit nga Kryeministria, Kurti përmendi edhe investimet në pjerrinë në qasje për persona me aftësi të kufizuar për shkollën “Lasgush Poradeci” në Kievë, si dhe renovimet në nyjet sanitare apo tualeteve të shkollave në Drenoc, Panorc dhe Malishevë, e që së bashku në total përbëjnë një investim të qeverisë prej 3 milionë euro për arsimin në Komunën e Malishevës, gjatë këtij mandati qeverisës.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Sot, në kuadër të aktiviteteve infrastrukturore, Ministria e Arsimit, Shkencës, Teknologjisë dhe Inovacionit (MASHTI), nën udhëheqjen e ministres Arbërie Nagavci, ka përuruar shkollën e re “Emin Duraku” në Dragobil të Malishevës.

Ky objekt modern arsimor, me sipërfaqe prej 3,134 metra katrorë, është një investim i MASHTI-t me vlerë 1,176,392.76 euro, përcjell PrizrenPress.

Ministrja Nagavci theksoi përkushtimin e ministrisë për të avancuar infrastrukturën arsimore. “Si Ministri mbesim të përkushtuar që, krahas politikave arsimore, ta përmirësojmë infrastrukturën shkollore duke e ditur rolin e rëndësishëm që ka ambienti shkollor në mësimdhënie e mësimnxënie”, ka deklaruar ajo në Facebook.

Nagavci siguron qytetarët se puna për përmirësimin e kushteve shkollore do të vazhdojë me projekte të reja dhe investime të tjera në të gjithë Kosovën./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kryetari i Komunës së Dragashit, Bexhet Xheladini ka nënshkruar urdhëresën për ndalimin e përdorimit të produkteve piroteknike në hapësirat publike.

Kjo ndalesë vlen për periudhën nga data 27 dhjetor 2024 deri më 10 janar 2025, me përjashtim të natës së ndërrimit të mot moteve.

“Ndalohet përdorimi i produkteve piroteknike në vendet e hapura publike, përkatësisht në tregje, rrugë, sheshe dhe në oborret e institucioneve publike. Ndalesa vlen për periudhën nga data 27 dhjetor 2024 deri më 10 janar 2025, me përjashtim të datës 31.12.2024, nga ora 23:00- 00:30 e datës 01.01.2025 (një orë e tridhjetë minuta)”, thuhet në urdhëresë.

Tutje theksohet se personat, të cilët veprojnë në kundërshtim me dispozitat e kësaj urdhërese do të ndëshkohen sipas ligjeve në fuqi.

Ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci, ka përuruar sot çerdhen e re publike në lagjen “Ortakoll” të Prizrenit, një investim prej 563,758.40 eurosh. Çerdhja ka kapacitet për 160 fëmijë dhe ofron kushte infrastrukturore moderne për edukimin e hershëm.

“Edhe një çerdhe e re publike po i shtohet Prizrenit. Kësaj radhe në lagjen Ortakoll. Çerdhe me kushte infrastrukturore moderne, me ambiente të ngrohta për më të dashurit tanë, fëmijët. Ky objekt që përuruam sot është investim i MASHTI-t në vlerë 563,758.40 euro dhe ka kapacitet për 160 fëmijë”, shkruan ministrja Nagavci në Facebook, përcjell PrizrenPress.

Ajo njoftoi gjithashtu se pas Prizrenit do të vazhdohet në Malishevë, ku do të përurohet shkolla në fshatin Dragobill dhe do të vendoset gurthemeli për ndërtimin e një çerdheje në fshatin Bellanicë.

“Shumë punë dhe angazhime na presin edhe këtë javë”, përfundoi Nagavci, duke theksuar përkushtimin e ministrisë për projekte të tjera në të gjithë vendin./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Këshilli Komunal për Siguri në Bashkësi i Komunës së Dragashit ka reaguar lidhur me problemet në furnizimin e rregullt me energji elektrike. Nga institucionet përgjegjëse është kërkuar zgjidhje afatgjate në mënyrë që qytetarët e bizneset mos të përballen me reduktime dhe tension të ulët.

Në komunikatën e KKSB-së theksohet se kjo nuk është hera e parë që përfaqësues të institucioneve lokale dhe të bizneseve në Komunën e Dragashit reagojnë për të shprehur shqetësimin lidhur me mungesën e furnizimit të rregullt me energji elektrike, si dhe papërgjegjësinë e autoriteteve kompetente për të ofruar zgjidhje të qëndrueshme për qytetarëve e kësaj komune.

“Edhe pse në territorin e Komunës së Dragashit operojnë hidrocentrale që prodhojnë afër 20 Megavat energji elektrike, më shumë sesa konsumojnë qytetarët tanë, ajo përsëri neglizhohet nga institucionet përgjegjëse”, thuhet në komunikatë.

Aty nënvizohen edhe problemet tjera.

“Qytetarët e Komunës sonë përveç që ballafaqohen me mungesë dhe ndërprerje të vazhdueshme të energjisë elektrike, edhe atëherë kur ka energji elektrike ata ballafaqohen me tension të ulët të rrymës, gjë që po shkakton edhe dëmtime të pajisjeve të amvisërisë dhe pajisjeve të punës të bizneseve”.

Për këto arsye, KKSB ka apeluar “tek të gjitha palët përgjegjëse, KEDS, KEK dhe Qeveria e Kosovës që të angazhohen në përmirësimin e kushteve dhe të ofrojnë zgjidhje afatgjate për këtë situatë të krijuar”.

“Ne kërkojmë që për këtë çështje të merren masa sa më shpejt të jetë e mundur, në mënyrë që të mos vijë deri te ndonjë përkeqësim i mundshëm i situatës së sigurisë nga qytetarë të pakënaqur”, përfundon komunikata e KKSB-së.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri