Anëtari i Kryesisë së LDK-së, Lutfi Haziri, ka thënë se koalicioni LDK-AAK-Nisma ka 83 deputetë dhe sipas tij, po presin vendimin e Gjykatës Kushtetuese për të formuar institucionet, Kuvendin dhe Qeverinë.

Haziri është shprehur kundër idesë së PDK-së që qeveria e ardhshme të jetë me përfshirje të gjerë. Ai ka deklaruar për “Epokën e re” se koalicioni i dikurshëm PDK-LDK nuk mund të përsëritet tani.

“Koalicioni që e udhëheq LDK-ja i ka 83 deputetë. Nëse mendohet në një koalicion që ka qenë deri në vitin 2010 është çështje tjetër. Koha ka dëshmuar se tërheqja e LDK-së njëanshëm nga ajo qeverisje nuk ka mundur të riparohet ende”, ka thënë Haziri.

Sipas tij, në këtë fazë LDK-ja ka krijuar një koalicion me shumicë të madhe parlamentare, pa PDK-në dhe po pret vendimin e Gjykatës Kushtetuese për ta vazhduar formimin e qeverisë dhe organeve të tjera shtetërore.

“Situata politike në Kosovë ka nevojë për zgjidhje legale, jo për zgjidhje politike. Dhe legaliteti kërkohet nga Gjykata Kushtetuese që është organi më i lartë dhe garantues i kushtetutshmërisë. Kërkesën për shqyrtim e ka shkaktuar PDK-ja dhe në këtë kohë, kur jemi në pritje të vendimit të Kushtetueses për shumicën parlamentare, mendoj se duhet ta presim datën që është konfirmuar e që është 21 gushti”, ka deklaruar Haziri.

Ai është shprehur i bindur se Kushtetuesja do ta konfirmojë kushtetutshmërinë e zgjedhjes së kryeparlamentarit.

“Ne kemi thënë se vazhdojmë të besojmë se kjo çështje do të interpretohet ashtu siç është thënë në Kushtetutën e Republikës së Kosovës. Besojmë shumë se kemi vepruar në përputhje me Kushtetutën dhe presim që vetëm të konfirmohet kjo kushtetutshmëri e zgjedhjes së kryetarit të Kuvendit”, është shprehur Haziri.

Numri i lypsarëve në Kosovë po shtohet gjithnjë e më shumë, duke shkaktuar rrezik për qytetarët.

Disa lypsarë janë shndërruar në “mafi” dhe po punojnë sipas hierarkisë, disa janë lypsarë të hallit, ndërsa ka prej tyre që lëmoshën e shpenzojnë në pije alkoolike, drogë ose prostitucion. Shteti është shumë pasiv me këtë kategori, shkruan Zeri.

Koalicionit paszgjedhor LDK-AAK-Nisma i ka dalë punë që ka kërkuar nga Gjykata Kushtetuese t’i japë mundësi t’i shprehë qëndrimet rreth kushtetutshmërisë së zgjedhjes së Isa Mustafës, kryeparlamentar. Gjykata ia ka miratuar kërkesën por ftesën nuk ia ka bërë si grup parlamentar, por vetëm si parti të ndara politike.

Tash, këto parti janë obliguar të vendosin se kujt do t’ia besojnë përballjen me palën e kundërt në Gjykatë, në këtë rast PDK-në. Përfaqësuesi i autorizuar nga blloku paszgjedhor Bajram Gecaj, i cili e ka dorëzuar lëndën në Kushtetuese, ka thënë se të hënën do të vendoset se si dhe kush do ta përfaqësojë LDK-në në seancën dëgjimore të Gjykatës, shkruan Tribuna.

Por, ai ka përjashtuar mundësinë që kreu i partisë, Isa Mustafa, të jetë përfaqësues i bllokut. Gecaj ka thënë se ndonjëri nga deputetët e Parlamentit do të mund t’i paraqesë qëndrimet dhe argumentet për të argumentuar se zgjedhja e Isa Mustafës ishte e drejtë legjitime dhe në pajtim me Kushtetutën.

Ish-gjyqtarja e Gjykatës Kushtetuese, Gjylieta Mushkolaj, tha se PDK-ja e ka dërguar në Kushtetuese Isa Mustafën, me qëllim që të fitojë kohë për të siguruar mbetjen në pushtet.

Ajo në një intervistë për gazetën “Zëri” thotë se Blloku Tri-partiakë bëri autogol kur i dërgoi komentet në Kushtetuese. Gjylieta thotë se deputetët vendosin për grupin më të madh parlamentar, jo Kushtetuta….

Lufta e palestinezëve ngjason me atë të shqiptarëve të Kosovës – nuk ka të bëjë me fe, por me shtet. “’Hamasi’, si një degë e ‘Vëllazërisë…’ fundamentaliste, e vesh veten me kostumin islamik dhe përdor fjalor islamik për ta paraqitur luftën si një konflikt ndërmjet besimtarëve të ndryshëm, por kurrë nuk ka qenë konflikt fetar”, ka thënë Stephen Sylejman Schwartz, studiues i islamit, drejtor ekzekutiv i Qendrës për Pluralizëm Islamik me seli në Washington të SHBA-së.

Schwartz, në një intervistë ekskluzive dhënë “Kohës Ditore”, ka folur për kontekstin e luftimeve të fundit mes Izraelit dhe “Hamasit”, për pasojat e tyre në atë rajon dhe ndikimin në botë – përfshirë debatet në shoqërinë kosovare.

Përpjekjet që kjo luftë të interpretohet si e drejtuar kundër myslimanëve, sipas Schwartzit, reflekton depërtimin e mprehtë të “Vëllazërisë Myslimane” në Kosovë. Ai ka folur edhe për qëndrimin e Prishtinës rreth kësaj çështjeje dhe qasjen e shtetit palestinez ndaj Kosovës.

Schwartz, një gazetar i njohur amerikan (më 1997 u bë mysliman hanefi), është autor i shumë librave, në mesin e të cilëve edhe disa për Kosovën dhe shqiptarët. Libri i tij “Islami tjetër” është botuar kohë më parë nga shtëpia botuese “Koha”.

Sikur dëgjohet zëri i Palestinës për Palestinën. Tek shprehte vuajtjen për viktimat e mizorisë së ushtrisë izraelite, mbrëmjen e së enjtes ajo bënte lutje për ndalje të bombardimeve mbi Rripin e Gazës dhe për ndërhyrje të fuqive më të mëdha botërore në konfliktin e përgjakshëm që është duke ndodhur diku 3 mijë kilometra larg Kosovës.

“E gjithë bota po tmerrohet nga pamjet që po i shohim nëpërmjet televizioneve dhe internetit. Ashtu edhe unë. Më dhemb shpirti për ata fëmijë, gra e burra të pafajshëm”, thotë Palestina Bajrami – Qerka, një nënë e re nga Prishtina. “Shtetet e Bashkuara dhe Bashkimi Evropian duhet të bëjnë diçka. Duhet të kenë pak mëshirë për atë popull që lind me luftën dhe vdes me të”.

Pak orë më vonë, agjencitë kryesore të lajmeve raportuan se Izraeli dhe Palestina kanë arritur që të pajtohen për një armëpushim të përkohshëm humanitar, duke filluar nga ora 8:00 e së premtes. Ishte paraparë të zgjaste 72 orë, por dy orë pas u prish.

Vetëm në tri ditët e festës së Fiter Bajramit, bombardimet e Izraelit kanë lënë të vrarë më shumë se 100 palestinezë myslimanë që po strehoheshin në një shkollë në kampin më të madh të Gazës. Rreth 3.300 palestinezë, shumica gra dhe fëmijë, ishin të strehuar në ndërtesën e kampit të refugjatëve në Jabalya, kur sipër tyre janë hedhur raketat. Gjaku ishte shpërndarë nëpër dysheme të korridoreve dhe klasave të kësaj shkolle fillore të vajzave. Dëshmitarët kanë thënë se kanë mbledhur copa të të afërmve të tyre të vrarë nëpër rrënoja muresh.

Arsenali s’ka pushuar prej tri javësh, kur ka filluar ofensiva izraelite me arsyen e prishjes së bazave të “Hamasit”, lëvizje politike militare palestineze. Dhe, njerëzit janë kthyer në statistika. Me viktimat e kësaj jave, numri i të vrarëve ka shkuar në 1.500 dhe i të plagosurve në mbi 8.000. Qytetet janë kthyer në gërmadha.

Ilir Kulla ka specializuar në studimet e sigurisë kombëtare dhe ndërkombëtare izraelite, dhe në diplomaci. Ai mendon se situatën e tashme në Gazë e ka prodhuar në përgjithësi situata në Lindjen e Mesme, zhvillimet në Siri, Irak, Egjipt dhe sidomos frika për rënien e regjimit në Jordani, që, sipas tij, do të thoshte kërcënim i ekzistencës së Izraelit, nga pasojat e të ashtuquajturave ndryshime postpranverë arabe./koha ditore/

Gjykata Speciale nuk pritet të themelohet të paktën deri kah fundi i vitit edhe sikur shumica e deputetëve të legjislaturës së pestë do t’i mbështesë ndryshimet ligjore dhe kushtetuese që e mundësojnë funksionalizimin e saj.

Janë edhe aspektet procedurale në Kuvend e Qeveri, ato që e mundësojnë këtë gjë, shkruan Tribuna.

Kur më 7 maj është shpërbërë Legjislatura e katërt e Kuvendit të Kosovës, po atë ditë, janë kthyer në pikën zero të gjitha projektligjet dhe aktet e tjera legjislative që nuë kanë arritur të marrin vulën e kryeparlamentarit dhe të shpallen nga presidentja.

Po atë ditë legjislatura e vetëshpërbërë, e ka lënë të papërfunduar edhe procesin e krijimit të bazës ligjore dhe kushtetuese për krijimin e Gjykatës Speciale.