Me performanca elektrizuese në koncerte live, regjisori Florian Habicht prezenton një homecoming të shthurur për James Cocker dhe grupin e tij në Pulp: a Film about Life, Death & Supermarkets. Programi është kuruar nga Pamel Cohn nën titullin “I lied when I said I was done. I knew I wasn’t done”.
Në vitin 2008, Dokufest e shtoi festivalin e muzikës të quajtur DokuNights. Që nga ajo kohë, të gjitha koncertet live janë të mbushura me të rinjë nga i gjithë rajoni të cilët vijnë në Prizren për të dëgjuar bendet dhe DJ e tyre favorit lokal dhe ndërkombëtar, duke kënduar secilën kangë me brohorimë dhe duke vallzu deri në mëngjes.

Një grup i shokëve nga lagjet e varfëra të Kajros të cilët jetojnë në margjinat e revolucionit kulturor dhe të cilët së fundi kanë formu një verzion elektrizues të hip-hoput arab të cilin e quajnë Mahraganat në filmin Electro Chaabi të Hind Meddeb. Pas afërsisht 40 viteve të një lufte brutale, paqja dhe rindërtimi po mbërrijnë shpejtë në Angolë. Në Huambo, qytetin e dytë më të madh të Angolës, 55 jetimë të luftës jetojnë në jetimoren Okutiuka në përkujdesjen e një figure të fuqishme të nënës, Sonia Ferreira. I dashuri i Sonias, Wilker Flores është një gitarist i një grupi death metal i cili i shfrytëzon tingujt dhe ritmin e muzikës së tij si një rrugë për tu shëruar në filmin Death Metal Angola të regjisorit Jeremy Xido.

I pandalshmi Zivan Pujic – aka Jimmy – jeton në një fshat të vogël në rrethinën e Beogradit me nënën e tij. Në filmin Zivan Pravi Pank Festival të Ognjen Glavonic, Jimmy me guxim e organizon edicionin e gjashtë të festivalit të tij punk i cili këtë vit bëhet “ndërkombëtar” sepse njëri nga bendet është nga Sllovakia. Shumëcka mungon, përfshirë edhe publiku, por sidoqëtëjetë – Glavonic prezanton një portret të dashur dhe të thellë të Zivan-it i cili prezantohet duke u shpalosur storia.

Ne gjithashtu takohemi me muzikantë të cilët i kanë kaluar përçarjet e famës ndërkombëtare dhe pasurisë, një ëndërr që vjen me sfidat e veta. Mistaken for Strangers i Tom Berninger është një histori e rivalitetit dhe dashurisë mes vëllezërve. Kjo është larg nga vështrimet e thjeshta në prapaskenën e grupit të njohur Amerikan indie-rock, The National. Vëllezërit Matt dhe Tom tentojnë ta zbusin armiqësinë e tyre të krijuar nga sukseset e njërit dhe dështimet e panumërta të tjetrit. Por në mes tyre ekziston një dashuri e thellë dhe asnjëri nga ta nuk do ta konsideronte si opcion braktisjen e njëri-tjetrit.

Me performanca elektrizuese në koncerte live, regjisori Florian Habicht prezenton një homecoming të shthurur për James Cocker dhe grupin e tij në Pulp: a Film about Life, Death & Supermarkets. Pulp u bë ndërkombëtarisht i njohur në vitet e 90-ta me himnet si “Common People” dhe “Disco 2000”. Njëzet e pesë vite më vonë dhe pas një shitje të 10 milion albumeve, ata u kthyen ne qytetin e tyre të Sheffield për koncertin e tyre të fundit në Mbretërinë e Bashkuar. Habitcht i shfaq meditimet e grupit me tablo si në ëndërr duke i përfshirë edhe qytetarët e zakonshëm të Sheffield. Njëri nga ta me shumë krenari vesh një bluzë që shkruan: “I am a common person so fuck you.”

Programi është kuruar nga Pamel Cohn nën titullin “I lied when I said I was done. I knew I wasn’t done”. / KultPlus.com

P.I.N.T. aka Për Inati t’Njoni Tjetrit, është grup i krijuar në vitin 2010 si shtëpi e artistëve të ndryshëm. Prej atyre që sot janë ikona muzikore e deri te ata që do te jenë ikonat e së ardhmes. Pjesë e këtij grupi janë: MC KResha, Lyrical Son, Bim Bimma, etj.
Festivali i muzikës dhe i aktivizmit NGOMFest ka shpallur sot emrat e artistëve kryesorë të cilët do të performojnë në NGOMfest4.

Henry Saiz është artist i zhanrit të muzikës elektronike. Llejbëlli i tij NATURASONORIS fitoi çmimin si “Llejbëlli më i mirë” i vitit 2012 nga Gazeta DJ, dhe remixi i tij i shquar Guy J’S ‘Lamur’ i solli atij “Melodinë e re Thelbësore” nga Radio 1 Pete Tong. Vitet e fundit ai arriti shumë suksese, përfshirë çmimin nga kritikët dhe audienca e shumë festivaleve si: Sonar, CreamFields, Ultra, Miami. Global, Gathering dhe Benicassim dhe shumë të tjerë. Henry kishte krijuar dhe prirë radio programin e tij online “Labirinti” me një numër të madh të ndëgjuesëve në të gjithë botën. Henry realizon debutimin e tij LP, e quajtur “Realiteti është për ata të cilët nuk janë mjaftueshëm të fortë t’i bëjnë ballë ëndrrave të tyre”.

Në NGOMFest sivjet do të performojë edhe Kultur Shock, bend nga Seattle i cili është i specializuar në përzierjen muzikës rock, metal dhe punk me muzikë tradicionale ballkanike. Ky bend është aktiv që nga viti 1996 dhe përbëhet nga anëtarë që vijnë nga Bosnia, Bullgaria dhe Shtetet e Bashkuara të Amerikës. Vitet e fundit bendi ka performuar në më shumë se 600 koncerte në Evropë e SHBA, dhe ndryshe nga bendet tjera të komercializuara, ky bend emrin e tyre e ka vetëfinancuar dhe vetëdistribuar. Në vitin 2011 Kultur Shock lansoi në treg albumin e shtatë me bashkëpunimin e katërt me rradhë me producentin Jack Endino.

P.I.N.T. aka Për Inati t’Njoni Tjetrit, është grup i krijuar në vitin 2010 si shtëpi e artistëve të ndryshëm. Prej atyre që sot janë ikona muzikore e deri te ata që do te jenë ikonat e së ardhmes. Për here të parë u zyrtarizua më 16 Gusht 2011, duke lançuar albumin e “Mc Kresha & Lyrical Son – Për inati t’njoni tjetrit”. Përgjegjësitë dhe drejtimi i punës së P.I.N.T. është cilësia e lartë e produkteve muzikore, që do të lançohen në tregun mbarëshqiptarë dhe internacional.
Pjesë e këtij grupi janë: MC KResha, Lyrical Son, Bim Bimma, etj. / KultPlus.com