Irina Shayk dëshiron më shumë role filmike. Supermodelja 28-vjeçare e cila ka bërë debutimin e saj në aktrim me rolin në filmin ”Hercules” i cili në kinema del në fund të këtij muaji, planifikon që të zgjeroj karrierën e saj në botën e filmit.

“Kur je në sheshxhirim për modelim, edhe kur bëhet fjalë për veshje intime, ju keni së ndoshta 10 persona prapa kamerës, ndërsa në një film, ke rreth 200 persona. Duhet të interpretosh dhe të harrosh se je një modele.

Duhet të jesh e vërtetë. Është shumë ndryshe. Ti duhet të besosh në karakterin tënd”, ka deklaruar e dashura e Christiano Ronaldos. Ajo thotë se i pëlqen modelimi, por gjithashtu është kënaqur duke aktruar.

“E dua modën dhe e adhuroj të jem modele, por përfundimisht jam kënaqur duke bërë këtë film dhe do të dëshiroja të aktroja sërish”, ka shtuar ajo. Sidoqoftë, modelja e “Sports Illustrated” nuk ka ende të kontraktuar ndonjë rol dhe po pret se çfarë do t’i sjell e ardhmja. “Nëse diçka ndryshe apo e madhe vjen, do ta provoj. Kurrë nuk mund të bësh plane, është sikur lotari.

Modelimi hap shumë dyer, udhëheqje në televizion, aktrim, dizajnim, pra nuk mund të planifikosh kurrë. Të shohim”, thekson ajo.

Ndërkohë, Irina e cila në filmin në fjalë paraqitet në rolin e gruas së Hercules-it, që luhet nga Dwayne Johnson, e ka pranuar se është ndjerë mjaft e lidhur me burrin e saj të filmit dhe është mirënjohëse ndaj 42-vjeçarit që i ka ndihmuar të ndjehet rehat gjatë xhirimeve.

Njëra ndër vajzat me të pasura në botë, Paris Hilton, nuk u beson meshkujve dhe se gjithmonë ka dyshime në ta për shkak të videos së publikuar para 10 viteve, ku ajo ishte duke kryer marrëdhënie seksuale me ish të dashurin e saj në atë kohë, Rick Salomon.

Trashëgimtarja e pasur, Paris Hilton, thotë se gjithmonë ka dyshim te meshkujt, që nga koha kur u publikua videoja e saj seksuale. Në vitin 2004, në internet rrodhi xhirimi shtëpiak, ku ajo shihej duke kryer marrëdhënie seksuale me asokohe të dashurin e saj, Rick Salomon, të cilin më vonë e paditi për publikimin e videos.

“Ishte dëshpëruese, sepse ai ishte dikush me të cilin kisha qenë në lidhje për disa vite. Nuk mendoj se do të arrij ndonjëherë t’u besoj meshkujve. Pas asaj që ndodhi ishte gjëja më e dhimbshme dhe më e keqe që mund t’ia bënte dikush një vajze të re. Isha shumë e re, nuk ishte faji im”, ka thënë 33-vjeçarja. Në të kaluarën Paris ka mohuar të ketë qenë e përfshirë në publikim e videos për t’u bërë e famshme, ngjashëm siç bëri edhe Kim Kardashian në vitin 2007.

Scarlett Johansson do të martohet me të fejuarin e saj, Romain Dauriac, në muajin gusht të këtij viti, njoftojnë mediat amerikane.

Aktorja amerikane, e cila është në pritje të fëmijës me partnerin e saj francez, aktualisht po jeton në Paris.

Sipas Page Six të New York Post, çifti do të martohet kah fundi i gushtit. Nuk janë dhënë detaje të tjera rreth martesës, e cila pritet të zhvillohet ose në New York ose në Paris.

Johansson ka qenë në të kaluarën e martuar me aktorin Ryan Reynolds.

Neymar ka parë me sytë e tij një sherr femrash, përderisa po darkonte me të dashurën e tij.

Ylli brazilian, Neymar, kaloi një moment jo shumë të mirë të dielën mbrëma, teksa ishte duke dalë nga një lokal ku qëndroi me të dashurën e tij, Bruna, ku u bë protagonist i një sherri femrash.

Pas ndërhyrjes së sigurimit të lokalit, Neymar dhe Bruna u larguan të sigurt nga vendngjarja.