Një ngjarje e rëndë ka ndodhur mëngjesin e sotëm në një fshat të Fierit, ku një person ka vrarë dy vëllezërit, kunatën, mbesën dhe më pas veten, shkruan gazeta Start.
Ngjarja ka ndodhur rreth orës 8 në fshatin Sturmë të Fierit, ndërsa mësohet se autori i ngjarjes tragjike është Bajram Vrapi, 73 vjeç.
Krimi është kryer me një armë gjahu, por ende nuk dihen detajet dhe motivet e kësaj vrasjeje të rëndë. Dy vllezërit e vrarë ishin Xhemal dhe Besim Vrapi, 60 dhe 7 9 vjeç, mbesa me inicialet M.V 17 vjeç, ndërsa kunata 43 vjeç.
Menjëherë sapo është sinjalizuar forcat blu kanë mbërritur në vendngjarje, ku si fillim kanë rrethuar autorin duke i bërë thirrje të dorëzohet, por ai ka refuzuar duke qëlluar edhe mbi veten.
Policia ka nisur të hetojë për të zbuluar shkaqet.