Organizata Joqeveritare “ AKEA “ në Prizren, ka filluar aksionin e madh humanitar “ Shporta e Ramazanit”.

Nëpërmjet këtij aksioni humanitar,” AKEA” synon të jetë urë lidhëse e solidarizimit në mes të atyre që kanë për të ndihmuar dhe familjeve me gjendje të dobët ekonomike, që së bashku t’i begatojnë sofrat e iftarit atyre që nuk kanë.

Ndërkaq, qytetarët me vullnet të mirë mund të kontribuojnë duke bërë pagesën prej 5 eurove në të gjitha marketet, ku është i vendosur posteri I Shportës së Ramazanit.

“Ndihmat e grumbulluara më pastaj shpërndahen direkt në shtëpitë e skamnorëve nëpërmjet vullnetarëve të OJQ-së AKEA”,njoftojnë përfaqësuesit e AKEA-s

Dy ditë para fillimit të Ramazanit, ”AKEA” i gëzoi 30 famlje nevojtare me pako ushqimore, donacione të siguruara nga dy afaristë lokalë./PrizrenPress.com/

Sot fillon implementimi i Memorandum Bashkëpunimit në mes të Policisë së Kosovës dhe Policisë së Shqipërisë për patrullime të përbashkëta.

Turni i parë i zyrtarëve policor të PK-së, gjegjësisht të njësive rajonale të komunikacionit rrugor, do të udhëtojnë për në Republikën e Shqipërisë nga Pik Kalimi kufitar Vermicë.

Gjatë fillimit të implementimit të marrëveshjes së bashkëpunimit policor do të marrin pjesë të dy përgjegjësit e Divizionit të Komunikacionit Rrugor të PK-se dhe përgjegjësi i Komunikacionit Rrugor nga Shqipëria.

Deputeti i zgjedhur nga Vetëvendosje, Visar Ymeri thotë se nga takimi liderëve opozitarë, janë diskutuar dy çështjet kryesore, që koalicioni i lidhur tashmë, jo vetëm që nuk do të pranojnë koalicion me PDK-në, por do ta kundërshtojnë një gjë të tillë.

Në anën tjetër Ymeri thotë se është diskutuar edhe për pikat që ka paraqitur Lëvizja Vetëvendosje.

“Kriteret dhe parimet, sepse nuk dua ti quaj kushte, janë një lloj hapi që ka marrë VV-ja dhe jemi kujdesur që gjuha të jetë sa më e kapshme dhe se tani jemi duke i diskutuar modalitetet, sepse ende nuk kemi një po ose jo nga subjektet politike”, ka thënë Ymeri, në Interaktiv të KTV-së.

Zëvendëskryeministrja e Kosovës, Edita Tahiri ka deklaruar se parimisht Serbia është pajtuar për heqjen e barrikadës mbi lumin Ibër.

Ajo ka bërë me dijë se ketë javë do ta vizitojë Brukselin ku me përfaqësuesit e zyrës se baroneshës Catherine Ashton do të diskutojë për heqjen e barrikadës dhe zbatimin e marrëveshjes së 19 prillit.

“ Në bazë të komunikimeve dhe informatave që kemi nga Brukseli, në parim ka pajtueshmëri nga ana e Serbisë për t’i hequr këto barrikada”, ka thënë Tahiri./Epoka e Re/.

Gjykata Kushtetuese ka dhënë verdiktin se presidenti i shtetit mund ta caktojë mandatarin për kryeministër vetëm në konsultim me partinë ose koalicionin që ka fituar shumicën në Kuvend, ka thënë një burim i gazetës jashtë kësaj gjykate. Sipas tij, një e drejtë e këtillë nuk u njihet edhe koalicioneve paszgjedhore.

Kushtetuesja ka vendosur të hënën për rastin e parashtruar nga presidentja Atifete Jahjaga, përkitazi me vlerësimin e përputhshmërisë së nenit 84 me nenin 95 të Kushtetutës, që i referohen mandatarit të Qeverisë. E ka kumtuar këtë lajm, por nuk ka treguar se cila është përgjigjja që ka dhënë në pyetje.

Në njoftimin adresuar medieve vetëm është thënë se gjykata do ta publikojë vendimin në ditët në vijim.

Gazeta ka kontaktuar edhe një burim brenda Kushtetueses, por ai ka refuzuar të flasë për përmbajtjen e verdiktit. Për përmbajtjen ka thënë se do të publikohet të martën, ose më së largu të mërkurën../koha ditore/

Ish- anëtari i KQZ-së nga radhët e AKR-së, Fadil Maloku e ka komentuar mundësinë e daljes së kryeministrit nga zarfi. Ai ka thënë se kjo do të ishte një dobësi e madhe.

Profesori Maloku thotë se nuk bënë të na paërsëritet historia, si me “daljen e presidentes analfabete”.

Ja komenti i plotë i Fadil Malokut në Facebook:

ZARFI I DRAGODANIT & ZARFI I BRUKSELIT

Do të ishte dobësi (e mesazh tejet i qartë për papjekuri totale politike të kastës së tanishme!)e llojit të vetë,nëse kryeministri i ardhshëm i Kosovës del nga (tani) ZARFI i Brukselit, ashtu siq polli presidentja analfabete, nga ZARFI i Dragodanit! Zgjedhjet, po duken ishin vetëm improvizim social për të arsyetuar (mos)prezencën tëhuajsuese ndërkombëtare…!?