Kandidati për kryeministër i koalicionit AAK, Nisma, Lista Konservatore dhe E-30, Ramush Haradinaj, ka takuar strukturat e degës së partisë në Rahovec, me ç’rast ka bërë prezantimin e kandidatëve për deputetë nga kjo komunë.

Haradinaj, ka thënë se kryeministri Kurti e ka futur Kosovën në rrethim kur për të dalë nga aty na duhet shumë punë.

“Jemi në Rahovec për të vendosur për katër vitet e ardhshme, për të ardhmen tonë të përbashkët. Ju kemi folur qysh moti për Kurtin, ju kemi thënë se ai është gabim dhe ashtu doli. Është goxha vështirë me nxjerrë Kosovën nga aty ku e ka futur Kurti. Është numër i madh i marrëveshjeve, kemi sanksione, pra Kosovën e ka futur në rrethim”, ka thënë Haradinaj, njofton zyra për informim e kësaj partie.

Haradinaj ka ripërsëritur rëndësinë e anëtarësimit direkt të Kosovës në NATO.

“Anëtarësimi i Kosovës direkt në NATO, ndodh vetëm me Amerikën përmes Planit Aksional të Anëtarësimit. Unë jam futur në garë për ta bërë Kosovën anëtare të NATO-së, sepse kjo garanton siguri për të ardhmen dhe zhvillim ekonomik”, është shprehur Haradinaj.

Sipas tij, e rëndësishme është që Kosova të bëhet anëtare e NATO-së dhe mekanizmave tjerë ndërkombëtar, ndërsa njohja nga Serbia le të ndodh kur ajo është e gatshme ta bëj.

“Ne duhet t’i themi se Serbia kurdo që është gati me na njohtë, le ta bëj. Ne duhet t’i themi botës nuk po e ngushtojmë Serbinë, kurdo që ajo është gati me njoftë Kosovën, le ta bëj, ne kemi vendosur me ecë para në koordinim me Amerikën. Ne mundemi me marrë hua me miliarda për zhvillimin e vendit në mënyrë që mos me leju me na ikë rinia, po ashtu edhe me siguru të ardhmen duke qenë anëtare e NATO-së”, ka thënë ai.

Haradinaj ka thënë se lista e AAK-së i ka njerëzit më të mirë dhe më të zotë.

“Deputetët e kësaj legjislature nga Aleanca, kanë qenë vërtetë në krye të detyrës, kanë zenë të zëshëm dhe kanë trajtuar tema të rëndësishme dhe në interes të qytetarëve. Në listën tonë të kandidatëve për deputetë, gjeni njerëzit më të mirë, më profesionistë, atdhetarë e të dëshmuar në etapa të ndryshme”, ka thënë Haradinaj.

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Në mungesë të pesë dëshmitarëve, ka dështuar seanca e së premtes në Gjykatën Themelore në Prizren, në rastin ku Nijazi Kryeziu akuzohet se në cilësinë e drejtorit të Urbanizmit në Komunën e Prizrenit ka keqpërdorur detyrën zyrtare.

Në këtë seancë ishte paraparë të dëgjoheshin: Bashkim Lubovci, Ilir Baldedaj, Shpresa Vula, Shukran Zogaj dhe Afërdita Morina.

Kryetarja e trupit gjykues, Raima Elezi, ka deklaruar se mbrojtësi i të akuzuarit Kryeziu, avokati Kujtim Kërveshi, kishte për detyrë që në afat prej shtatë ditësh me parashtesë të njoftojë gjykatën për adresat e dëshmitarëve të propozuar, raporton “Betimi për Drejtësi”.

Sipas saj, për shkak se ky obligim nuk u përmbush nga avokati, dëshmitarët në fjalë nuk u thirrën për seancën e sotme.

Kurse, avokati Kërveshi njoftoi se kishte komunikuar me telefon me dëshmitarët dhe se deri dy ditë më parë ai kishte informacione se dëshmitarët do të paraqiteshin.

Por, tha se në pamundësisë për të arsyetuar mungesën e tyre tek punëdhënësit, dëshmitarët nuk u paraqitën në senacën e sotme.

Kërveshi tha se qëndron pranë propozimit për dëgjimin e Baldedajt dhe Lubovcit, ndërsa heq dorë nga dëgjimi i tre dëshmitarëve tjerë.

Propozimi i tij u aprovua nga trupi gjykues i kryesuar nga gjykatësja Raima Elezi.

Ndryshe, Gjykata Themelore në Prizren të akuzuarin Kryeziu më 21 shtator 2021 e ka liruar nga akuza për korrupsion, mirëpo Gjykata e Apelit e ka kthyer rastin në rigjykim.

Në aktakuzën e Prokurorisë Themelore në Prizren të ngritur më 2 gusht 2019, i pandehuri Nijazi Kryeziu akuzohet për veprën penale të keqpërdorimit të pozitës apo autoritetit zyrtar.

Sipas aktakuzës, Nijazi Kryeziu, akuzohet se gjatë periudhës kohore janar – dhjetor 2015, në cilësinë e drejtorit të Urbanizmit dhe Planifikimit Hapësinor në Komunën e Prizrenit, nuk i ka përmbushur detyrat apo autoritetin zyrtar, me qëllim të përfitimit të çfarëdo dobie për personat tjerë juridik, TV Opinion.

Përjetoni pushime të paharruar dhe dasma magjike në Hotel “Albes Residence”

Në aktakuzë thuhet se i akuzuari Kryeziu, duke mos e përmbushur detyrën e përcaktuar me ligj, pa ndonjë procedurë të tenderimit në kundërshtim me Ligjin e Prokurimit Publik, Ligjin për Menaxhimin e Financave Publike, si dhe Rregulloren e Thesarit, kishte lidhur kontratë për emetimin e spoteve reklamuese për nevojat e Drejtorisë së Urbanizmit dhe Planifikimit Hapësinor të Komunës  Prizrenit.

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Sipas aktakuzës, Kryeziu, gjatë periudhës kohore 1 janar 2015 e deri më 31 dhjetor 2015, kishte lidhur kontratë me TV Opinionin, në vlerë prej 600 euro në muaj, dhe se për 12 muaj ka paguar 1 mijë e 200 euro.

Me këtë, akuzohet se ka kryer veprën penale “Keqpërdorim i detyrës zyrtare apo autoritetit zyrtar”, nga neni 422 par.1 lidhur me par.2 nënpar.2.2 të Kodit Penal. /BetimipërDrejtësi

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve