Lidhja Demokratike e Kosovës në Prizren, ka anuluar të gjitha aktivitetet elektorale,pas tragjedisë që ka ndodhur me punëtorët e KEK-ut.
“Dega e Lidhjes Demokratike të Kosovës i shprehë ngushëllime familjeve të viktimave dhe të lënduarve i uron shërim sa ma të shpejtë”
“Dega e Lidhjes Demokratike të Kosovës në emër të gjithë anëtarësisë dhe qytetarëve të komunës së Prizrenit në këto momente të rënda ndanë dhimbjen me familjet e viktimave”
“Me këtë rast, njoftojmë gjithë qytetarët e komunës sonë, në këto moment dhimbjeje, anulojmë të gjitha aktivitetet elektorale që ishin të planifikuara në orët e pas ditës së sotme”

|Lutemi, që në këto momente, pavarësisht që përgjegjësia duhet të bie mbi dikë, kjo tragjedi mos të keqpërdorët për qëllime fushate”/

Një burim anonim i Koha.net ka thënë se nga shpërthimi i sotëm në KEK, në “Kosovën A”, kanë vdekur punëtorët me iniciale Sh. M. dhe L. Sh. , ndërsa, po sipas këtij burimi, dyshohet se në vendin e shpërthimit gjenden edhe tre trupa të tjerë të pajetë që ende nuk janë identifikuar.

Më herë ishte dyshuar për vetëm tre të vdekur e këtë numër e kishte konfirmuar edhe drejtori i Mjekësisë Ligjore Arsim Gërxhaliu.

Përfaqësues të Mjekësisë ligjore po tentojnë të hyjnë brenda, në vendin e fatkeqësisë ku dyshohet të ketë ende viktima, mirëpo hyrja është e pamundur për shkak të gazrave që pengojnë në hundë e në sy.

Kryeministri i Republikës së Kosovës, Hashim Thaçi ngushëllon familjarët e punëtorëve të KEK-ut që humbën jetën si pasojë e shpërthimit në termocentralin Kosova A.
Në telegramin e ngushëllimit thuhet:

Me dhimbje të madhe morëm lajmin për humbjen e jetës së punëtorëve të KEK-ut dhe lëndimin e disa të tjerëve, si pasojë e shpërthimit që ndodhi paraditen e sotme në Termocentralin Kosova A.

Në emër të Qeverisë së Republikës së Kosovës dhe në emrin tim, ju lutem pranoni ngushëllimet më të thella për humbjen e jetës së familjarëve tuaj.

Duke shprehur solidaritetin dhe mbështetjen më të lartë institucionale për familjarët e viktimave, uroj që të lënduarit nga ky shpërthim të shërohen sa më shpejtë dhe të kthehen në familjet e tyre.

Hashim Thaçi,
Kryeministër i Republikës së Kosovës

Zyrtarë të Lidhjes Demokratike e Kosovës kanë mohuar mundësinë e shtyrjeve të zgjedhjeve në vend.

Lidhja Demokratike e Kosovës nuk ka dhënë pëlqimin për shtyrjen e zgjedhjeve për shkak të shpërthimit të KEK.

Zyrtarë të LDK’së kanë thënë për Express në kushte anonimiteti se nuk kanë biseduar për shtyrjen e zgjedhjeve.

Ndërsa anëtari i KQZ’së Florian Dushi ka thënë në Facebook se zgjedhjet mbahen të dielën.

“ Mos spekuloni, zgjehdhjet mbahen me 8 qershor”

Lideri i Lidhjes Demokratike të Kosovës, ka thënë se është i pajtimit që zgjedhjet të shtyhen pas kësaj tragjedie që ka ndodhur sot në KEK e cila ka lënë të vdekur së paku tre persona deri më tani.

Ndërkohë Kryeministri i Kosovës, Hashim Thaçi ka thënë se për këtë vendim duhet të vendos presidentja.

Tani pritet që presidentja të dal me një komunikatë nëse do të shtyhen zgjedhjet apo jo.

Edhe PDK-ja në Prizren ka anuluar të gjitha aktivitetet politike, për shkak tragjedisë ë ka ndodhur në KEK.

” Ju njoftojmë se Shtabi Zgjedhor i PDK-së në Prizren, anulon të gjitha tubimet publike të parapara për ditën e sotme, në shenjë solidariteti me familjarët dhe të afërmit e atyre që u prekën nga kjo fatkeqësi e rëndë të punëtorëve të KEK-ut”.

“Gjithashtu me këtë rast me të gjithë familjarët ndajmë dhimbjen për këtë fatkeqësi të rëndë, ndërkaq të lënduarve u dëshirojmë shërim të shpejt”.

Nisma pë r Kosovë dhe Bashkimi Demokratik në Prizren, kanë anuluar tubimin pë rmbyllë s të fushatë s, i cili ishte paraparë të mbahet sot në ora 18:00

“Njoftojmë strukturat, aktivistët dhe qytetarët e Prizrenit se tubimi përmyllës i fushatës elektorale të koalicionit NISMA-BD , paraparë të mbahet sot në ora 18:00 .

“Ky tubim anulohet në shenjë solidariteti me familjet e të vdekurve dhe të lënduarve në ketë tragjedi, e cila ka ndodhur sot në Termocentralin Kosova A.”

“NISMA dhe BD ngushllon familjet e punëtorëve që kanë humbur jetën tragjikisht “

14 vjet burgim ia shqiptoi Gjykata Themelore në Prizren të akuzuarit Elez Kadrijaj, për shkak të vrasjes së dhëndrit F. Nuhiaj, përderisa tre djemtë e tij për pjesëmarrje në rrahje janë dënuar me gjobë ne shumën 6 mijë euro.

Gjykatësja Raima Elezi në kuadër të Departamentit për Krime të Rënda, shpalli fajtor Elez Kadrijaj nga fshati Vërmicë e Prizrenit i cili më 2 janar të vitit të kaluar pas një përleshje pat vrarë me pistoletë dhëndrin e tij, F. Nuhiaj nga fshati Gjonaj.

Mosmarrëveshjet familjare, quan në konflikt ndërmjet Elez Kadriajt dhe djemve të tij, Demir Kadrijaj, Besnik Kadrijaj, Hidajet Kadrijaj

Siç ka vlerësuar Prokuroria e tëra është shktuar për motive të ulta, ndërsa vrasja pat ndodhur në oborrin e qendrës tregtare “Ben-Af” në Prizren, pas një zënke që kishte filluar në brendi të këtij kompleksi afarist.

Me aplikimin e Dispozitave mbi shqiptimin e dënimit unik, Gjykata vendosi që të akuzuarin Elez Kadrijaj për veprën penale të vrasjes ta dënoi me 14 vite, në të cilën dënim do t’i llogaritet koha e kaluar në paraburgim, si dhe do t’i vazhdohet paraburgimi gjerë në plotfuqishmërinë e aktgjykimit.

Të akuzuarit Demir Kadrija, Besnik Kadrija e Hidajë Kadrijaj, për veprën penale pjesëmarrje në rrahje janë dënuar me gjobë. Secili prej tyre duhet të paguajë shumën prej 2.000 (dymijë ) euro./Zeri/