Një Qershori është Dita Ndërkombëtare e Fëmijëve. Fëmijët e të gjitha moshave kërkojnë sot vëmendjen e prindërve, shtetit tek ata. Kjo ditë është kthyer jo vetëm në një ditë festive, por edhe në një ditë sensibilizimi, për t’i thënë jo dhunës dhe abuzimit ndaj fëmijëve. Është dita kur vetë fëmijët ngrenë zërin për të drejtat e tyre, por në ndryshim nga të rriturit, protesta e tyre bëhet me lojëra festive.
Në fakt 1 Qershori e ka origjinën nga Shtetet e Bashkuara dhe Kina. Ne vitin 1925 konsulli i përgjithshëm Kinez në San Francisko mblodhi se bashku një numër të konsiderueshëm fëmijësh jetim Kinez të festonin në festivalin e Anijes se Dragoit. Kjo gjë koincidoi të ishte në të njëjtën ditë me konferencën në fjalë. Festa e 1 Qershorit filloi te festohet pas dy vitesh. Shume vende të botes e kanë pranuar atë si festën ndërkombëtare të fëmijëve dhe realizojnë festime te cilat kane si qellim të rrisin vëmendjen në drejtim të mirëqenies se tyre.

Kjo festë me aktivitetet të shumta do të festohet edhe në Kosovë. Në Ditën Ndërkombëtare të Fëmijëve më 1 Qershor, Posta e Kosovës Sh.A. do të organizojë një aktivitet publik në përkrahje të të drejtave të fëmijëve.

Po ashtu Institucioni i Avokatit të Popullit (IAP) për të shënuar 1 qershorin, Ditën Ndërkombëtare të Fëm ijëve, ka paraparë disa aktivitete, me ç’rast fëmijët do të informohen lidhur me mandatin e IAP-së në mbrojtjen dhe promovimin e të drejtave të njeriut, përkatësisht do të kenë mundësinë që të dëgjohen nga përfaqësuesit e IAP-së.

Edhe Save the Children dhe organizatat tjera joqeveritare, janë të përfshira në shënimin e kësaj dite të rëndësishme për fëmijët.

Nëse i fiton zgjedhjet dhe mandatohet për të bërë edhe njëherë qeverinë, Hashim Thaçi nuk është se do të ketë shumë partnerë në dispozicion. Të gjitha partitë që garojnë në zgjedhje i kanë dhënë vijën e kuqe Partisë Demokratike të Kosovës. LDK, VV, AAK dhe Nisma nuk preferojnë që të bashkëqeverisin me Hashim Thaçin.

Dëshirë për qeverisje të ngjashme si ajo e mandatit të kaluar nuk ka as Aleanca Kosova e Re e Behgjet Pacollit, por partia e biznesmeni të suksesshëm nuk i ka rënë vijë të kuqe kësaj mundësie. Në dy prononcime të ndryshme sekretari i kësaj partie, Ibrahim Makolli dhe nënkryetarja Mimoza Kusari – Lila, nuk e kanë mohuar kategorikisht bashkëpunimin me PDK-në.

Sekretari i kësaj partie ka thënë në një intervistë për Tribunën se nuk kanë vija të kuqe. “Për ne me rëndësi është programi dhe pajtueshmëria, që mund ta kemi me programet e partive. Ne do t’i shohim programet, do të shohim se a kemi vizion dhe qëllime të përbashkëta, nëse jo atëherë nuk kemi se për çka të bisedojmë”, ka thënë Makolli, që në qeverinë e kaluar Thaçi ka qenë ministër i diasporës./Tribuna/

Kuvendi i të Rinjve të Kosovës, me rastin e Ditës Ndërkombëtare të Fëmijëve (1 qershor), i bënë thirrje prindërve të fëmijëve që mos lejojnë manipulimin e fëmijëve të tyre duke marrë pjesë në fushata të partive politike.

“Ne i bëjmë thirrje partive politike të qëndrojnë larg fëmijëve, mos t’i shfrytëzojnë ata në fushata parazgjedhore siç po ndodh në këtë fushatë parazgjedhore ku çdo ditë shohim fëmijë nën moshën 18 vjeçare në fushata dhe duke punuar në sigurimin e përkrahjes për kandidatët dhe partitë e caktuara”, thuhet në reagimin e Kuvendit të të Rinjve të Kosovës.

Gjithashtu , Kuvendi i të Rinjve të Kosovës shpreh shqetësim në lidhje me shfrytëzimin e fëmijëve në punë të rënda fizike.

“Shfrytëzimi i fëmijëve në punë të rënda fizike është shkelje e rëndë e Konventës ndërkombëtare për të drejtat e fëmijëve. Shfrytëzimi i fëmijëve në punë të rënda fizike është shkatërrim i jetës së tyre. Të veprojmë së bashku në ndryshimin e këtij realiteti, që më mos të jetë vetëm 1 Qershori ditë në të cilën kujtohen këta fëmijë”, thotë Kuvendi i të Rinjve në reagimin e tyre.

“Për të ardhur deri tek një gjendje më e mirë, ne si Kuvend i të Rinjve të Kosovës kemi kërkuar inicimin e draft-ligjit për fëmijët me të cilin ligj dhe respektim të tij, fëmijët do të kenë trajtimin e merituar në familje dhe shoqëri”.

Andaj “NDAL SHFRYTËZIMIT TË FËMIJEVE”

Behar Selimi kandidat  për deputet i PDK-së  është takuar me elektoratin e tij në lagjen “28 Nëntori” në Prizren. Ai tha se banorëve të kësaj lagjeje i është mirënjohës për propozimin që kanë dhën që të jetë kandidat i PDK-së për deputet të Parlamentit të Kosovës.

“Do të jetë obligim i imi moral dhe politik që të jem zë i fuqishëm i elektoratit që do e përfaqësoj”, tha Selimi.

Të pranishmit në këtë tubim ishin kandidatët,: Behar Selimi, Nait Hasani, Luljeta Veselaj, Zarije Jusufi, Naser Berisha, Munir Basha, dhe Irfan Fusha.

Kandidatet e PDK në  Prizren në mbrëmje po ashtu kanë vazhduan takimet me elektoratin e tyre në lagjen “Ortokoll”. Përveç që kanë shpalosur programin e tyre të “Misionit të Ri”,  ata kanë zhvilluar edhe një debat me qytetarët.

Në këtë takim ka marrë pjesë edhe kryetari i Komunës se Prizrenit, Ramadan Muja.”PDK-ja në krye me Hashim Thaçin, do të  shënojë fitore të lartë dhe të merituar”, tha Muja. /PrizrenPress.com/

.

Kandidatët e PDK-së  në Prizren për deputet  të Parlamentit  të  Kosovës, kanë vazhduar aktivitetin e tyre elektoral në shumë ndërmarrje punuese.

Ata janë  zotuar se me “Misionin e Ri” të liderit  Hashim  Thaçi,  të gjithë do të përfitojnë,sidomos ndërmarrjet e shumta punuese të zejeve të ndryshme.

“Vet programi i PDK-së për zhvillim ekonomik është i paraparë për këtë synim”.

Fillimisht disa prej kandidatëve si Edita Tahiri, Luljeta Veselaj-Gutaj, Zahrije Jusufi, Nait Hasani, Nezir Çoçaj, Naser Berisha dhe Irfan Fusha  takuan banorët e lagjes “Dardania” ish -Jaglenica  me ç’rast  panë nga afër edhe disa ndërmarrje të ndryshme, të cilat kanë të punësuar një numër të qytetarëve .

Deputetët njëzëri iu premtuan pronarëve të ndërmarrjeve punuese të ndryshme se me PDK-në, puna e tyre dhe biznesi do të arrijnë suksese edhe më të mëdha.

“PDK-ja në programin e vetë e parasheh një pikë të tillë të zhvillimit ekonomik, si dhe të punësimit të qytetarëve, që sipas tyre është prioriteti kryesor i PDK-së për mandatin e ardhshëm katër vjeçar”.

Pronarët e ndërmarrjeve të ndryshme në Prizren, ndërkaq  shprehën gatishmërinë e tyre se do ta votojnë PDK-së dhe se i besojnë “Misionit të Ri” të Thaçit.

Ata thanë se premtimet e realizuara tashmë janë konkrete dhe me to po ballafaqohen çdo ditë, si dhe ua kanë lehtësuar punën në bizneset e tyre.

Një vizitë  në kuadër të fushatës zgjedhore kandidatët e PDK-së për deputet të Parlamentit të Kosovës, kanë realizuar edhe në strehimoren e pleqve dhe personave më aftësi të kufizuara në fshatin Therandëz ish -Petrovë, ku biseduan për hallet e  kësaj kategorie njerëzore. Ata ofruan mbështetje për këta persona dhe për kushte më të mira  të qendrës dhe staf më të  zgjeruar./PrizrenPress.com/

Simpatizantë të Lidhjes Demokratike të Kosovës janë përfshirë në shkëmbime verbale Ministri në largim të Punëve të Jashtme Enver Hoxhaj, derisa ai ka dalë nga një debat për zgjedhjet në Kosovë.

Këtë e ka konfirmuar për KTV, vetë ministri Hoxhaj. Ministri Hoxhaj është munduar të minimizoj ngjarjen duke thënë se vetëm ka pasur brohoritje se do të fitojmë ne dhe asgjë më shumë.

Ai nuk ka përmendur emra, por vetëm thotë se ishin simpatizantë të LDK’së.

Ndërkohë mësohet se deri te fyerjet ndaj tij kanë ardhur pas debatit kur kandidatja për deputete e LDK-së Vjosa Osmani dhe ministri Hoxhaj, e kanë vazhduar debatin pas emisionit për nepotizëm dhe ka ndërhyrë edhe bashkëshorti i saj.

Është dashur edhe ndërhyrja e policisë së Kosovës.

Lideri i Aleancës për Ardhmërinë e Kosovës, Ramush Haradinaj, para shumë simpatizantëve të mbledhur në parkun e qytetit në Rahovec, hapi fushatën parazgjedhore dhe shpalosi programin të hartuar në Drejtim i Ri.

Haradinaj tha se në Kosovë nuk na kanë shkuar punët mirë, unë mundem të shfajësoj veten, meqenëse nuk kam qenë këtu nga fillimi i kësaj qeverie në largim, por prapë po them, se punët po na shkojnë keq.

“Me një qeverisje që po shkakton humbje vendit, me një qeverisje që e le njeriun dhe fermerin vetëm, nuk shkohet përpara, Kosovës i duhet qeverisja e cila kujdeset për njeriun, fermerin, të varfërinë, e këtë ju rahovecian keni pasur me Smajl Latifin, i cili është përkujdesur për të gjithë, por edhe për infrastrukturën e qytetit”.

“Nuk kemi ardhur për me ju mashtrua, por deri te ardhja këtu kemi punuar me plan, e ky plan e ka emrin Drejtim i Ri, është plani i zhvillimit të Kosovës, jo me ju ngarkuar me tatime, por me u zhvillue me investime”.

“Rahoveci është vend bujqësor, por mbajeni në mend, energjetika është gjaku i zhvillimit të një vendi. Po të kishim investuar para dy vite në energjetikë, do të ishte krejt ndryshe, por investitorit të huaj duhet krijuar sigurinë. Unë nuk foli për inati as për Thaqin, as për Mustafën, por mandati i tretë për qeverinë në largim nuk duhet t’i besohet. Gjatë 100 ditshin të qeverisjes time ma shumë është punuar sesa për katër vjet të qeverisjes Thaçi, sepse kemi punuar pa hile”, tha Haradinaj, transmeton Rahovecpress.

Kurse, kryetari i degës së AAK-së në Rahovec, Smajl Latifi, duke përshëndetur Ramush Haradinaj, drejtuar me fjalë se është nder që kemi në mesin tonë njeriun e sakrificës, paqes dhe i cili ka dhënë vazhdimisht mbështetje Rahovecit.

“Me AAK-në, qytetarë të Rahovecit do të keni mirëqenie për të mirën tuaj, për të ardhmen tuaj dhe duhet të ndiheni krenar, sepse Rahoveci ka dhënë shumë për lirinë e Kosovës, dhe keni vërë themelet e Kosovës dhe me Ramush Haradinaj do të keni mbështetje në sektorin e vreshtarisë, vertarisë, përmes Agrofondit, dhe ky program do të zbatohet qysh nga dita e parë pas 8 qershorit. Me Haradinajn do të kemi mbështetje edhe në industrinë ushqimore, ku do të ndryshojmë raporte të import-eksportit”, tha Smajl Latifi.

Ndërkaq Luan Jaha i pyetur pse një specialist shëndetësor hyn në politikë, thotë se Kosova sot ka nevojë për mjekun.

Në vazhdim janë prezantuar kandidatët për deputet të Parlamentit të Kosovës, Florije Boshnjaku, Xhevdet Duraku, dhe Luan Jaha, të cilit njëzëri spikatën vlerat e AAK-së, duke përmendur sukseset e Smajl Latifit derisa ky ishte kryetar Komune dhe Ramush Haradinajn, për të cilin thanë se është garanca për një Kosove progresive, Kosove pa korrupsion dhe me sundim të ligjit.