Zhvillimi i mëtutjeshëm i blegtorisë dhe rëndësia e këtij sektori për zhvillimin ekonomik të Republikës së Kosovës, ishte tema në të cilën u fokusua vizita e Partisë së Fortë në Suharekë.

Në ekspozitën e gjedheve ku nga juria profesionale u përzgjodhën tri lopët më të mira të rajonit të Suharekës, nga Partia e Fortë u potencua rëndësia e qumështit dhe prodhimeve të qumështit, si pjesa më e fortë e perspektives ekonomike të Republikës së Kosovës.

“Me shumë kompetencë e them që lopët janë ardhmëria e vendit tonë, pasi që ne kemi traditë të theksuar në prodhimin dhe përpunimin e produkteve të qumështit, dhe domosdëshmërisht duhet ta materializojmë këtë përparësi në dobi të zhvillimit ekonomik”, ka pohuar kryetari lexhendar Visar Arifaj, i cili “pati nderin që të vë kurorën në kokën e lopës fituese në këtë garë”.

“Këto gara zhvillojnë tutje konkurencën në mes të lopëve gjë që ndikon detyrimisht edhe në kualitetin e produkteve. Besoj dhe shpresoj që edhe juria si tani, po ashtu edhe në të ardhmen, do të ketë qasje profesionale dhe të menduar mirë gjatë përzgjedhjes, pasi që në pyetje është ardhmëria socio-ekonomike e vendit”, ka përfunduar Arifaj.

Lideri i PDK-së,Hashim Thaçi,ka qëndëruar sot në Prizren. Ai bashkë me kandidatët e PDK-së nga Prizreni për deputet të Parlamentit të Kosovës ka pirë kafe në lagjen “Ortakoll” dhe “Kurillë”.

Ndërkaq, në shehsin “Shatërvan”,Thaçi ka gjetur kohë për të bërë “selfie “ me qytetarët e këtij qyteti.

” Ndjehet shumë i kënaqur që “Misioni i Ri” i PDK-së po gjenë mbështetje të gjërë nga shumica e qytetarëve të vendit”, tha Thaçi.

“Sot kam ardhur krejt spontanishtë në Prizren,i cili mbetet bastioni kryesor i partisë “.Gjatë kësaj vizite Kryeministri Thaçi dhe kandidatët për deputet para qytetarëve shpalosën platformën politike-zgjedhore të PDK-së, “Misioni i Ri” duke u përqendruar veçmas të zhvillimi ekonomik dhe Fondin e punësimit edhe përmes zhvillimit të turizmit duke joshur investime te huaja direket ngase qyteti i Prizrenit ka potenciale të mëdha turistike si në planin e trashëgimisë kulturorë ashtu edhe në bukurit natyrore.

Fondi për punësim synon të kontribuojë në rritjen ekonomike të Kosovës, krijimin e vendeve të reja të punës, përmirësimin e qasjes në financa me kushte të volitshme për sipërmarrësit e rijnë, ndërmarrjet e vogla dhe të mesme, si dhe korporata.

Pikërisht për këto qëllime 1.5 miliardë euro do të jepen për garantë për çdo biznes në Kosovë që dëshmon se do të krijojë vende pune. Poashtu Kryeministri Thaçi njoftoi sedo t’i krijojmë 200,000 vende të reja të punës me Fondin e Ri të Punësimit./PrizrenPress.com/

Kandidatët për deputetë nga radhët e Lëvizjes Vetëvendosje! në Prizren janë takuar me anëtarët e Shoqatës së Pensionistëve.

Në takim u bisedua rreth alternatives se Lëvizjes Vetëvendosje! për sistemin pensional, e cila do të garantonte pensione stabile dhe të mjaftueshme edhe për gjeneratat e ardhshme. Ndërkaq, pensionistët e përkrahën idenë e Lëvizjes Vetëvendosje!

Pas takimit me pensionistë kandidatët e VV-së në Prizren, Mytaher Haskuka dhe Nora Arapi-Krasniqi, kanë vizituar fabrikën “Nallbani” si dhe disa biznese të tjera të vogla.

Kandidati për deputetë nga Lëvizja Vetëvendosje!, Artan Arbashi, së bashku me aktivistë të tjerë sot bënë homazhe para varrezave të dëshmorëve me rastin e Epopesë së Pashtrikut.

Dhjetë persona janë përfshirë në një rrahje në Suharekë. Policia njofton se pesë nga të dyshuarit kanë pësuar lëndime trupore dhe janë dërguar për trajtim mjekësor.

“Janë arrestuar dhjete të dyshuar, pasi që të njëjtit janë rrahur mes veti”,

“Gjatë rrahjes të dyshuarit kanë ekspozuar dhe armë zjarri”.

“Gjatë kontrollit në shtëpitë dhe veturat e të dyshuarve janë gjetur dhe konfiskuar: një pistoletë ‘Zastava’ me një fishek, dy brisqe, një boks hekuri dhe një armë jo funksionale, e cila dyshohet të jetë përdorur si mjet kërcënimi në rast”

“Pesë nga të dyshuarit sipasojë e rrahjes kanë pësuar lëndime trupore dhe te njëjtëve u është ofruar tretmani mjekësorë”.

“Me urdhër të prokurorit të dyshuarit janë liruar në procedurë të rregullt”/PrizrenPress.com

Nënkryetari i Partisë Demokratike të Kosovës (PDK), Enver Hoxhaj, ka vlerësuar se kjo parti dallon shumë nga subjektet e tjera politike në këto zgjedhje. Hoxhaj në një bisedë për “Epokën e re” ka thënë se në aspektin programor PDK-ja është disa hapa para rivalëve të tjerë politikë. Ai ka bërë me dije se “Misioni i Ri” është platforma më e mirë politike për qytetarët e Kosovës.
Duke komentuar tri ditët e para të fushatës elektorale, Hoxhaj ka thënë se pikënisja e programit të kësaj partie është ekonomia. “Në rrafshin programor PDK-ja është disa hapa para partive të tjera politike, meqë kemi platformën më të mirë e cila synon ta adresojë sfidën kryesore që ka vendi dhe kjo sfidë është zhvillimi ekonomik. Prandaj, pikënisja jonë është se nga ekonomia fillon adresimi i të gjitha problemeve të tjera. Pra, fokusi ynë kryesor gjatë mandatit të ardhshëm do të jetë zhvillimi ekonomik i vendit”, ka thënë Hoxhaj. Sipas tij, pikë tjetër e fortë që dallon PDK-në nga subjektet e tjera politike është lideri i saj, Hashim Thaçi. “PDK-ja në kuptim organizativ dhe operativ është jashtëzakonisht aktive dhe funksionale, meqë e kemi një lidership të fuqishëm në krye me kryetarin dhe kryeministrin Thaçi në mënyrën më aktive të angazhuar në fushatë, i cili po ua prezanton elektoratit dhe qytetarëve të Kosovës ‘Misionin e Ri’, por edhe punët që i kemi bërë gjatë dy mandateve”, është shprehur ai.

Më tutje, Hoxhaj ka shtuar se ende ka shumë arsye që qytetari i Kosovës ta votojë PDK-në, duke shtuar se nëse dikush më herët u ka besuar premtimeve të kësaj partie, tash duhet t’u besojë punëve të mëdha që kjo parti ka bërë gjatë këtyre shtatë vjetëve të qeverisjes. “Nëse dikush në vitin 2007 u ka besuar premtimeve tona, në vitin 2014 duhet t’i besojë punës sonë. Ka një pritje të madhe prej qytetarëve në Kosovë, që PDK-në e shohin si shpresë të vetme, e cila mund ta adresojë gjatë mandati të ardhshëm zhvillimin ekonomik nëpërmjet krijimit të vendeve të reja të punës, të cilat do ta ndryshojnë jetën e çdo familje”, është shprehur Hoxhaj.

Nënkryetari i PDK-së, Enver Hoxhaj, ka bërë me dije se oferta e PDK-së për këto tri ditë të fushatës zgjedhore është duke u pritur mjaft mirë nga qytetarët anembanë Kosovës. Madje, sipas tij, këtë ofertë janë duke e përfaqësuar edhe shumë qytetarë të cilët më herët nuk kanë qenë votues të PDK-së. “Ka një numër të madh të qytetarëve të cilët në zgjedhjet e mëparshme nuk kanë votuar për PDK-në, ndërsa tash në këto zgjedhje e mbështesin PDK-në. Te këta qytetarë ‘Misioni i Ri’ gjen përkrahje shumë të madhe, meqë e shohin PDK-në si parti e vetme, që nëpërmjet besimit që ka nga qytetarët, nëpërmjet përgatitjes profesionale të njerëzve të PDK-së, vërtet ta mund adresojë sfidën ekonomike të vendit”, është shprehur Hoxhaj.

Ai vlerësuar se PDK-ja dallon nga subjektet e tjera politike edhe për nga shtrirja gjeografike në gjithë territorin e Kosovës, por edhe nga qartësia në vizion për vendin. “Po shihet nga reagimi tek qytetarët se jemi në baza ditore në terren, por në të njëjtën kohë PDK-ja ka gjeografi nacionale dhe një strukturë të organizimit si parti e cila nuk krahasohet me asnjë parti tjetër. Mbi të gjitha, ka edhe një vizion më të qartë se çdo parti tjetër, vizion ky i cili është pasqyruar në platformën tonë dhe në misionin tonë të ri”, ka deklaruar Hoxhaj.

Shtabi zgjedhor i Degës së PDK-së në Prizren, bashkë me nënkryetarin Enver Hoxhaj, kryetarit të Degës së PDK-së në Prizren, Minir Krasniqi dhe Shefit të Shtabit Zgjedhor Hasan Hasani, sot gjatë ditës kanë mbajtur takim me kryetarët e nëndegëve.

Në këtë takim ëhstë është diskutuar lidhur me përgatitjet rreth zgjedhjeve nacionale të cilat do mbahen me datën 8 qershor 2014.

Nënkryetari i PDK-së, Enver Hoxhaj, para kryetarëve të nëndegëve, duke i falënderuar për mobilizimin që janë duke treguar në teren, tha se “misioni i parë ishte të bëjmë shtetin e Kosovës, atë e kemi premtuar e kemi realizuar, ndërsa misioni i dytë ishte ta ndërtonim një shtet të fortë, një shtet me kufij të njohur ndërkombëtarësh dhe sot Kosova është një shtet i njohur nga pothuajse çdo komb i madh”

” Ne sot jetojmë në një shtet krenar dhe të pavarur ku kemi ndërtuar, universitete, aeroportin, autostradën e kombit, shkolla, ura”

“Misioni i Ri është për zhvillimin e hovshëm ekonomik dhe krijim i vendeve të reja të punës andaj ne do të kujdesemi për shëndetësi me të mirë, kategorizim të pensioneve si dhe pjesëmarrje me të lartë në vendimmarrje në Qeveri dhe Parlament në hartimin e politikave”, tha Hoxhaj.

“Andaj, ju si struktura të PDK-së në teren duhet ta përqoni sa ma mirë dhe sa më drejtë këtë mesazh në çdo familje e çdo qytetar anë e këndë regjionit të Prizrenit”

Nga ana e kryetarëve të nëndegëve është raportuar për të gjitha aktivitetet që janë ndërmarrë nëpër nëndegë, dhe kanë raportuar para shtabit zgjedhor, ku është thënë se sipas analizës së bërë në teren vërehet vullnet dhe përkushtim i madh i strukturave në mbështetje të platformës politike të PDK-së dhe kryeministrit Hashim Thaçi./PrizrenPress.com/

Në 15 vjetorin e operacionit “Shigjeta” të UÇK-së në Gorozhup të Hasit është mbajtur një manifestim përkujtimor.

Pjesë e këtij organizimi ishin eprorë të lartë UÇK-së,invalid e veteran të luftës,familjarë të dëshmorëve dhe mysafirë të shumtë nga trojet mbarëshqiptare.
Lidhur me rëndësinë e operacionit “Shigjeta” foli ish komandanti i Shtabit të Përgjithshëm të UÇK-së,aktualisht ministër I FSK-së,Agim Çeku.

” Ushtarët e lirisë në këtë operacion treguan se sa e përgatitur ishte UÇK-ja që me forca të saj tokësoore të dëbojë nga trojet shekullore armikun barbar”, tha Çeku.
Për zhvillimet në kohën e “Epopesë së Gorozhupit” folën kolonel,Ruzhdi Saramati dhe gjeneral,Kudusi Lame.

Ata thanw se kontribut në këtë operacion për t’i dhënë goditjen përfundimtare forcave okupuese serbe,dhanë bijtë më të shtrenjtë të kombit nga të gjitha hapësirat mbarëshqiptare.Ndërkaq,në emër të luftëtarëve foli,Bekim Halili.“Duhet ta duam njëri-tjetrin më shumë”, tha ai./TVPZ/

Lideri i AAK’së Ramush Haradinaj ka thënë se partia e Hashim Thaçit tani është në një konfuzion total. Sipas tij largimi i Qeverisë Thaçi duhet të menaxhohet në mënyrë të kujdesshme.
Më poshtë mund ta lexoni postimin e Haradinajt në Facebook.

Veprimet e fundit të Kryeministrit në largim dhe Qeverisë së tij siç është abuzimi me kandidatët për deputetë, largimi me urdhër politik i gazetarëve që do të duhej të ishin të pavarur nga politika e veprimet tjera jo demokratike dhe jo parimore në kohë të zgjedhjeve janë shenja më e qartë e një konfuzioni total që e ka përfshirë PDK-në dhe udhëheqjen e saj.

Tani duhet të kemi kujdes që këtë tranzicion politik ta bëjmë sa më të butë dhe mundësisht të përshtatshëm për qytetarët e vendit.

Largimi i kësaj Qeverie duhet të menaxhohet në mënyrë të kujdesshme, në mënyrë transparente e demokratike. Jo siç është vepruar deri më tani me sjellje të regjimeve jo demokratike.

Ndryshimi i kësaj Qeverie duhet të përcillet edhe me ndryshimin e logjikës së keqe që është futur ne ekzekutiv dhe institucionet e pavaruara. Duhet të ndërpritet metastazimi i logjikës korruptive, nepotiste dhe klienteliste.

Asnjë nga profesionistët e vërtetë dhe punëtorët e ndershëm të administratës nuk duhet të trembet për vendin e vet të punës. Pavarësisht përkatësisë së tyre partiake askush nuk do të ndëshkohet. Këtë ua garantoj unë!

Në qeverisjen time, askush nuk do të largohet nga puna pse mendon politikisht ndryshe.