Para pak çastesh ka përfunduar takimi i liderëve me presidenten.
Pas takimit, liderët janë shprehur për zgjedhje të parakohshme, derisa nesër është paralajmëruar mbajtja e një seance të jashtëzakonshme ku pritet të hidhet në votim shpërbërja e Kuvendit.

Nuk dihet nëse Kuvendi do të shpërbehet nesër, pasi që duhen 80 vota të deputetëve.
Kryeministri Hashim Thaçi pas takimit tha se zgjedhjet duhet të mbahen më 8 qershor, derisa lideri i AAK-së, Ramush Haradinaj tha se kjo parti është për rrëzimin e Qeverisë, por do të mbështetë edhe forma tjera të shkuarjes në zgjedhje./indeksonline/

Kryeministri Hashim Thaçi, si dhe Kryetari i Lidhjes Demokratike të Kosovës, Isa Mustafa, si duket janë marrë vesh që t’i ndajnë postet e tyre, e pastaj ta shpërndajnë Kuvendin.

Sipas burime brenda Kuvendit të Kosovës, pas një takimi që ka pasur kryeministri Thaçi me liderin e LDK-së, Isa Mustafa janë marrë vesh që kryeministri aktual të shkoj President, ndërsa Isa Mustafa të merr postin e kryeministrit./Zëri/

Lideri i LDK-së, Isa Mustafa do të marrë pjesë sot tubim e  nëndegës “28 Nëntori” në Prizren. Zëdhënësi i LDK-së në Prizren, Nderim Gashi njoftoi se tubimi do të mbahet në Sh.F. “Abdyl Frasheri ”, duke filluar në ora 19.00.

“Ftoheni që më 06.05.2014 ( e marte ) të merrni pjesë në tubimin e Lidhjes Demokratike të Kosovës, nëndega “28 Nëntori” në Prizren. Tubimi do të mbahet në Sh.F “Abdyl Frasheri ”, duke filluar në ora 19.00. Takimin tone do e nderoje me pranin e tij Isa Mustafa”, njofton Gashi. /PrizrenPress.com/

Kuvendi i Komunës së Malishevës, të hënën, në vazhdimin e mbledhjes së katërt (të ndërprerë gjatë javës së kaluar), e cila dje zgjati deri në orët e mbrëmjes, ka marrë vendim për formimin e katër komiteteve jo obligative, Komitetin për arsim, kulturë, rini dhe sport, Komitetin për diasporë, Komitetin për shëndetësi, mirëqenies sociale, familjeve të dëshmorëve, invalidëve dhe veteranëve të luftë, si dhe personave me aftësi të kufizuara dhe Komitetin për mbrojtje të mjedisit, turizmit, planifikimit urban kadastër dhe monitorim të projekteve publike.

Në vazhdimin e kësaj seance, para anëtarëve të Kuvendit të Komunës, është paraqitur edhe raporti i punës së Drejtorisë Komunale për Arsim dhe Edukim, për vitin 2013-2014, ndërsa më pas KK mori vendim edhe për formimin e komisionit për emërtimin e rrugëve në Komunën e Malishevës.

Një çështje e ndjeshme në këtë mbledhje ishte edhe shqyrtimi i kërkesës së banorëve të fshatit Bellanicë, për çështjen e pronave, për të cilat banorët pretendojnë të jenë të tyre, të cilat janë privatizuar nga ish AKM-ja (tani AKP), ku pas shumë diskutimeve, Kuvendi i Komunës së Malishevës, u deklarua në mbështetje të kërkesave të banorëve të fshatit Bellanicë dhe fshatrave tjera, lidhur me çështjen e pronave tashmë të privatizuara.

Me kërkesën e anëtarëve të KK-së, në këtë mbledhje u debatua edhe për çështjen e ndërprejres së kujdestarisë në maternitetin e QKMF-së në Malishevë, ku sipas drejtorit komunal për shëndetësi, kujdestaria është ndërprerë për shumë arsye, por kryesorja është mungesa e gjinekologëve për punë në kujdestari dhe derisa të bëhet një zgjidhje për këtë çështje, kujdestaria do të vazhdoj të mbetet e ndërprerë, por anëtarët e Kuvendit të Komunës në Malishevë, kërkuan që shërbimi i kujdestarisë në maternitet të kthehet në 24 orë në ditë. /PrizrenPress.com/

Është mbajtur sot takimi i Këshillit Kombëtar për Integrime Evropiane në të cilin mori pjesë edhe komisionari për zgjerim i Bashkimit Evropian, Shtefan Fyle i cili tha se pret zgjedhje të drejta dhe demokratike.

Ai gjithashtu ka vlerësuar si të suksesshëm përmbylljen e negociatave për MSA.

Ndërkaq duke përshëndetur përmbylljen e bisedimeve për Marrëveshjen e Stabilizim-Asociimit në mes të Komisionit Evropian dhe Kosovës, kryeparlamentari i vendit Jakup Krasniqi, bëri një rezyme të punës së Kuvendit në kuadër të angazhimeve për agjendën evropiane për Kosovën, përkatësisht përmbushjen e kërkesave të dala nga Raporti i Progresit.

Kryetari Krasniqi bëri të ditur se Kuvendi ka miratuar një numër dokumentesh strategjike për të përkrahur zbatimin e synimeve dhe objektivave politike drejt integrimeve evropiane, si dhe ligje të dala nga rekomandimet e Raportit të Progresit.

Në vazhdim, kreu i Kuvendit evidentoi ligjet me prioritet, të miratuara nga legjislativi i vendit, që lidhen me Marrëveshjen e Stabilizim-Asociimit dhe përmbushjen e kritereve që dalin nga procesi i liberalizimit të vizave.
Kryetari Krasniqi foli edhe për ngecjen e reformës zgjedhore dhe potencoi ligjet të cilat ende gjenden në fazën e shqyrtimit në komisionet përkatëse.

Asambleisti i Vetëvendosjes në Prizren, Artan Abrashi, nuk është habitur me deklarimin e drejtorit të Urbanizmit, Nijazi Kryeziut, për deklarimin që ka bërë se nuk ka njohuri për Urbanizmin.

“Nijazi Kryeziu me fjalët e veta vetëm ka konfirmuar atë që ne e kemi thënë në vazhdimësi se qeverisja e Ramadan Mujës është qeveri e intersave dhe klaneve të caktuara të PDK-së dhe jo e interesit qytetar”, ka thënë Abrashi për Koha Ditore.

“Ndoshta nuk është e domosdoshme që emërimi në një funksion politik të jetë i profilizuar thellësisht, psh.në Drejtorin e Kulturës, por Urbanizmit duke pasur parasysh gjendjen në Prizren të vendoset një person që e pranon se nuk ka asnjë njohuri elementare tregon se parregullsitë do të vazhdojnë edhe gjatë mandati apo kohe që i ka mbetur kësaj qeverie dhe se problemet nuk do të zgjidhen”, ka thënë Abrashi. /PrizrenPress.com/