Kandidati i PDK-së për kryetar të Komunës së Prizrenit, Ramadan Muja, është takuar me banorët e fshatrave të Përdrinisë. “Në të ardhmen do të investohet edhe më shumë në këto fshatra”.

Ai premtoi se vitin e ardhshëm do të nisë ndërtimi i shkollës së re në fshatin Piranë, si dhe do të përfundojë infrastruktura mbitokësore dhe asaj nëntokësore.

Muja ka shpalosur edhe një pjesë të programit zgjedhor, e në veçanti për pjesën që ka të bëjë me bujqësi. ”Fshati Piranë dhe fshatrat përreth janë hambari i Kosovës për prodhimet bujqësore”, tha Muja.

Kurse, ministri i Punëve të Jashtme të Kosovës, Enver Hoxhaj, ka theksuar se vizioni i PDK-së dhe i Ramadan Mujës në të ardhëm do të jetë një bashkëqeverisje e Komunës me qytetarë. “Kryetari do të jetë udhëheq i kërkesave dhe i realizimeve të projekteve që do t’i shtroni ju për nevojat e zhvillimit më të hovshëm ekonomik të vendit”, tha Hoxhaj.

Nërkaq, në emër të kandidatëve për Kuvend të Prizrenit nga fshatrat e Përdrinisë ka folur Tasim Bajrami, ka thënë se me ardhjen në pushtet të PDK-së fshatrave të harruara të Përdinisë i është ndryshuar pamja, i është kthyer krenaria.

“Këtë herë kemi edhe më shumë arsye që të votojmë për PDK-në dhe për numrin 99 sepse vetëm PDK-ja është partia që interesohet dhe punon për interesat e të gjithë qytetarëve”, tha Bajrami./PrizrenPress.com/

Lideri i PDK-së, Hashim Thaçi, ka kërkuar mbrëm vota për kandidatin e Prizrenit, Ramadan Muja, në Romajë të Has. Ai tha se PDK-ja vazhdimisht ka qenë e intersuar që Hasit, t’ia kthejë dinjitetin e nëpërkëmbur nga e kaluara. “Prania e juaj kaq madhështore më gëzon se ju më në fund jeni përcaktuar për PDK-në,  edhe pse na keni dashur edhe më parë,  por nuk na keni votuar, ndërsa sot prania juaj është dëshmi se do ta votoni numrin 99 dhe prof. dr. Ramadan Muja, i cili ka bërë shumë për ju, por do të bëjë edhe më shumë”, tha Thaçi.

Ai tha se Hasi me rastin e emërimit të dy komunave në Rogovë dhe në Gjonaj, po dëshmon interesimin tonë që këtij vendi që në luftë ka qenë çdo shtëpi Shtab i UÇK-së t’i kthehet dinjiteti.

“Besoj se nuk do t’i votoni ato partia që nuk ua dhënë votën që këtë vit të bëheni me komuna dhe të votoni për komunat tuaja. Ne do të investojmë edhe më shumë dhe të gjitha premtimet e prof. dr. Ramadan Mujës do të përkrahen fuqimisht nga unë”, tha Thaç.

Lideri i PDK-së ,Hashim Thaçi mbrëm ka qëndruar në Has së bashku me Hajredin Kuçin, Enver Hoxhajn, Ramë Bujën, dhe deputetin e Parlamentit të Kosovës, Nait Hasani. Ata kanë kërkuar nga hasjanët që me 3 nëntor të votojnë PDK-në dhe ramadan Mujën për kryetar të Prizrenit.

Kandidati për kryetar të Komunës së Prizrenit, Ramadan Muja, ndërkaq ka shpalosur programin zgjedhor të PDK-së. Ai është ndalur të projektet e Komunës për Hasin. Muja tha se deri më tash kemi investuar aq sa na janë dhënë mundësitë.

“Ndërsa në të ardhmen do të angazhohemi për një zhvillim më të hovshëm të bujqësisë, për hapjen e një shkolle profesionale si dhe do të përfundojnë të gjitha rrugicat që kanë nisë të shtrohen në kubëza”.

Kandidati për Kuvendin e Prizrenit nga fshati Romajë Gëzim Duraj, tha se ky fshat me ardhjen në pushtet të PDK-së ka përjetuar ndryshime të mëdha.

“Vota e juaj për PDK-në nuk është thjeshtë votë vetëm për PDK-në, por është votë edhe për ardhmërinë e Hasit, prandaj kërkoj që të votoni numrin 99”./PrizrenPress.com/

Nëndega e PDK-së në lagjen “Arbanë” në kuadër të fushatës zgjedhore ka mbajtur tubim me banorët e komunitetit rom

Pjesëmarrës në këtë takim ishin kryetari i Nëndegës Sali Bllaca, anëtarët e kryesisë Hysni Hoxha, Haki Gajraku si dhe kandidatët për Kuvend Komunal Halil Thaçi dhe Xhyla Bytyçi.Para këtyre qytetarëve u prezantuan projektet e realizuara gjatë dy mandateve qeverisëse dhe prezantimi i projekteve për mandatin e ardhëshem.

Hysni Hoxha tha se përkrahja që po bëhet ndaj këtyre qytetarëve dhe angazhimin në të ardhmen në mbështetje të interesave të këtij komuniteti.

Përkrahja nga ky komunitet është jashtëzakonisht e madhe për Partin Demokratike të Kosovës e veçanërisht për kryetarin, Ramadan Muja. Takimi u përmbyll me shpërndarjen e njëzet libreza për anëtarët e ri të aderuar në Partinë Demokratike të Kosovës./PrizrenPress.com/

Kandidati i PDK-së ,Ramadan Muja, është takuar me përfaqësuesit e Shoqatës së Bjeshkatarëve, Gjuetarëve, Peshkatarëve, Pensionistëve, Sindorom Dën dhe me Shoqatën me Aftësi të Kufizuar në Prizren. Muja, vlerësoi lartë kontributin profesional dhe publik të këtyre këto shoqata që funksionojnë në kuadër të OJQ-ve.

“Gjatë gjashtë viteve kemi pasur një bashkëpunim të mirë. Ky bashkëpunim i qëndrueshëm dhe funksional në dobi të qytetarëve të komunës sonë do të vazhdojë edhe gjatë mandatit të ardhshëm që PDK-ë do t’i fitojë bindshëm zgjedhjet e tre nëntorit, ngase është alternative e vetme partiake dhe politike për të përfaqësuar interes e qytetarëve”.

Përfaqësuesit e këtyre shoqatave shprehen falënderimet e tyre për përkujdesjen e treguar nga lidershqipi i PDK-së në Prizren dhe vlerësuan lartë kandidimin e kryetarit Muja edhe për një mandat qeverisës në Prizren.
Nënkryetari i PDK-së, Enver Hoxhaj, në këtë takim përshëndeti punën e OJQ-ve të Prizrenit dhe njëherësh kërkoi nga OJQ-të, që pa asnjë hezitim të dalin në zgjedhje më 3 nëntor dhe të votojnë Partinë Demokratike të Kosovës dhe kandidatin për kryetar të Komunës së Prizrenit Ramadan Mujën./PrizrenPress.com/

Partia Konservatore e Kosovës, në kuadër të aktiviteteve të saja parazgjedhore, ka takuar banorët e lagjes “Dardania”.

Në praninë e një numri të madh qytetarësh, kryetari i partisë, Munir Basha, fillimisht ka përshëndetur të pranishmit duke u shprehur i nderuar me interesimin e lartë të pjesëmarrësve në takim dhe kjo tregon seriozitetin e qytetarëve se janë ngopur me situatën aktuale të pa shpresë dhe siguroi që rruga e vetme e zgjidhjes së problemeve dhe e ndryshimeve është Partia Konservatore e Kosovës.

Basha tha se bashkëpunimi me qytetarët, problemet dhe kërkesat e tyre, do të jenë preokupim i tyre, dhe se kjo është forma e cila do të duhej të ndiqej edhe nga pushtetet e deritanishme, mirëpo premtoi se me Partinë Konservatore vërtet do të jetë ndryshe.

Ai para banorëve të lagjes “Dardania” gjithashtu theksoi se komunës deri më tani nuk i ka munguar buxheti për ta ndërtuar parkun, infrastrukturën, transportin publik e të tjerat, por qeverisjes komunale i ka munguar vullneti, vendosmëria dhe vizioni për të shërbyer qytetarëve dhe komunës në përgjithësi.

Nga ana tjetër edhe kandidati për kryetar nga PK, Beni Kizolli e ka nisur bisedën duke u përqendruar në problemet e lagjeve të cilat janë të përafërta me njëra tjetrën, dhe ndër to ka përmendur mungesën e furnizimit të rregullt me ujë, mungesën e çerdheve për fëmijë nëpër lagje, mangësitë në shkollim cilësor, mungesën e hapësirave rekreative e sportive, si dhe shumë probleme të tjera për të cilat premton se kanë plane konkrete për ti futur në binare.
“Këto probleme do të zgjidhem me themelimin e këshillave të lagjeve të cilat do të merren me kërkesat e banorëve dhe do t`i shqyrtojnë pranë drejtorive përkatëse duke ofruar zgjidhjet më të volitshme”

Kizolli, para banorëve të lagjes “Dardania” më tutje u kundërpërgjigj për një deklaratë e cila ishte bërë në adresë të tij duke e quajtur atë si adoleshent, “Përderisa sonte jemi në shkollën fillore ‘Nazim Kokollari Budakova’, në shkollën e dëshmorit i cili e sakrifikoi jetën për atdheun tonë në moshën rinore 25 vjeçare, sot kundër kandidatët e imi për kryetar të Prizrenit mua dhe kolegët e mi të rinj i quajnë adoleshent. Për ata që më quajnë adoleshent them se unë i kam 30 vjet, në mesin e të cilëve kam 24 vjet shkollim, jam i martuar dhe kam një fëmijë. Rinia e Kosovës përbën 65%’shin e popullsisë dhe kjo tregon trajtimin tuaj ndaj rinisë. Ndërsa Partia Konservatore e Kosovës trajton të gjithë si të barabartë duke mos bërë dallime në moshë apo gjini”, përfundoi Kizolli.

Në këtë tubim foli edhe kandidatja për kuvend të Prizrenit Nora Murataj e cila tha se gjatë mandatit të saj, si kuvendare në asamblenë komunale ka qenë zëri i qytetit dhe i lagjes së saj. “Iniciativat dhe propozimet tona kanë qenë gjithnjë për përmirësimin e jetës së qytetarëve, me këtë rast mund të veçojë iniciativën time dhe të partisë sonë për ndërtimin e sallës sportive në shkollën fillore “Nazim Kokollari Budakova”. Ndryshe në tubim u prezantuan edhe kandidatët e tjerë nga lagjja Dardania si: Faik Bamja dhe Ferda Salla Baxhaku./PrizrenPress.com/