33.8 C
Prizren
E mërkurë, 19 Qershor, 2024

Limaj: Malisheva ka vendosur për ndryshim

Limaj ne malishevDeputeti i Kuvendit të Kosovës, Fatmir Limaj, u ka bërë thirrje qytetarëve të Malishevës që më 3 nëntor të votojnë për Iniciativën Qytetare për Malishevën, kandidatin për kryetar, Ragip Begaj.Limaj bashkë me kryetarin e Kuvendit të Kosovës, Jakup Krasniqi, kanë marrë pjesë në tubimin përmbyllës të Iniciativës Qytetare për Malishevë.Limaj, para mijëra simpatizantëve në fjalimin e tij, fillimisht ka falënderuar Malishevën, për siç tha ai, vendimin për ndryshim të qeverisjes.

“Kosovë, siç po e sheh Malisheva ka vendosur, për ndryshimin e madh. Kosovë, ne sot si bujk, si punëtor, si studentë, si intelektual si qytetarë të Malishevës, të gjithë jemi bashkuar, kemi vendosur për ta ndryshuar qeverisjen e Malishevës. Kosovë, siç po e sheh Malisheva me prezencën e saj fizike, burra të vjetër, gra, vajza e djem dhe gjithë Malisheva sot, ka votuar numrin 109, Iniciativën Qytetare për Malishevën. Prandaj, ne ftojmë vëzhgues vendorë e ndërkombëtar, që të jenë afër kësaj feste në Malishevë, ftojmë subjektet që të respektojnë vullnetin e qytetarëve të Malishevës”, ka thënë Limaj.

Kurse, kryetari i Kuvendi të Kosovës, Jakup Krasniqi, ka thënë se e përkrahë këtë iniciativë, sepse siç tha ai, në jetën e tij, gjithmonë ka mbështetur iniciativat e qytetarëve. Ai tha se ka ardhur për të mbështetur Limajn, i cili sipas tij, mori heshtjen e miqve, kur kishte nevojë.

Ragip Begaj, kandidat i kësaj iniciative për kryetar të Komunës së Malishevës ka thënë se po vjen ndryshimi, pasi qytetarët e Malishevës kanë vendosur kështu. “Era e ndryshimit po vjen, Iniciativa Qytetare e Malishevës lindi si rrjedhojë e pakënaqësisë suaj, si rrjedhojë e kërkesës suaj, kjo iniciativë u formua nga qindra intelektualë të komunës sonë, u formua nga ju dhe kjo tashmë është rikthyer në lëvizje për ndryshim dhe kthim të shpresës për qytetarët e Malishevës, ka thënë Begaj.

Më Shumë

Policia shqipton mbi 1 mijë e 800 gjoba në trafik brenda 24 orëve

Policia e Kosovës ka njoftuar se gjatë 24 orëve të fundit ka shqiptuar 1802 gjoba në trafik. Sipas policisë, gjatë kësaj periudhe kohore janë evidentuar...

Në Banjë të Malishevës hapet aeroporti civil

Sot ishte më shumë se një ngjarje e zakonshme, për institucionet lokale të Komunës së Malishevës dhe qytetarët e sajë e më gjerë në...

Lajmet e Fundit