Kryetari i Malishevës, Isni Kilaj, ka pritur sot në zyrën e tij, përfaqësuesit e “Caritas”-it zviceran, për Kosovë, me të cilët ka nënshkruar një marrëveshje për edukimin parashkollorë në Komunën e Malishevës, përmes së cilës, do të përfitojnë katër klasa në katër shkolla të ndryshme, pajisje dhe trajnime për arsimin parashkollorë, përderisa projekti do të vazhdoj edhe në vitet në vazhdim.

Me këtë rast, kryetari Kilaj, i ka falënderuar përfaqësuesit e “Caritas”-it zviceran, për mbështetjen e vazhdueshme, që kanë dhënë për popullin e Kosovës, që nga paslufta në fushën e rindërtimit, e deri më sot, në gjitha fushat, duke e cilësuar si një prej organizatave që më së shumti ka ndihmuar në Malishevë.

“Në mënyrë të veçantë, ju falënderoj për këtë projekt, pasi konsideroj se ata që na ndihmojnë në fushën e arsimit dhe edukimit, vërtetë na donë të mirën, prandaj ju falënderoj për këtë ndihmë. Malisheva ka investuar shumë në fushën arsimit, por ende nuk kemi mundur të krijojmë të gjitha kushtet, siç janë kabinetet, ose në këtë rast, klasat e parashkollorëve, me pajisje për punë adekuate”, tha mes tjerash Kilaj. /PrizrenPress.com/

Boston, 23 shtator – Presidenti i Republikës, Bujar Nishani dekoroi Katedralen Ortodokse Shqiptare të Shën Gjergjit në Boston, SHBA, me dekoratën “Gjergj Kastrioti Skënderbeu”.

Dekorata që kreu i shtetit ia dorëzoi At Artur Liolinit, jepet me motivacionin “Vatër e rëndësishme historike e ruajtjes së trashëgimisë dhe traditës kombëtare shqiptare. Luftëtare konsekuente për Pavarësinë e Republikës së Shqipërisë dhe Republikës së Kosovës, për ruajtjen dhe konsolidimin e sovranitetit të tyre dhe rritjes së profilit të shqiptarëve në Shtetet e Bashkuara të Amerikës”, bën të ditur abcnews.

Në fjalën përshëndetëse me këtë rast, Presidenti Nishani u shpreh se historia shqiptare e qindvjeçarit të fundit është e lidhur ngushtë me diasporën shqiptare në SHBA, që nga ana e saj nuk mund të kuptohet pa Katedralen Ortodokse Shqiptare të Shën Gjergjit, në Boston, e cila që prej themelimit nga Kryepeshkopi, patrioti i shquar dhe mendimtari i madh Fan Noli, në mars të vitit 1908, deri më sot, nën drejtimin e At Artur Liolinit, ka qenë mbështetëse e rëndësishme për çështjen shqiptare dhe e pranishme në momentet kulmore të saj.

Katedralja e Shën Gjergjit është shndërruar, tashmë, jo vetëm në një nga institucionet më të rëndësishme, por gjithashtu në një pikë referimi institucional për shqiptarët në Shtetet e Bashkuara të Amerikës. Ajo është shtëpia me dyer e zemër të hapur për të gjithë bashkatdhetarët tanë, qofshin ata ortodoksë, myslimanë, apo katolikë, një strehë e ngrohtë mikpritëse dhe një simbol i bashkëjetesës fetare dhe unitetit kombëtar.

Presidenti Nishani u shpreh se At Artur Liolini, me atdhedashurinë dhe drejtimin e urtë, ka dhënë një ndihmesë të shquar dhe përbën një vlerë të çmuar për këtë institucion dhe më gjerë, duke theksuar ndërkohë se shqiptarët i detyrohen mirënjohje dhe respekt kujtdo që ka bërë diçka të vyer për kombin.

Në ceremoninë e dekorimit morën pjesë qindra bashkatdhetarë që jetojnë në SHBA.

Më herët, Presidenti Nishani kreu homazhe dhe vendosi kurora me lule në vendprehjen e Fan Nolit dhe Faik Konicës, në varrezat e Forest Hills, Boston.

Seriali “Breaking Bad” e ka fituar çmimin kryesor gjatë ndarjes së çmimeve Emmy, pasi e ka fituar titullin si seriali më i mirë të zhanrit dramë, për herë të parë.

Çmimin për komedinë më të mirë e ka fituar seriali i televizionit ABC, “Modern Family”, në të cilin bëhet fjalë për një familje të shthurur. Është hera e katërt radhazi që “Modern Family” e fiton çmimin si komedia më e mirë.

Çmimet kryesore të industrisë televizive kanë nderuar disa prej serialeve të vjetra por edhe disa të reja, derisa po diskutohet për transformimin e ofertave të prodhimeve të sotme në televizion që çdo herë e më shumë po bëhen përmes internetit.

“House of Cards”, seriali i faqës së internetit, Netflix e ka fituar çmimin për regjinë më të mirë, por ka dështuar që të sigurojë çmimet për dramën më të mirë dhe në kategorinë e aktorëve më të mirë.

Jeff Daniels, e ka fituar çmimin për aktorin më të mirë në serialet e zhanrit dramë, për rolin në “The Newsroom”, ndërsa Claire Danes, për të dytin vit me radhë, e ka fituar çmimin e aktores më të mirë për rolin në “Homeland”, në të njejtën zhanër të serialeve.

Gjatë ceremonisë së çmimeve Emmy, fitoi edhe Michael Douglas në kategorinë e miniserive/filmave për rolin në filmin “Liberace – Behind te Candelabra”.

Aktori më i mirë në zhanrin komedi u shpallë, Jim Parsons për rolin në serialin e sukseshëm, “The Big Bang Theory”, ndërsa Julia Louis-Dreyfus e fitoi çmimin si aktorja më e mirë në të njejtin zhanër, për rolin në serialin “Veep”.