16.8 C
Prizren
E mërkurë, 5 Tetor, 2022

Kilaj uron nxënësit e Dragobilit për meremetimin e shkollës

IMG_9863Kryetari i Komunës së Malishevës,Isni Kilaj, ka vizituar sot, në orën e parë të mësimit, SHMU “Emin Duraku” në Dragobil, me rastin e fillimit të procesit mësimor, pasi deri më sot, shkolla, ishte në meremetim e sipër. Me këtë rast kryetari Kilaj, i ka uruar nxënësit me rastin e fillimit të procesit mësimor dhe ju ka dëshiruar suksese në mësime dhe në aktivitete tjera. Kryetari Kilaj, është pritur nga drejtori i shkollës, Zyber Paçarizi dhe mësimdhënësit e kësaj shkolle, dhe është njoftuar me meremetimin e objektit të shkollës, si dhe ka vizituar të gjitha ambientet e shkollës, dhe është njoftuar me nxënësit, të cilët sot kanë filluar mësimin dhe i kanë marrë librat, të cilat sigurohen nga Ministria e Arsimit Shkencës dhe Teknologjisë.

SHMU “Emin Duraku” në Dregobil, ka filluar procesin mësimor me tri javë vonesë, për shkak të meremetimit komplet të shkollës, në një projekt të financuar nga Komisioni Evropian, ndërsa projektin e kishin fituar vet nxënësit në konkurset e organizuara nga zyra e Komisionit Evropian në Kosovë. Po ashtu, një pjesë të investimit, e ka bërë edhe Komuna e Malishevës./PrizrenPress.com/

Më Shumë

Lajmet e Fundit