Një aksident ka ndodhur në dalje të autostradës Ibrahim Rugova.
Lexuesit kanë dërguar pamje nga vendi i ngjarjes, ku shihet se një veturë është aksidentuar dhe si pasojë janë shkaktuar dëmtime materiale.
Sipas pamjeve, në vendin e ngjarjes kanë dal njësiti policor.
Nacionale ka kontaktuar me Policinë e Kosovës për të marrë informacione në lidhje me aksidentin, dhe jemi në pritje për të marrë përgjigje./Nacional.com
Edhe sot janë përfshirë nga flakët pishat në Përvallë.
Indeksonline ka siguruar pamje nga vendi i ngjarjes.
Ky zjarr ishte shuar para disa ditëve, por që vërehet që është rindezur përsëri.
Ende nuk janë bërë të ditur shkaqet që kanë shkaktuar zjarrin.
Më poshtë mund të shihni pamjet.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Një person është arrestuar në Prizren pasi që gjatë kontrollit në veturën e tij është gjetur drogë, brisk, e para.
Policia bën me dije përmes raportit se nga i dyshuari janë konfiskuar: 4.3 gram substancë e dyshuar narkotike e llojit Marihuanë, 0.89 gram Kokainë, 1.12 gram Hashash, 270€ para kesh, një brisk, një telefon dhe automjeti, ndërsa gjatë kontrollit në shtëpinë e tij në punëtori i janë gjetur dhe konfiskuar: një peshore digjitale, një grinder, 4.72 gram Marihuanë, 1.31 gr Kokainë, një pistoletë dhe një gëzhojë.
Me vendim të prokurorit, i dyshuari është dërguar në mbajtje.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Policia e Kosovës njofton se për 24 orë, ka shqiptuar 2496 gjoba në trafik.
Sipas policisë, gjatë 24 orëve të fundit janë evidentuar disa aksidente në trafikun rrugor, 21 aksidente kanë qenë me lëndime, ndërsa 97 me dëme materiale.
Policia njofton se janë arrestuar 23 persona, ndërkaq 18 të tjerë janë dërguar në mbajtje.
Përfaqësues të organizatave që përfaqësojnë bizneset dhe zejtarët në Prizren i janë bashkuar thirrjes së kryetarit të Komunës së Prizrenit për korrektësi në çmimet e hotelierisë dhe në shërbimet tjera në raport me vizitorët dhe turistët gjatë sezonit veror.
Sipas tyre, Prizreni duhet ta ruaj namin që gëzon në mikpritje dhe ofrim të shërbimeve cilësore për çmime të arsyeshme, raporton Telegrafi.
Varis Xhejlani nga Shoqata “Esnaf” ka bërë thirrje për kujdes në këtë drejtim në mënyrë që të ruhet tradita e kamotshme e esnafëve të qytetit të vjetër.
“Ftoj të gjithë ndërmarrësit që konform kodit të mirësjelljes, kulturës dhe traditës së esnafëve të qytetit, ti kushtojnë kujdes të shtuar rregullave të mirësjelljes dhe të mos jenë akterë të veprimeve që seriozisht dëmtojnë imazhin dhe prestigjin e Prizrenit”, ka thënë Xhejlani.
Ilir Shala që përfaqëson komunitetin e gastronomëve në Prizren ka kërkuar që çmimet të jenë konform shërbimeve që ofrohen.
“Ftojmë kolegët tanë gastronomë si dhe bizneset që veprojnë në zonën historike, si parkingjet, hotelet, etj ti përmbahen cmimeve konform shërbimeve që ofrojnë, si dhe traditës shume vjecare në kulturën e të shërbyerit me korrektësi”, është shprehur Shala, raporton Telegrafi.
Ndërsa Afrim Tejeci nga Oda e Prizrenit ka theksuar se fal traditës së ndërmarrësisë e zejtarisë Prizreni është ndër qytetet më të vizituara në Kosovë. “Prandaj s’duhet të lejohet që asnjë biznes apo individ ta prish imazhin e Prizrenit. Bashkë duhet ta ruajmë traditën e mikpritjes në Prizren”, ka thënë ai.
Kryetari i Komunës së Prizrenit, Shaqir Totaj ditë më parë ka pritur përfaqësuesit e organizatave të bizneseve që veprojnë në Komunën e Prizrenit, për të diskutuar lidhur me praktikat e ngritjes së çmimeve në hotelieri dhe në fushën e shërbimeve gjatë sezonit veror. Ai pat shprehur qëndrimin se loja me çmime nuk sjellë dobi afatgjata dhe se mund të ndikojë negativisht në përvojën e vizitorëve dhe në imazhin e qytetit. /Telegrafi/
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Zlatan Ibrahimoviq, legjenda e Milanit, së fundmi ka folur për fenë, dhe zbuloi se nuk është besimtar.
Në një intervistë për “The Athletic”, ai tha se nuk i beson Zotit pasi “ai nuk ishte aty kur i vdiq vëllai” dhe se beson vetëm në respekt.
“Unë gjykoj veten. Unë nuk besoj në Zot. Kur vëllai im vdiq nga leukemia, ku ishte ai. Ti i lutesh atij çdo ditë, e falënderon çdo ditë, por ku është ai në momente të tilla. Në botën time unë jam Zoti im”, tha ai ndër të tjera, njofton Klankosova.tv.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Ballkani dhe Drita do të zbresin në fushë ditën e sotme për të zhvilluar ndeshjet evropiane.
Dy skuadrat kosovare janë në rrethin e tretë të Ligës së Konferencës dhe qëllimi është të shkojnë në ‘Play-Off’.
Të parët që do të zbresin në fushë janë futbollistët e Dritës, ku me fillim nga ora 17:00 do të takohen me Audan në Letoni.
Gjilanasit synojnë që të marrin një rezultat pozitiv nga përballja e parë në mënyrë që të bëjnë një hap para për të kaluar në ‘Play-Off’.
Ndërkohë Ballkani në ndeshjen e parë do të luaj para tifozëve vendas ku përballë do ta ketë skuadrën irlandeze Larne.
Kampioni në fuqi i Kosovës kërkon fitore në ndeshjen e parë në mënyrë që të jetë në përparësi para duelit të kthimit.
Sfida mes Ballkanit dhe Larnes zhvillohet me fillim nga ora 20:00 në stadiumin ‘Fadil Vokrri’ në Prishtinë. /Telegrafi/
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Sot në Kosovë pritet të mbajë mot me diell dhe vranësira.
Sipas Meteo Kosova, pasdite dhe mbrëmje mund të ketë rrebeshe shiu.
“Gjasa më shumë për të reshura do të jenë drejt Rrafshit të Dukagjinit, e sidomos në pjesën perëndimore.”
Njoftimi i plotë:
Për të enjten parashikohet të mbajë mot me diell dhe vranësira, ku pritet gjatë orëve të pasditës dhe mbrëmjes të ketë rrebeshe të izoluara, të shoqëruara me disa shkarkesa rrufesh. Gjasa më shumë për të reshura do të jenë drejt Rrafshit të Dukagjinit, e sidomos në pjesën perëndimore.
Era do fryjë kryesisht nga veriperëndimi, e cila kohë pas kohe pritet të jetë e fuqishme, me shpejtësi prej 10-45 km/h.
Temperaturat minimale do të lëvizin prej 13 deri në 17°C, ndërsa ato maksimale prej 31 deri në 34°C.
Kryeministri i Kosovës, Albin Kurti, mori pjesë në drekën e shtruar në kuadër të Festivalit të filmit të shkurtër dhe dokunentar “DokuFest”.
Aty u bë njoftimi mbi marrëveshjen për bashkëproduksion ndërmjet Kosovës dhe Francës për filmin dokumentar “Adelina” nga Aurela Berila.
“Kryeministri Kurti u shpreh i kënaqur që ky takim e rrjetëzim i ka bërë sot bashkë në Prizren, me pjesëmarrës në garat kombëtare dhe ballkanike, si dhe përfaqësues të industrisë së filmit nga rajoni, duke përfshirë programues, producentë dhe shpërndarës të festivaleve. Ai e vlerësoi lart rëndësinë kulturore që festivali DokuFest ka për vendin dhe veçoi bashkëpunimin e mirë ndërmjet Kosovës dhe Francës në fushën e kinematografisë, për çka falënderoi Ministrinë e Kulturës, Rinisë dhe Sportit, Qendrën Kinematografike të Kosovës dhe ambasadën franceze në Kosovë”, thuhet në njoftimin e Qeverisë së Kosovës.
Duke filluar nga ky vit, DokuFest do të jetë partner i platformës Euro Connection si korrespondent për Kosovën.
Kjo platformë është platforma kryesore në Festivalin Clermont-Ferrand për bashkëprodhimet e filmave të shkurtër.
“Nga ky vit, DokuFest do të organizojë thirrje për projekte nga Kosova që do të prezantohen në platformë, me synim nxitjen e partneriteteve për bashkëprodhime të filmave të shkurtër ndërmjet kompanive evropiane dhe ndërkombëtare të prodhimit”, thuhet në njoftim.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit
Skuadra që ra nga Superliga në stinorin e kaluar, Liria, ka bërë të ditur dje se ka mbyllur fazën përgatitore për edicionin e ri të garave. Liria, që ishte pjesë e Superligës në stinorin e kaluar dhe përfundoi në vend të fundit duke rënë direkt në Ligë të Parë përsëri, kësaj radhe tenton rikthimin e menjëhershëm në elitë.
Pasi që ndanë rrugët me Erdogan Brandon dhe siguruan shërbimet e Granit Begollit si trajner të ri të ekipit të parë, ekipi prizrenas kaloi fazën përgatitore në Strugë të Maqedonisë së Veriut, mes së cilash edhe barazuan në një miqësore me Voskla Sportin, 1-1, ku për bardhezinjtë shënoi përforcimi i ri i ekipit, futbollisti me përvojë Fiton Hajdari.
Pas fazës përgatitore në Strugë, Liria kthehet në Prizren ku do të bëhet gati përfundimisht për edicionin 2024/25 të Ligës së Parë – Grupi A. Ky do të jetë edhe edicioni i fundit garues me dy grupe në Ligën e Parë, ndërsa prej stinorit 2025/26 Liga e Parë do të jetë e bashkuar.
Përndryshe, Liria do t’ia nis stinorit më 17-18 gusht në “Përparim Thaçi” si vendas, ndërsa do të ketë punë me Trepçën shumë të konsoliduar në derbi të Grupit A të Ligës së Parë dhe ky duel pritet të tërheq mjaft simpatizantë edhe në publik.
Liria ka kryer një numër të madh të përforcimeve për këtë stinor, ndërsa ka siguruar shërbime testuese edhe të gjashtë të huajve, që vinë nga Afrika. Bashkë me bazën vendore të ekipit si dhe përforcimet me përvojë si Fiton Hajdari, Visar Berisha dhe të tjerë, do të synojnë së paku dy vendet e para në atë që është stinori i fundit i Ligave të Para të ndara. Prej edicionit 2025/26 Liga e Parë do të përbëhet nga 18 ekipe, e përbashkët, jo si deri tash, me Grupin A dhe B.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit