1 mijë e 604 gjoba trafiku janë shqiptuar në 24 orët e fundit në Kosovë.
Gjatë kësaj periudhe kanë ndodhur 12 aksidente me të lënduar dhe 12 më dëme materiale, përcjell Klankosova.tv.
Në 24 orët e fundit janë arrestuar 14 persona dhe nëntë janë dërguar në mbajtje.
Tetë persona janë lënduar këtë të dielë në qendrën e skijimit në Brezovicë.
Ekipet e Shoqatës së Kosovës për Kërkim deklarojnë se gjatë ditës së djeshme shumë qytetarë kanë pësuar lëndime gjatë skijimit si thyerje të gjymtyrëve, lëndime të gjurit dhe alkoolit të tepruar.
“Sot në qendrën e skijimit në Brezovicë ekipet tona ju kanë dalur në ndihmë qytetarëve të cilët kishin nevoj pas lëndimeve të pësuara gjatë skijimit si thyerje të gjymtyrëve, lëndime të gjurit dhe alkoolit të tepruar. Gjithësej sot kemi ndërhyrë në 6 raste me 8 të lënduar”, thuhet në njoftim.
Temperaturat do të lëvizin prej -2 deri në 4°C.
Era do të fryjë kryesisht nga veriu e cila kohë pas kohe pritet të jetë e fuqishme, me shpejtësi prej 20-40 km/h
Në varrezat e dëshmorëve në Landovicë, u varros sot mjeku i Spitalit të Prizrenit, Ahmet Goçaj.
Folësit e kanë vlerësuar kontributin e Goçajt në luftë dhe pasluftë për Kosovën.
Gjykata Themelore në Prizren, ua ka vazhduar edhe për dy muaj masën e paraburgimit Arlind Sylës dhe Irfan Hotit, të cilët dyshohen se shkaktuan aksidentin në garat automobilistike, ku humbën jetën N.B., M.D., dhe L.S.
Lajmin për “Betimi për Drejtësi” e ka bërë të ditur Gjykata Themelore e Prizrenit.
“…për shkak të dyshimit të bazuar se në bashkëkryerje kanë kryer veprën penale, rrezikimi i trafikut publik, nga neni 370, par. 5 (nëse vepra rezulton me vdekjen e një (1) apo më shumë personave), lidhur me par. 1 lidhur me nenin 31 të KP-së, ashtu që të pandehurve iu është vazhduar masa e paraburgimit në kohëzgjatje prej dy (2) muajsh (të pandehurit A.S., kjo masë mund ti zgjasë deri më datë 16.03.2024, të pandehurit I.H., kjo masë mund ti zgjasë deri më datë 17.03.2024)”, thuhet në përgjigjen e kësaj gjykate.
Sipas aktvendimit të kësaj Gjykatë, më 18 dhjetor 2023, të dyshuarve iu ishte caktuar masa e paraburgimit, e cila masë ishte caktuar deri më 16 janar 2024, ndaj të pandehurit A.S., kurse I.H., deri më 17 janar 2024.
Ky aktvendim i marrë nga gjykata vjen pasi Prokuroria Themelore në Prizren, më 10 janar 2024, ka paraqitur kërkesë dhe ka propozuar që të pandehurve të i ‘u vazhdohet masa e paraburgimit.
“Gjykata ka vlerësuar se vazhdimi i paraburgimit është i nevojshëm, pasi që hetimet janë në fazën fillestare, dhe vazhdimi i paraburgimit është i arsyeshëm me qëllim të sigurimit të të dyshuarve në procedurë hetimore, sepse me lënien e tyre në liri ekziston rreziku i arratisjes, me qëllim të shmangies nga përgjegjësia penale, si dhe gjatë fazës së mëtutjeshme hetimore, do të merren në pyetje dëshmitarët okular nga vendi i ngjarjes, dhe do të mblidhen edhe prova të tjera me qëllim të zbardhjes së kësaj çështje penale, andaj nëse ët pandehurit lihen në liri mund të ndikojnë në dëshmitarët eventual, me çka do të pengojnë rrjedhën normale të kësaj procedure penale”, thuhet me tej në njoftimin e Gjykatës së Prizrenit.
Ndryshe, aksidenti fatal kishte ndodhur më 16 dhjetor 2023 në autostradën “Ibrahim Rugova”.
Sipas dosjes së Prokurorisë të Publikuar nga “Betimi për Drejtësi” deri tek aksidenti ka ardhur pasi duke lëvizur paralelisht mes vete me shpejtësi të madhe, kur i pandehuri i dytë i afrohet me veturë të pandehurit të parë, ky i fundit e humb kontrollin mbi drejtimin e automjetit, kështu të dyshuarit shkaktojnë aksidentin ku goditen për vdekje tre viktimat. /BetimipërDrejtësi
Nën përkujdesjen e Kryetarit të Komunës së Malishevës, Ekrem Kastrati u mbajt organizimi i ceremonisë përkujtimore me rastin e katër vjetorit të rënies së heroit Sami Thaçi, veteran i luftës dhe ish zyrtar policor, i cili ra në krye të detyrës, në shërbim të vendit, ku morën pjesë në këtë përvjetor edhe struktuar nga Kuvendi Komunal,Kryesuesi, Argjend Thaçi, drejtorët, Arbëreshë Krasniqi, Blerim Thaçi, Sylë Dukolli, përfaqësues të policisë nga niveli qëndror, regjional e ai lokal, si dhe shoqatat e dala nga lufta e UÇK-së e shumë qytetarë, e ish luftëtarë të Samiut, miq e familjar.
Me intonimin e himnit kombëtar dhe ati shtetëror filloi edhe ceremonia e nderimit të jetës dhe veprës së Sami Thaçit, në përvjetorin e katër të rënies në krye të detyrës, në mbrojtje të ligjit dhe Kushtetutës së Republikës së Kosovës e cila garanton lirinë dhe jetën për të gjithë qytetarët e vendit.’
Kështu u shpreh në fjalën e rastit Kryetari i Komunës së Malishevës, Ekrem Kastrati dhe vazhdoi” Ju e nderuar familje e Sami Thaçi, sot dhe sa të jetë Kosova, ndihuni krenar për birin tuaj që përmbushi detyrat madhore dhe kombëtare për luftën çlirimitare të Kosovës që u rreshtua si i ri bashkë me shokë në Ushtrinë Çlirimtare të Kosovës si dhe pas lirisë së Kosovës, mori detyra në policinë e Kosovës, që do të thotë, vazhdoi sigurinë, lirinë, jetën dhe lëvizjen e qytetarëve, ku do në territorin e Republikës së Kosovës si dhe me përkushtim mbrojti ligjishmërinë dhe kushtetushmërinë e vendit, deri sa ra edhe në krye detyrës për këto qëllime dhe parime njerëzore e shtetërore për qytetarët e vet, përfundoi Kastrati.
Po në këtë ditë të rënies së heroit të Kosovës, Sami Thaçi, u përurua edhe vepra e autorës, Fatmire Berisha, me titull ‘ Heroi me dy Uniforma”, ku sipas recensentit, Pajazit Krasniqi e redaktorit, Hazir Luta, vepra përshkruan në plotni të bëmat e heroi me emrin Sami, që bërë çdo gjë në luftë e paqë vetëm e vetëm që, Kosova dhe qytetarët e sajë të janë të lirë kudo në vendin e tyre, ata u shprehen ‘Heroizmi i një luftëtari dhe një heroi në liri , janë gërshetuar e shkrirë në librin ‘Heroi me dy uniforma’,ku pasqyron jetën dhe veprën e një njeriu, i cili pothajse tërë jetën e tij e vuri në shërbim të atdheut’.
Në këtë ngjarje, folën edhe Reshat Murseli, Përfaqësues i Drejtorisë së Përgjithshme të Policisë së Kosovës, Metush Kryeziu, nga shoqatat e dala nga lufta e UÇK-së , familjar dhe në fund autorja , Fatmire Berisha, ku falënderoj gjithë ata që kontribuan, që vepra sot të jetë në duar të lexuesëve, kurse për të pranishmit, këngëtari, Fatmir Berisha këndoi këngën për Sami Thaçin.
Këngëtarja me origjinë shqiptare, Dua Lipa, do të performojë në Pula Arena më 8 dhe 9 qershor, transmeton gazeta “Kosova Sot Online”.
Pula Arena do të presë disa emra të tjerë të mëdhenj të muzikës këtë vit si: Dua Lipa, Avril Lavigne, Simple Minds dhe Lenny Kravitz.
Ku ka shkuar Adrola Dushi për pushime?
Ajo është autore e hitit “New Rules”, “Levitating”, “One Kiss” dhe e së fundmi “Dance The Night”, e cila është kolona zanore e filmit të famshëm “Barbie” dhe këngës së fundit “Houdini” që ajo bëri me Tame Impala.
Ajo është fituese e disa çmimeve kryesore, duke përfshirë tre ‘Grammy’.
Këngëtarja fitoi popullaritetin e saj muzikor tashmë me publikimin debutues të ‘Dua Lipa’, e cila zuri vendin e tretë në tabelën britanike të albumeve.
Albumi gjithashtu solli disa nga hitet e saj të mëdha – “Be the One”, “IDGAF” dhe “New Rules”, që njëherësh ishte një këngë nr.1 në Mbretërinë e Bashkuar në atë kohë.
Artistja e famshme vlen të ceket se tani është shfaqur edhe në disa projekte filmike.
Partia Socialdemokrate e ka mbajtur sot Kuvendin Zgjedhor, ku në krye të kësaj partie është rizgjedhur Dardan Molliqaj.
Molliqaj bëri të ditur se në Kuvendin e sotëm Zgjedhor është zgjedhur edhe Këshilli i ri Drejtues, këshill ky që sipas tij, e ka rritur numrin sepse aktiviteti është rritur.
“Sot gjithashtu, përmes një procesi të fshehtë zgjedhor më është besuar udhëheqja e PSD-së për katër vitet e ardhshme. Besimin e dhënë e kuptoj si thirrje për ta rritur përkushtimin dhe punën ekipore. PSD me punën e saj është dëshmia se mund te jesh edhe idealist e radikal, edhe demokrat”, shkroi Molliqaj, transmeton Klankosova.tv.
Kjo është hera e dytë që Molliqaj zgjidhet kryetar i PSD-së, parti për të cilën tha se janë kryer punimet drejt rritjes dhe konsolidimit.
Talat Xhaferi është betuar si kryeministri i parë shqiptar në Maqedoninë e Veriut.
Ai është bërë kryeministër me 65 vota pro, tri kundër dhe asnjë abstenim nga 111 deputetë sa ishin në sallë.
Betimi i tij u bë para deputetëve të Kuvendit të Maqedonisë së Veriut pas dorëheqjes së Qeverisë së kaluar që udhëhiqej nga Dimitar Kovaçevski.
Xhaferi do të qeverisë për 100 ditë pasi bëhet fjalë për një qeveri teknike. Ai i ka dorëzuar në Kuvend emrat e kabinetit me të cilin do të udhëheqë vendin deri në zgjedhjet e 8 majit.
BDI, partia shqiptare në koalicionin qeverisës, ka propozuar emrat e 5 ministrave dhe 3 zëvendësministrave për qeverinë teknike.
Talat Xhaferi ka lindur më 15 prill 1962 në Gostivar, Republika e Maqedonisë së Veriut. Në vitin 1981, regjistrohet në Akademinë Ushtarake e Forcave Tokësore – drejtimi i këmbësorisë, dhe mësimin e ndjek në Beograd dhe në Sarajevë.
Prej vitit 1996 deri në vitin 1998 u përkushtohet studimeve pas universitare me specializim në detyrat komanduese dhe të shtabit në Akademinë Ushtarake Shkup, ndërsa në vitin 2013, fiton titullin magjistër, pas mbrojtjes së suksesshme të tezës në Fakultetin Filozofik pranë Universitetit në Shkup.
Karrierën në forcat e armatosura e fillon në vitin 1985, fillimisht në Armatën Popullore të Jugosllavisë (APJ),Me pavarësimin e Maqedonisë, ai kthehet në vendlindje dhe inkuadrohet në Armatën e Maqedonisë, duke qenë oficer i lart dhe pas një periudhe zgjidhet komandant i njësiteve të këmbësorisë në kazermën e Tetovës.
Gjatë viteve të përfshirjes në politikë në radhët e BDI-së, duke u zgjedhur deputet, zëvendësministër i mbrojtjes në vitin 2008 dhe ministër i mbrojtjes në shkurt të 2013.
Në vitin 2016, për herën e pestë zgjidhet deputet në Kuvend, ndërsa në vitin 2017, zgjidhet Kryetar i Kuvendit të Republikës së Maqedonisë së Veriut. Më 21 gusht 2020, pas mandatit të tij të gjashtë si deputet, përsëri e fiton besimin e shumicës të deputetëve të Kuvendit dhe zgjidhet Kryetar i dhomës ligjvënëse.