Kompania e Ujësjellësit “Hidroregjioni Jugor” ka njoftuar për mungesë të ujit në 14 fshatra të Prizrenit që furnizohen nga burimi “Sozi”. Pas ankesave të shumta, ekipet e kompanisë kanë inspektuar burimin dhe kanë konstatuar një rënie drastike të nivelit të ujit në kaptazhë, duke penguar furnizimin me ujë në rezervuar.

Në një hetim të mëtejshëm, është identifikuar se punimet për rregullimin e shtratit të lumit në afërsi të burimit të ujit kanë ndikuar negativisht në pellgun ujëmbledhës të burimeve të “Sozit”. Kuvendi Komunal dhe operatori ekonomik janë angazhuar të fillojnë punimet për sanimin e këtij problemi që nga nesër, përcjell PrizrenPress.

Njoftimi i plotë:

Me datë 06.08.2024 (E Martë), duke u bazuar në ankesat e shumta për mungesë të ujit në 14 fshatrat të cilat furnizohen nga burimi i “SOZI”, ekipet e K.R.U. “Hidroregjioni-Jugor” menjëherë kanë dalur në teren për të inspektuar burimin e ujit SOZI dhe defektet e mundshme që mund të ndikojnë në mungesën e furnizimit me ujë nga ky burim.
Ekipi i terenit konstatoi që ka rënie drastike të nivelit të ujit në kaptazhë, rrjedhimisht nuk ka ujë të mjaftueshëm për të pompuar në rezervuar.
Me qëllim të identifikimit të problemit, i cili është paraqitur gradualisht për më shumë se dy javë.
Me qellim të konstatimit të gjendjes faktike kemi kontaktuar organet kompetente komunale dhe bashkarisht kemi dalur në vend të ngjarjes.
Sipas gjendjes faktike në teren, dyshohet që punimet që janë duke u zhvilluar për rregullimin e shtratit të lumit, i cili ndodhet në afërsi të burimit, kanë pasur impakt direkt në pellgun ujëmbledhës të burimeve të Sozit.
Kuvendi komunal, në bashkepunim me operatorin ekonomik kanë marrur obligim që nga neser të fillojnë punimet për sanimin e problemit. /PrizrenPress.com

Marketing

Hotel Albes në Korishë, zgjedhja më e mirë për qetësi

Kompania “G&M Stone”, lidere në përpunimin dhe prodhimin e gurëve në Kosovë

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kryetari i Komunës së Prizrenit, Shaqir Totaj, ka mbajtur një takim sot me përfaqësuesit e organizatave të bizneseve që veprojnë në komunë për të diskutuar fenomenin e ngritjes së çmimeve në sektorin e hotelerisë, restoranteve, kafeterive dhe shërbimeve, përfshirë parkingjet, sidomos në pjesën historike të qytetit.

Totaj theksoi rëndësinë e harmonizimit të veprimeve për të ruajtur reputacionin e qytetit gjatë sezonit të verës, kur Prizreni përjeton një fluks të madh vizitorësh.

“Me dinamizmin e jetës kulturore, sidomos në sezonin e verës, kur ka shumë vizitorë në qytetin tonë, konsiderojmë se veprimet duhet bashkërisht të harmonizohen me qëllim të ruajtjes së reputacionit të qytetit të Prizrenit,” tha ai, përcjell PrizrenPress.

Totaj paralajmëroi se loja me çmime në afat të gjatë kohor nuk sjell përfitime dhe se inspektorët komunalë do të monitorojnë situatën.

“Të gjitha veprimet do të monitorohen nga inspektorët komunalë dhe publikimi i çmimeve të shërbimeve në vende të dukshme është i domosdoshëm për të siguruar transparencë e për t’i shmangur keqkuptimet apo abuzimet që mund të ndodhin”, deklaroi ai.

I pari i Prizrenit theksoi rëndësinë e bashkëpunimit të të gjithë aktorëve për të siguruar që rritjet e çmimeve të jenë të arsyeshme dhe të përputhshme me nivelin e shërbimit të ofruar, pasi rritja e çmimeve mund të ndikojë negativisht në përvojën e vizitorëve dhe imazhin e qytetit.

“Kjo është një çështje e rëndësishme për të siguruar që rritjet e çmimeve janë të arsyeshme dhe të përputhshme me nivelin e shërbimit që ofrohet, pasi rritja e çmimeve në sektorin e hotelerisë dhe të parkingjeve, sidomos në zonën historike, mund të ndikojë negativisht në përvojën e vizitorëve dhe në imazhin e qytetit,” u shpreh Totaj./PrizrenPress.com

Marketing

Hotel Albes në Korishë, zgjedhja më e mirë për qetësi

Kompania “G&M Stone”, lidere në përpunimin dhe prodhimin e gurëve në Kosovë

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri