13 punëtorë të Komunës së Rahovecit janë helmuar në Durrës.
Lajmin e ka bërë të ditur Smajl Latifi, kandidat për kryetar nga radhët e AAK-së.
Ai me anë të një postimi në Facebook ka treguar se janë 13 punëtorë që janë helmuar.
Lexoni më poshtë postimin e tij:
Smajl Latifi
Me shqetësim e mora lajmin e helmimit të punëtorëve të Komunës së Rahovecit, të cilët ishin për pushim këtë fundjavë në Durrës.
Jam informuar se ata pasi kanë konsumuar drekë në një restorant në Durrës, kanë hasur në shenja helmimi dhe janë dërguar në emergjencë.
Janë 13 punëtorë që janë helmuar, ku pesë prej tyre tashmë janë liruar, kurse tetë të tjerë vazhdojnë trajtimin mjekësor, jashtë ndonjë rreziku.
U uroj punëtorëve shërim sa më të shpejtë dhe kthim në vendin e tyre të punës
