Seanca gjyqësore ndaj Fatmir Limajt dhe katër të tjerëve të dyshuar në rastin MTPT, ka vazhduar sot në Pallatin e Drejtësisë.
Pas problemeve që pati dje me dhëmbë, Limaj sot tha se ndihet shumë mirë.
Limajt i është lexuar aktakuza me të cilën ai rrezikon të dënohet deri në 20 vjet burg.
Deputeti dhe lider i Nismës për Kosovën Limaj, akuzohet për krim të organizuar, shpërdorim të detyrës zyrtare, marrje të ryshfetit dhe vepër penale për mosraportim të parasë.
Me Limajn akuzohen edhe katër të tjerë, Nexhat Krasiniqi, Florim Zuka, Shpetim Telaku dhe Endrit Shala.
Aktakuza është ngritur si “e konsoliduar”, si rezultat i bashkimit të dy rasteve, mbi të cilat janë zhvilluar hetimet, që njihen si MTPT1 dhe MTPT 2.