Telekomi i Kosovës ka njoftuar institucionet përkatëse se asnjë informacion nuk ruhet në serverët e saj, përfshire edhe Bisedat dhe SMS-të. Aplikimin e këtyre standardeve e ka bërë të ditur drejtori menaxhues i Telekomit të Kosovës, i cili ka publikuar dokumentin që njofton organet kompentente se nuk mund të kërkojnë asnjë informacion për shkak se asgjë nuk ruhet.
Kryeshefi ekzekutiv i PTK-së, Agron Mustafa ka reaguar edhe njëherë në lidhje me lajmin se Serbia po përgjjon numrat e operatorit Vala dhe Z mobile.
Mustafa ka thënë se Telekomi i Kosovës as nuk I njeh, dhe as nuk I zbaton vendimet e Gjykatave serbe të cilat sipas tij, po urdhërojnë që në mënyrëtë paligjshme të përgjojë numrat e Vala-s dhe Z Mobile. Ai ka shtuar se fakti që një Gjykatë serbe si asjo e Vranjës jep këso lloje urdhërash, nuk do të thotë që PTK-ja është e implikuar në këtë çështje.
“Të vetmet përgjime që bëhen janë ato që autorizohen nga Gjykatat Kosovës. Me kërkesë të prokurorisë dhe leje të Gjykatës, policia vendos nën përgjim një numër. Telekomi i Kosovës nuk ka të bëjë me këtë. Asnjë punëtor i Telekomit nuk e di se kush mund të jetë i survejuar nga policia, apo ndonjë organ tjetër kompetent i zbatimit të ligjit”, thuhet ndër të tjerash në reagimin e Mustafës.