Nga sheshi “Skenderbeu”, aty ku sot nga ora 14:00 opozitarët kanë vendosur tenda si një mënyrë e re e kundërshtimit të Qeverisë. lideri i NISMA-s për Kosovën, Fatmir Limaj, ka thënë se rezistenca e tyre do të vazhdojë.
“Kemi kaluar në një etapë të re të protestimit si kjo sot në shesh”, tha Limaj për emisionin Ora e Fundit në Klan Kosova.
Limaj, ka thënë se sot është parë se sa shumë përkrahen opozitarët.
“Ajo që kemi parë dhe nga ajo që na tregojnë përgjegjësit është se ka një solidaritet të madh, duke i furnizuar protestuesit me artikuj ushqimor”.
Sipas tij, pushteti aktual nuk e kupton kërkesën e qytetarëve.
“Ne kemi të bëjmë me një regjim që nuk po e kupton kërkesën e qyetarëve. Njerëzit janë këtu në shesh që t’u jepet mundësia që të shkohet në votën e lirë e të religjitmohen institucionet”.
“Njerëzit janë këtu për t’i kërkuar regjimit që vendi ka nevojë të shkojë në zgjedhje. Deri në përmbushjen e kësaj kërkese, opozitarët dhe qytetarët do të vazhdojnë”, tha Limaj.