Mesfushori shqiptar i Zvicrës, Granit Xhaka, që këtë javë zyrtarizoi transferimin tek Arsenali, ka thënë se gjithherë e ka pasur ëndërr që të luaj për klubin londinez.
Transferi i 23 vjeçarit i kushtoi Arsenalit 33 milion funte. Ai është krahasuar me mesfushorin e njohur italian, Andrea Pirlo.
“Po ndjehem mirë, dhe jam shumë i lumtur të bëhem pjesë e Arsenalit”, ka thënë ai, njofton Goal.com
“Ka qenë një javë e madhe për mua, por tani që është zyrtare jam shumë i lumtur. Arsenali është ekip i madh. E kam parë fushën atje, është e pabesueshme. Kjo për mua ka qenë një ëndërr,” ka thënë ai.