Sot, në fshatin Carralevë, u shënua 26-vjetori i Betejës Heroike që u zhvillua gjatë luftës për liri, me një ceremoni përkujtimore në nderim të dëshmorëve që dhanë jetën për atdheun.
Pjesëmarrës në këtë ngjarje ishin përfaqësues institucionalë, familjarë të dëshmorëve, qytetarë dhe veteranë të Ushtrisë Çlirimtare të Kosovës, të cilët nderuan sakrificën dhe veprën e heronjve të rënë.
“Veprat e tyre janë të përjetshme në kujtesën e kombit dhe mbeten udhërrëfyes për brezat që vazhdojnë rrugën e shtetndërtimit dhe mbrojtjes së vlerave të lirisë,” u tha në fjalimet përkujtimore.
Beteja e Carralevës mbetet një nga faqet më të ndritura të rezistencës çlirimtare, simbol i guximit dhe vendosmërisë për liri.
