Përmes një postimi në Facebook, ai ka thënë se pas përfundimit të ndeshjes bashkë me lojtarët e kanë festuar fitoren dhe kanë parë se jashtë është tollovi mes tifozëve.
Ai ka thënë se ai nuk është përleshur me askënd dhe vetëm ka tentuar që të mos ketë tensione dhe përleshje fizike.
Postimi i tij i plotë:
SQARIM
Dje, KF Pirana zhvilloi ndeshjen e parë futbollistike në stadiumin e fshatit Serbicë, loja gjatë gjithë ndeshjes u zhvillua e qetë dhe ishte shembull. Pas përfundimit të ndeshjes bashkë me lojtarët e klubit dhe zyrtarët tjerë festuam fitoren e parë të këtij sezoni dhe hymë në zhveshtore.
Sa ishim në zhveshtore duke festuar pashë se jashtë filloi një tollovi mes tifozëve dhe pjesëmarrësve të cilët ndoqën ndeshjen. Si drejtor i klubit KF Pirana, më takonte që të parandaloja ndonjë përleshje mes dy palëve dhe ndërhyra që t’i ndaja.
E kam për obligim që para jush të sqaroj që unë nuk jam përleshur dhe nuk kam pasur kontakt fizik me asnjë person. Unë gjatë gjithë asaj kohe tentova që mos të ketë tensione dhe përleshje fizike.
Me respekt