5.8 C
Prizren
E mërkurë, 1 Shkurt, 2023

Dyshohet se një grua nga Dragashi ka vdekur nga dhuna e vazhdueshme në familje, mjeku gjen shenja në trupin e saj

Një ngjarje e tmerrshme dhe mjaft e dhimbshme ka ndodhur sot në fshatin Kuk të Dragashit, ku ka vdekur një grua e cila që një kohë ishte viktimë e dhunës në familje.

Gruaja 67-vjeçare ndërroi jetë mëngjesin e sotëm dhe vdekja e saj u konstatua nga mjeku kujdestar.

Burimet e Sinjalit kanë bërë të ditur se dyshimet mbi vdekjen e saj u ngritën për shkak të rasteve të dhunës që ishin raportuar më parë, gjë që alarmoi Policinë, me ç’rast të ndjerës i është bërë një kontroll.

Sipas informacioneve të para, në trupin e gruas ka pasur shenja të dhunës, gjë që ka ngritur dyshime se e njëjta mund të ketë vdekur si pasojë e dhunës së vazhdueshme në familje.

Ajo që dihet tani pritet të konfirmohet nga ekzaminimet në Institutin e Mjekësisë Ligjore, ku është dërguar trupi i pajetë i viktimës.

Të njëjtat burime thonë se në vendin e ngjarjes kanë dalë të gjitha njësitë përkatëse dhe së shpejti pritet të zbulohen detaje për këtë rast mjaft të trishtë.

Me urdhër të Prokurorit të Shtetit rasri është iniciuar si vdekje e dyshimtë dhe pas nisjes së hetimeve do të zbardhen rrethanat e vdekjes se gruas 67-vjeçare.

Më Shumë

Pas tankeve, Ukraina kërkon edhe aeroplanë luftarakë – kush do të mund t’ua jepte dhe kush u tha “jo”?

Pritet që ministri ukrainas i Mbrojtjes të takohet sot në Paris me presidentin francez Emmanuel Macron, në kohën kur po debatohet në mesin e...

Hovenier: Vazhdojmë të avokojmë për zbatimin e gjitha zotimeve të dialogut

Ambasadori amerikan në Kosovë, Jeffrey Hovenier, pas diskutimeve në Ambasadë për çështjen e Asociacionit, ka përsëritur thirrjen që të gjitha zbatohet të gjitha marrëveshjet...

Lajmet e Fundit