Federata e Futbollit e Turqisë ka bërë me dije se portieri i ri i klubit amator, Derik Sport, Muhamed Seyid Orhan, ka vdekur në tërmetin që goditi vendin së fundmi, shkruan FrontOnline.
“Me pikëllim të thellë njoftojmë se Muammed Seyid Orhan, portieri i Derik Sporit, një klub amator, ka vdekur nga tërmeti që goditi vendin tonë”, thuhet në njoftimin nga FFT-ja.
Federata turke i ka dërguar ngushëllime familjes së futbollistit të ndjerë.
“Allahu e mëshiroftë atë. Ngushëllime familjes, të afërmve dhe klubit”, thuhet më tej.
Ndryshe, më shumë se 21 mijë persona vdiqën si pasojë e tërmetit që goditi Turqinë në fillim të kësaj jave./FrontOnline/