28.9 C
Prizren
E diel, 14 Shtator, 2025

Turqia zyrtarisht në balotazh, por Erdogani s’pritet ta ketë zor

Zgjedhjet presidenciale në Turqi po shkojnë në Balotazh pasi Rexhep Taip Erdogan lehtësisht e mposhtu rivalin kryesor Kemal Kiliçdaroglun por nuk ia doli të siguronte 50% të votave për të shmangur edhe rundin e dytë.

69 vjeçari ia doli mbanë të rrëzonte parashikimet e bëra në sondazhe që thoshin se rivali i tij mund të fitonte në rundin e parë. Ai i mori 49.51% të votave kundër Kiliçdaroglut që i mori 44.88 për qind.

Balotazhi do të ndodh më 28 maj.

Ahmet Yeneri, kreu i Bordit Suprem Zgjedhor, tha gjatë ditës së sotme se edhe kur të numërohen votat nga diaspora turke, askush nuk do të arrinte të siguronte fitoren.

Një kandidat i tretë me emrin Sinan Ogan, dhe nacionalist me bindje, u shfaq si një “kingmaker” potencial pasi i mori 5.17 për qind të votave.

Ndërkohë, në zgjedhjet parlamentare partia e Erdoganit, AKP-ja, bashkë me aleatët e saj të së djathtës ekstreme ishte po ashtu afër që të siguronte një shumicë të plotë.

Rezultati ishte një zhgënjim i madh për Kiliçdaroglun, 74 vjeçar, me shumë figura në kampin opozitar që po kontestojnë nëse ai ishte kandidati i duhur.

“Mos u dëshpëroni,” – iu tha Kiliçdaroglu mbështetësve të tij në Twitter. “Do të qëndrojmë në këmbë e do t’i marrim këto zgjedhj bashkë,”

Opozita kishte shpresuar që të përfitonte vota nga zemërimi i shkaktuar për shkak të krizës ekonomike në Turqi dhe politikave joortodokse ekonomike të Erdoganit për shkallë të ulët interesash që e zhvlerësuan liran – valutën turke – dhe e çuan inflacionin deri në 85%.

Një tjetër problem për Erdoganin kishte qenë edhe përgjigja e ngadaltë për tërmetet që i vranë 50 mijë njerëz në muajin shkurt të këtij viti.

Por, Erdogani ia doli që t’i mobilizonte votuesit dhe pritet që ta “zgjerojë pushtetin e tij edhe në dekadën e tretë,” – siç shkruan The Guardian.

Kiliçdaroglu është zotuar për ta ringjallur demokracinë turke pas vitesh represioni shtetëror, kthim në politikat ekonomike ortodokse dhe për forcim të institucioneve që e kishin humbur autonominë nën Erdoganin.

Erdogani e ka drejtuar Turqinë, së pari si kryeministër e më pas si president, prej vitit 2003.

Më Shumë

Bashkimi mposhti Trepçën në miqësore

Bashkimi ka shënuar fitore ndaj Trepçës në miqësoren e zhvilluar sonte në “Sezai Surroi” në Prizren, ku kishte rreth 1 mijë shikues. Ekipi prizrenas ka...

Nait Hasani: Liria që ne gëzojmë sot, ka emra, ka histori dhe ka gjak

Në një ceremoni solemne të mbajtur në Stubëll të Poshtme, komuna e Vitisë, u vendos gurthemeli i kompleksit memorial kushtuar Heroit të Kosovës, Rexhep...

Lajmet e Fundit