Spitali i Përgjithshëm “Prim. Dr. Daut Mustafa” në Prizren realizoi sot për herë të parë një procedurë komplekse: vendosjen e pacemakerit dhe stentimin në të njëjtën kohë.
“Një pacient, që mbërriti në Emergjencën e spitalit me bllok total atrioventrikular dhe gjendje hemodinamikisht jo stabile, u transferua menjëherë në Laboratorin e Kateterizimit. Ekipi i kardiologëve invazivë, në bashkëpunim me specialistët e anestezionit, veproi shpejt për të stabilizuar gjendjen e tij”, njofton Spitali i Përgjithshëm “Prim. Dr. Daut Mustafa” në Prizren.
Procedura përfshinte vendosjen e pacemakerit dhe realizimin e koronarografisë, duke ndihmuar në vendosjen e stentit për të riparuar arteriet e bllokuara.
Dr. Fazli Berisha, shef i Kardiologjisë Invazive, deklaroi se intervenimi u krye me sukses dhe pa komplikime, duke theksuar rëndësinë e këtij arritjeje për spitalin dhe komunitetin.
“Aktualisht, pacienti po vazhdon trajtimin në Laboratorin e Kateterizimit, dhe gjendja e tij është e qëndrueshme. Ky rast tregon përkushtimin e ekipit mjekësor për të ofruar shërbime të avancuara dhe cilësore në fushën e kardiologjisë në rajon”.
“Ky sukses ndihmon në ngritjen e standartit të kujdesit shëndetësor dhe tregon potencialin e kapaciteteve lokale për të trajtuar raste të komplikuara”./PP/
Marketing
Përjetoni pushime të paharruar dhe dasma magjike në Hotel “Albes Residence”
