12.3 C
Prizren
E martë, 20 Maj, 2025

Posta e Kosovës lëshon pullë postare dedikuar 80-vjetorit të Radio Prishtinës

Sot, më 5 shkurt 2025, Filatelia e Postës së Kosovës ka lëshuar një emision të veçantë pullash postare në nder të 80-vjetorit të Radio Prishtinës, mediumit të parë radiofonik në Kosovë.

Kjo pullë përkujton transmetimin e parë në Prizren më 1945, i cili, me kalimin e kohës, evoluoi në një institucion kyç të informacionit dhe kulturës në vend.

Pas disa vitesh, Radio Prishtina u zhvendos në kryeqytet, duke u bërë qendra kryesore e transmetimeve radiofonike. Me themelimin e Radio Televizionit të Prishtinës më 1974, ajo u integrua në një dritare të re informative dhe kulturore, duke luajtur një rol të rëndësishëm në promovimin e gjuhës, kulturës dhe traditave vendore. Për dekada, ky medium ka qenë simbol i profesionalizmit dhe rezistencës kulturore, duke shërbyer si një urë lidhëse me botën.

Ky jubile është një moment reflektimi mbi kontributin e gazetarëve, redaktorëve dhe teknikëve që ndërtuan një trashëgimi të pasur mediatike. Posta e Kosovës fton koleksionistët, bizneset dhe qytetarët të blejnë këtë pullë speciale, e cila përjetëson historinë dhe rëndësinë e Radio Prishtinës në zhvillimin e komunikimit dhe kulturës në Kosovë.

Më Shumë

Mushtisht: Arrestohet i dyshuari për dëmtim dhe vjedhje të kamerave të sigurisë

Në fshatin Mushtisht të Suharekës, është raportuar një rast i dëmtimit dhe vjedhjes së pajisjeve të sigurisë. Sipas Policisë së Kosovës, një person i dyshuar,...

Trepça kërkon mbrojtjen e titullin

‘Xehetarët’ kanë fituar pesë herë titullin. Të parin më 1993, e më pas dy herë pas luftës, 2000 dhe 2001. Titulli i radhës erdhi pas...

Lajmet e Fundit