Kuvendi i Komunës së Prizrenit mbajti sot seancë solemne me rastin e 17-vjetorit të Pavarësisë së Kosovës, ku morën pjesë përfaqësues të institucioneve, familje të dëshmorëve, shoqata të dala nga lufta e Ushtrisë Çlirimtare të Kosovës, përfaqësues të shoqërisë civile dhe qytetarë.
Në këtë ditë të rëndësishme historike u rikujtua me krenari sakrifica e dëshmorëve dhe e gjithë atyre që kontribuan në rrugën drejt lirisë dhe shtetndërtimit, përpjekjet e brezave të mëparshëm dhe rezistenca e popullit të Kosovës, e cila kulmoi me shpalljen e Pavarësisë më 17 shkurt 2008.
Urime përvjetorin e Pavarësisë së Kosovës!/PrizrenPress.com/
