Peja 03 triumfoi ndaj Junior 06 Moni Bau me rezultat 109:56 (31:14, 33:13, 22:14, 23:15) në javën e 14-t të Superliga Femrat.
Sfida nisi me dominimin e vendaseve që mbyllën çerekun e parë 31:14, derisa njëjtë vazhduan edhe në periudhën e dytë për të thelluar epërsinë dhe skuadrat shkuan në pushim me rezultat 64:27.
Dominimi i pejaneve vazhdoi edhe në çerekun e tretë 22:14, ndërsa pejanet shkëlqyen edhe në pjesën e fundit dhe fituan 109:56.
Më e mira te vendaset ishte Alexis Tolefree me 24 pikë, katër kërcime, tri asistime ndërsa te mysafiret ishte Abigail Ogle me 14 pikë, tetë kërcime dhe pesë asistime.
Peja 03 ka tetë fitore dhe gjashtë humbje, kurse Junior 06 ka pesë fitore dhe nëntë humbje./PrizrenPress.com/
