Policia e Kosovës ka njoftuar për një rast të vjedhjes që ka ndodhur ditën e mërkure në Prizren.
Në njoftim thuhet se persona të panjohur kanë kryer vjedhje në një shtëpi, duke vjedhur stoli ari, para të gatshme, armë dhe municion.
“Viktima mashkull kosovar, ka raportuar se person-a të dyshuar të panjohur me forcë kanë depërtuar në brendinë e shtëpisë së tij dhe nga aty kanë vjedhur: një sasi stoli ari, para të gatshme dhe një pistoletë me dy karikatorë dhe 17 copë fishekë për të cilën viktima posedon leje”, thuhet në njoftim.
Policia bën të ditur se lidhur me rastin është njoftuar prokurori, rasti në procedurë hetimore.
