13.9 C
Prizren
E mërkurë, 26 Mars, 2025

Rritja e çmimit të rrymës dëmton rëndë sektorin e prodhimit të qumështit

Shoqata e Industrisë së Qumështit të Kosovës ka kërkuar nga Qeveria e Kosovës që të ndërhyjë për të ndaluar shtrenjtimin e energjisë elektrike, duke theksuar se kjo rritje do të dëmtojë rëndë sektorin e prodhimit të qumështit.

Kryetari i shoqatës, Gani Durmishi, ka deklaruar se tashmë po përballen me kosto të larta për ambalazhin, pagat e punëtorëve dhe shpenzime të tjera operative. Ai thekson se, pavarësisht përpjekjeve për të ruajtur stabilitetin e çmimeve, një rritje e re e tarifave të energjisë do t’i detyrojë të shtrenjtojnë produktet e qumështit.

“Me gjithë sakrificat e bëra deri tani për të ruajtur një paqe sociale për konsumatorët në Kosovë, nëse çmimi i energjisë rritet, do të detyrohemi të veprojmë. Shpresojmë në mirëkuptimin e klientëve tanë,” thuhet në reagimin e shoqatës.

Industria e qumështit në Kosovë ka qenë ndër sektorët më të goditur nga rritja e kostove të prodhimit dhe kërkon nga institucionet që të parandalojnë ndikimin e mëtejshëm të shtrenjtimit të energjisë në zinxhirin e furnizimit me produkte bazike ushqimore./rtklive/

Më Shumë

U shënua përvjetori i 26-të i masakrave në Brestoc, Fortesë dhe Celinë

Në fshatrat Brestoc, Fortesë dhe Celinë të komunës së Rahovecit u përkujtuan 5 dëshmorët dhe 49 martirët e Brestocit, 68 martirët e Fortesës dhe...

Kosova në kërkim të fitores sonte ndaj Islandës

Përfaqësuesja e Kosovës do t’i bëjë konak Islandës sonte në stadiumin “Fadil Vokrri” në Prishtinë, në duelin e parë të “play-off”-it të Ligës së...

Zjarr

Lajmet e Fundit