Dukagjini dhe Suhareka ndanë nga një pikë në një përballje të rëndësishme për mbijetesë në Superligën e Kosovës. Rezultati 1:1 i la të dyja skuadrat me shpresa për të shpëtuar nga rreziku i barazhit.
Mysafirët e Suharekës kaluan të parët në epërsi me golin e Mevlan Zekës në minutën e 11-të, por Dukagjini reagoi menjëherë. Faton Neziri barazoi pas 9 minutash dhe siguroi një pikë të vlefshme për ekipin e tij.
Me këtë barazim, Dukagjini arrin në 36 pikë dhe mban vendin e shtatë, duke qenë vetëm tri pikë larg barazhit. Suhareka qëndron në vendin e nëntë me 33 pikë, po aq sa Llapi që ndodhet një pozitë më lart.
