Një defekt në rrjetin e ujësjellësit, i cili ndodhi në afërsi të objektit të Kompanisë Rajonale të Ujësjellësit “Hidroregjioni Jugor” në Shatërvan të Prizrenit, është sanuar në një kohë rekord.
Ekipet teknike të KRU-së kanë ndërhyrë menjëherë dhe kanë përfunduar sanimin me shpejtësi, duke rikthyer stabilitetin në sistemin e furnizimit me ujë.
“Është sanuar defekti që ishte paraqitur në afërsi të objektit të kompanisë. Ekipet teknike kanë intervenuar menjëherë pas paraqitjes së problemit dhe kanë arritur ta përfundojnë sanimin në një kohë rekord, duke rikthyer stabilitetin në sistemin e furnizimit me ujë”, thuhet në njoftimin e kompanisë.
KRU “Hidroregjioni Jugor” falënderon qytetarët për mirëkuptimin gjatë kohës së ndërprerjes së përkohshme./PrizrenPress.com
