Një punëtore e një zyre të një institucioni mikrofinanciar në Malishevë është arrestuar nën dyshimet për keqpërdorim të besimit, pasi dyshohet se ka tërhequr para në mënyrë sistematike pa dijeninë e pronares së biznesit.
Rasti është denoncuar gjatë pasdites së djeshme, më 23 prill, ndërsa arrestimi i të dyshuarës është bërë në rrugën “Skënderbeu” në Malishevë.
Siç merr vesh Klankosova.tv, e dyshuara për një kohë të gjatë ka tërhequr mjete financiare pa u hetuar nga pronarja, duke i shkaktuar kësaj të fundit dëme materiale.
Me vendim të prokurorit, e dyshuara është dërguar në mbajtje.
Lajmin e ka konfirmuar edhe Policia Rajonale në Gjakovë.
