17 C
Prizren
E martë, 16 Shtator, 2025

Sonte në Prizren, Bashkimi dhe Peja e vazhdojnë serinë gjysmëfinale

Rivaliteti historik mes Bashkimit dhe Pejës do të ndizet sërish sonte në Prizren, në përballjen vendimtare për avantazhin e serisë gjysmëfinale të playoff-it të Superligës së Kosovës në basketboll.

Pas dy ndeshjeve shumë të luftuara, seria aktualisht është e barabartë 1-1. Javën e kaluar, Bashkimi kishte fituar përballjen e parë në “Sezai Surroi”, duke marrë epërsinë e parë në seri, por Peja kishte reaguar në mesjavë, kur në palestrën e vet kishte arritur të barazonte shifrat dhe të mbajë gjallë shpresat për finalen e madhe.

Sonte, njëra nga këto dy skuadra do të marrë avantazhin vendimtar në seri dhe do të marshojë një hap më afër finales, në një sfidë që pritet të jetë e zjarrtë dhe me shumë emocion. Rivaliteti i tyre këtë edicion ka rikthyer kujtime nga përballjet e forta të viteve të kaluara, duke e bërë këtë duel edhe më të veçantë për basketbollin kosovar.

Përballja zhvillohet sonte në palestrën “Sezai Surroi” në Prizren, duke filluar nga ora 19:00.

Më Shumë

Zbulohen substanca narkotike në pikën kufitare në Vërmicë, i dyshuari dorëzohet në DHTN Prizren

Dogana e Kosovës njofton se më datë 11 shtator 2025, rreth orës 09:30, në pikën kufitare në Vërmicë, gjatë kontrolleve rutinore, zyrtarët doganorë në...

Bashkimi e nis kampionatin në Gjakovë kundër Vëllaznimit

Nënkampioni i Kosovës, Bashkimi, do ta nis edicionin e ri të ProCredit Superligës së Kosovës në basketboll me një përballje të zjarrtë ndaj rivalit...

Lajmet e Fundit