Mbi 90 për qind e tokës bujqësore në Mamushë është elektrifikuar. Kjo ka çuar në lehtësimin e punës fizike të bujqve në këtë komunë, duke përfituar në kohë dhe kosto. Ujitja e parcelave që dikur zgjaste me ditë të tëra, tani përfundon brenda dy orëve, thonë fermerët.
Kultivimi i perimeve në komunën e Mamushës është lehtësuar, falë investimeve që komuna ka bërë në shtrirjen e rrjetit elektrik në parcelat e serrave. Rryma u ka mundësuar atyre që ujitja të kryhet shumë lehtë edhe në terrenet ku deri më tani ishin lënë djerrë.
Bujku Sedat Thaqi thotë se, falë investimeve, është rritur edhe prodhimi ndërsa është zvogëluar kostoja.
Në parcelat e Nexhat Morinës, domatja do edhe pak kohë të dalë në treg. Ndryshe nga vitet e tjera, për të vaditur një serrë, tani duhet vetëm dy orë, ndërsa ky proces zgjaste me ditë të tëra thotë Morina.
Komuna për këtë projekt shpenzoi 600 mijë euro thotë Rruzhdi Mazrek, drejtor i Bujqësisë në këtë komunë.
Ky investim fermerëve të Mamushës mund t’iu ndihmojë edhe në mbajtjen e temperaturës në serra.
Deri më tani rrjeti elektrik në komunën e Mamushës është shtrirë në mbi 90% të sipërfaqes së tokës bujqësore që kryesisht është në serra./rtk
Marketing
